رائحة البنزين داخل السيارة **مهم **

[مجتهد***]

السلام عليكم

أعضاء و زوار منتدانا الغالي

عندي مشكلة وما لقيت لها حل

ريحة البنزين خنقتني داخل السيارة ( مرة من المرات طلعتنا من داخل البيت

الريحة نفكر أحد يعبث في الحوش )

رحت للورش و كل واحد يفتي كما هي العادة و بدلت بين أنواع البنزين

ونف المشكلة .
المواسير سليمة و غطا التانكي سليم

ألاحظ إذا مريت عند غطا البنزين تزيد الريحة و تسمع صوت الهواء يخرج من التانكي


طبعًا السيارة لند كلوزر 98 vx-r

تكفون أبي حل

[مجتهد***]

الموضوع للرفع
الله يرفع قدركم في الجنه
ثمان زيارات و مافي رد واحد
السيارة ما أقدر أسافر بها بسبب الرائحة

[قناص*07]

تأكد من الخراطيش والقفزان اللي بين غطاء التانكي والتانكي.

[الثويرات]

http://www.mekshat.com/pix/upload/images39/mk55341_zaz.gif


شف اخوي بعطيك طريقه ورايح تستفيد منها

اول شي عب بنزين وبعدين رح دورلك اما عقم اوطعس المهم انك تميل الموتر لجهة غطاء التانكي وانزل وشوف خراطيش اذا تهرب اولا


اذا مالقيت شي جرب الطريق الثانية





ثانياً

افتح السويت عشان تشتغل طرمبة البنزين وتفقد لي البنزين الي شابك بماصورة البخاخات والراجع منها

[عاشق السيل]

الله يكون في عونك !!

جرب نصيحة أخوي الثويرات ،،،،



http://www.m5zn.com/uploads/00ea3cfba5.bmp (http://www.m5zn.com/)

[حمد808]

علبة الفحم الي في الكبوت ممكن تصير متشربة بانزين 80%تكون منها

[أبوأحمد98]

شيك على الوجه الي يجي على طرمبه البنزين موقع طرمبه البنزين بالمرتبه الاخيره
صارت معي بباترول

[المموه]

اي تانكي بنزين له تهويه علشان الضغط خاصه في الصيف مع ازدياد الحراره . لذا عليك اولا اذا لم يكن هناك تهريب التأكد من غطاء التانكي . اذا كنت مركب تانكي ماء فأي نزول للسياره راح تشم ريحة البنزين بسب ضغط تانكي الماء وعدم توازن السياره لذا ركب كعكات خلف السياره لتفادي عدم التوازن . وعموما اي ورشه لا يمكن تحل الموضوع يبغى للمشكله بخيص يركب كعكات لليايات الخلفيه وتزول المشكله ان شاء الله . على فكره جنبي واحد من الزملاء قال عندي نفس المشكله اذا مريت عند غطاء التانكي وفتحت الباب سمعت صوت تنسيم وريحه طلعت المشكله بالربله حقت الغطاء خربانه غيرت غطاء اصلي وراحت الريحه .

[الدحبول]

غطاء التانكي

[ff-19]

شف الرابط ان شاء الله يفيدك
http://www.mekshat.com/vb/showthread.php?t=61771

[alkongrs]

تاكد من وجود الرابلة حق التانكي

[راعي الروضة]

انا ماعندي لكل حل بس انصحك ماتسافر ووضع السيارة بهذا الشكل او حتى تسير بها في هذه الحرارة العالية حتى لاتتعرض ــ لاسمح الله لحريق ــ الى ان تتاكد من انتهاء هذه المشكلة 000 وأنا واثق انك ستجد الحل فالمنتدى يضم من الاعضاء من لديهم الخبرة الكافية ليدلوك على الطريقة السليمة والردود تدل على ذلك 000 دربك سالم ان شاء الله

[Waleed1]

السلام عليكم ورحمة اللة

أخوى مجتهد ولايهونون الاخوان، أنت متأكد أنها رائحة بنزين أنا أخاف أنة عاتم السيارة أى دخان الشكمان اللى هو غاز ثانى أكسيد الكربون اللى يخش عندك فى الغمارة، عموماً نصيحتى لك أنك تودى السيارة عند محل شكمانات لتشييك التهريب وفية طريقة حلوة هو أنك تسد الشكمان بمنشفة وتضغط علية بقوة أذا قدرة تصمد ياتطفى السيارة أو ماتقدر تمسك الضغط فتضطر تفك يدك وهذا دليل على أن الشكمان بحالة جيدة يا أنك تقدر تمسك وبسهولة ولاتطفى السيارة وهذا يدل على تهريب الشكمان. أنتبة لهذى الطريقة لان غاز ثانى اكسيد الكربون خطير خل الهواء وراك علشان يندف الغاز امامك وبعدين لاتسوى هالطريقة فى كراج والعملية كلها ماتاخذ حتى نصف دقيقة. هذا أذا كان المشكلة من العاتم. أرجوا أنى أفدتك

[محمد الحريقي]

السلام عليكم
والله ان الكبد تفرك لفزعك, بس ماعرف الا ان واحد من الشباب بغى يفطس من ريحة سيارته واكثر شي اذا مر من عند التانكي ...
المهم انه غير الغطا وضبط وضعه ........والعلم عند الله

[مجتهد***]

السلام حليكم
حياكم الله كلن باسمه
أسف على التأخير عن الرد لنشغالي
فعلًا أخوي المموه و لا يهينون الربع أنا مركب تانكي ماء تحت السيارة
و جزاكم الله خير على تفاعلكم معي
ابو فيصل 2020
الثويرات
عاشق السيل
حمد808
أبو أحمد 98
المموه
الدحبول
ff-19
ولد العمدة
رعي الروضة
وليد1
السلع
مشكورين و ما قصرتوا
بيض الله وجيهكم



وأتمنى الرد من بقيت الأعضاء

[مجتهد***]

السلام عليكم
اليوم الفجر عبيت السيارة بنزين على الأخر حتى يزداد الظغط
و قلت إذا في تنسيم ببين
و فعلن أصبح البانزين ينزل من التانكي كأنه قطرات ماء المكيف
رفعت السيارة على رافعة وشفت التهريب جاي من فوق التانكي الكبير
وديته الورشة و الله يستر ....

[الكاسر23]

اخوي مجتهد

عندي نفس مشكلتك بالضبط

وتزيد الريحة كلما قربت من غطاء التانكي

وتزيد أكثر بعد تعبئة التانكي

المهم لقيت أن غطاء التانكي (في الظاهر) سليم ما فيه الا العافية

لكن تفاجأت بعدم وجود وجهة الغطاء من الداخل (الربلة)

وهي اللي سببت خروج البنزين من التانكي.

غيّر الغطاء لان السبب تقريبا واضح .. وهو انك كلما قربت من غطاء التانكي تزيد ريحة البنزين

يعني التهريب من الغطاء

او مثل ما ذكروا لك الاخوان

شيك القفزان اللي تربط الليات بفتحة تعبئة البنزين وكذلك اللي تربط الليات بأعلى تانكي البنزين.

ولك تحياتي

اخوك
ابو محمد

[مجتهد***]

أبشركم
أنحلت المشكلة
لقيت التانكي بعد تنزيله مشقوق من فوق !!!!!
لحمت النانكي و غيرت اليات اللي في التانكي من فوق
و السيارة الآن في أفضل حال و لله الحمد و المنه

[الكاسر23]

الحمد لله على سلامتك اخوي مجتهد

والحمد لله انك لقيت سبب المشكلة

وبالتوفيق

اخوك
ابو محمد

[غروب-1]

تاكد من القزوز والشكمان

[ss2020]

سبحان الله وبحمدة سبحان الله العظيم
أذكر الله يذكرك