أجيب طيور من كازاخستان؟؟؟؟

[مهتوي]

بسم الله الرحمن الرحيـــــــــم

السلام عليــكم

والله إني محتار وأبي المشــورة ..

عندي خوي من كازاخستان والثاني من قيرقيزستان سألته عن ديرتهم .. وعن الحباري كيف هي متوفره بكثره وكيف القنص هناك والطيور قالي عندنا وبكثره . لكن اللي اهم من هذا واللي جذبني الحديث معــه هو إنه وراني البوم صور عن الصقور اللي هناك .. فيه من الصور حر أشقر وصدره أبيض وفي صوره ثانيه حر أبيض سألته عن الأبيض متوفر هناك قالي موجود بس نادر وســعـــره هناك 3000 دولار واكثر مايتواجد في جبال روسيا . أما عن الحر أشقر وصدره كاشف سعره من 500 إلى 1000 دولار .

لكن الصور اللي عنده قديــمــه لها سنتين ..

هل الموضوع يستاهل العنوه والروحــه لهناك رغم فيه من بيستقبلني ومن بيترجم لي ؟

[ميراج]

الاخ : مهتوى

السلام عليكم وصبحك الله بالخير

اول شى تراى رديت على سؤالك بخصوص تدهيل الشياهين وسؤالك بخصوص هدد الطير مع السلق

أما بخصوص سؤالك عن الشبك او شراء طيور من كازاخستان حسب علمى ان الصعوبه فى خروجها وليس فى شرائها حيث سبق ان طلعنا 7 طيور كلف الطير الواحد 4000 دولار بخشيش وشارطين علينا نحط الطيور فى شنطه سالفتها طويله انتبه لهذه النقطه ونا أخوك

تقبل تحيات اخوك ابو طارق

[مهتوي]

صبحك الله بالنور أبوطارق ..

تسلم والله ... شفت الرد والمنتدى يعتز بأمثالك .

شكلهم شافوكم عرب وخليجيــيــن واستغلوا هذا الشئ ؟

قالي خويي خذ اربع طيور اي كلام من هنا .. .. ورحبهن هناك على إنك رايح رحله صيد ... ومن هناك بدلهم باللي بتشتري وأرجعبهم ..

مدري تنفع هذي الطريقـــة .

على فكره .. الديـرة اللي ناوي لها هي قيرقيزستان .. جنوب كازاخستان ..


وسلامتك اخوي

[المري]

هلا اخوي المهتوي

بالنسبة للمقناص في الديره التي ذكرت ماتدخل اليها طيور الا معك رخصة صيد

من حماية البيئه عندهم وهذه مكلفه واجد...............

[صقر]

اخوي مهتوي

السلام عليكم ورحمة الله وبركاته

فعلا انا سمعت ان عندهم قوانين صارمة في الحفاظ على الحياة الفطرية وقد نبهت وزارةالداخلية السعودية المواطنين السعوديين على اخذ الحيطة والحذر من نقل الطيور الا بعد اخذ موافقة السلطات المختصة في تلك البلدان.

وشكرا

[مهتوي]

السلام عليــكم

الـــمـــري :heart:

هلا بك اخوي .. اكيد قبل ما أمشي أبستفسر من سفارتهم وش الإجرائات المطلوبه ..

صــقــر :heart:
يامرحبا والله ... اشكرك على التنويــه .. وهذا مثل ما سمعته انا بعد ..


اخوكم مهتـــوي ®

[عناز]

اخوي مهتوي المرزم باقي له يومين ويطلع هج من الحر ولا جا عصير اضبط الدله على جرة الحباري اللي مثل جرة الغنم ولا طلع سهيل عود....!