الطير حذف

[هادي ال عمار]

طيري حذف الموس متى تهقون يصك موسه؟

[راعي الناوي]

60 يوم بالوفا والتمام ومبروك مقدما

[قلب شاهين]

مبروك عليك يالدوسري وعقبال الطيور الثانية ،،

الموس يصك كامل بشهر واحد فقط ،،

عالبركة ،،

[جو الشيخ]

مبروك فاله الحباري

[رفيق الطيبين]

هلا اخووي هادي ال عمار..........

باقي على طيرك 60 ليل ويصك موسه و15 يوم ويعقد ويجف وينشف

يعني بالضبط باقي على طيرك 75 يوم ؟؟ لاكن اذا طيرك راكد ولاهوب نزر

تقدر تنقله بعد شهر يعني في 20//8 عربي قبل رمضان بعشر ايام بشرط ماتدعيه بس تدهله

وتنقزه على الدس؟؟ لانك اذا دعيته وموسه توه اخضر بيشنظر ؟؟ يعني بيصير بين الموس والنايفه فراغ

وهذا يضر الطير في طياره يصير فرجه يدخل منها الهوى ولا يطير زين هذي نصيحه لك واسمحلي انت والاخوان

اذا قصرت فأنتوا كلكم يا اهل مكشات تكميل ؟؟ ومبروك مقدمأ لطيرك لانه يعد مبكر ماشاء الله وفالك الخرب الازرق ياهادي

وتقبل مروري وتعليقي أخوووك // رفيق الطيبين

[وقاااااد]

مبروك ياهادي

وانشاءالله بتنقل طيرك في 15 رمضان جاهز

[الهواوي0]

أبو سالم الف مبروك وعقبال الحباري 60 يوم ويصك الموس أنتبة من الى فوق راسة ليطيح علية ويروح تعب بلاش ولله يطرحبة البركة

[سنجااار]

وقاد توقيت سليم 100% وبالتوفيق انشاء الله
تقبل مروري مشروك

[الاشعل 316]

نعم 60 يوم ويصك الموس

بس عندي ملاحظه لرفيق الطيبين

انا العام معي حر وهو معي بعد هذي السنه

والطير نقلته والموس يسوق وبعدها دعيته والموس يسوق

بس الفراغ اللي تقول عنه ما شفته في الطير والحمدلله لم يتأثر الطير

بأي شي وطياره سليم 100% وما شاء الله تبارك الله يوم اني طيرته صار في كبد السما

يعني ما اشوفه من شدة ارتافعه

وتقبل تحيات

اخوك ابو سطام

[خطار]

يا الربع والي باقي في طيره ثلاث ثلاث يقشر بصل

[هادي ال عمار]

عطه
كورس

[العاديات]

;) ;)مبروك عقبال الفعل بالموسم الجاي ان شاء الله ;)

[العاديات]

يعطيه كورس يا الهادي ال عمار ولا صفـقا :D

[رفيق الطيبين]

الاشعل اكيد طيرك ماتعرض لهوى قوي وصلف ولا كان شفت موسه مشنظر

وعلى فكره بعض الطيور مايهد ولايفرس وريشته خضراء مهما كان؟؟ حنى العام فيه طير

استعجلنا عليه ودعيناه وموسه توه اخضر متعدي النص ويوم نهده طار ووقع يوم نجيه الا يرفع جنحانه ولا يطير

درينا انه ذال على ريشه ورجعناه المربط اللين صك موسه ؟؟ لاكن الموس لاصار اخضر والهوى قوي وتركي عليه الدعو يشنظر موسه

أخوووك // رفيق الطيبين

[هادي ال عمار]

مشكورين وبيض الله وجيهكم على المرور
ويالعاديات والله ياخوك ما فهمت وش قصدك (كورس ولا صفقا) ترجم لاهنت