------- سهيل --------

[قلب ذيب]

سهيل قرب والصقاقير فرحين ----- والقلب في ذكراه يهرف هرافي


يسقى الى شقناه لابان بالعين ------ انا اسشهد أنا ماعليينا خلافي
كلمات: قلب ذيب

اليوم الاربعاء الحالي ظهر نجم الكليبين وبعده باسبوع سوف يظهرنجم سهيل المحبب لدى القوانيص والصقاقير وسوف يرتفع في 24/8/2007 وبعد ظهوره بشهر سوفيبرد الوقت ويلفي الكروان وبعد المروان باسابيع سوف تلفي الحبارى معشوقة القناص0
ولايعني ظهور سهيل او مفارقه برود الوقت لكن يعني التحول التدريجي للحر ويبدأ الجو يبرد ليلا و لكن نجم سهيل يعتبر أخر نجوم الصيف الحاره ,وبما تكون بعض الطيور قد أتمت ربطتا واكتمل ريشها , لكن على الصقار عدم الاستعجال في نقل الطير والمحافظه عليه من الحر , حيث ان الحر يصيب الطير بالجفاف الذي يعرضه الى الكثير من الامراض 0
ونوصي عموم الصقارين بالتعامل الطيب مع الطير سواء كان ذلك الطير منقول بعد الربطه او وحش فالصبر والمداره للطير تجعله جاهز للمقناص , كما نوصي القوانيص بالالتزام باداب المقناص وعدم أثاره النزاعات خاصه عند قص جرة الحبارى , ولابد للصقار العارف ان يكون حليما في تعامله مع لاخرين , وعلى صغار الصقاقير ان يحترموا كبار القوم ويقدروهم 0
وفي الشهر القادم ( سبتمبر ) سوف تصل شبات الطيور وعلى من يريد الشراء عدم الاستعجال (وتقليب) الطير بتأني قبل شراءه ومشاوره أهل ا لخبره والدرايه قبل الاقدام على شراء الطير , والصدق والصراحه هي احد عوامل الثقه التي لابد أن يتحلى بها البائع وهي أحد القيم الطيبه للرجال 0
يبقى ان نقول على الصقار عدم الاستعجال في الحكم على الطير واعطاءه الوقت الكافي للحكم عليه , وانصح بأستخدام اجهزة المتابعه الخاصه بالطيورفهي الواقيه بعد الله عز وجل من الضياع ---- تحيتي لكم 0

[صقر20]

صح لسانك وبيض الله وجهك أخوي
سهيل تباشير خير ،،،،الله يبشرك والجميع باللخير
النود هبت وإنتعش كل صقار **وسهيل يلمع له ثلاثين ليله
كثر الله خيرك على النصايح أخوي قلب ذيب
تحيتي

[المنصوري-قطر]

الله يبشرك بالخير ياقلب ذيب

والله قلبي يتقطع على المقناص

بيض الله وجهك وماقصرت

[ولـد الدوادمي]

الله يعطيك العافيه اخوي قليب الذيب ومهيب غريبة عليك هالمواضيع الطيبة من رجالن أطيب
ومتى على الله نفرح بنقلة الطير
أخوك
ولد الدوادمي

[قناص حرب]

بيض الله وجهك ووجه الاعضاء

وماقصرت على الكلام الزين

ويجب على كل صقار ان يضع النصائح امام عينه

[حطاااااب]

السلام عليكم ورحمة الله وبركاته
صح لسانك يعطيك العافيه
لا هنت

[نايف الخالدي]

بيض الله وجهكومشكوووووووووووووور وماقصرت

[راعي الجير]

ياذيب لاتوجع قلوب المحبين *** وتهيض القرم العزوم السنافي

ياكم تحرو شوفته لو بعد حين *** يبون فرقا القيض حزت يشافي



مشكور يابو ماجد وماقصرت

[الحر الحمر]

السلام عليكم ومشكووووووووووووور ويعطيك العافيه

[المزروعي]

ملزوم عقب اسهيل يلعبه الشوق
شايل همه في خفاه اعتلالي
على اشقرن صافي بلا دعج ودقوق
ماجي مجلوب لسوق الحراجي

الله يبشرك بالخير يا قلب الذيب وعقبال ما تبشر باللفو ...وشكرا

http://www.mekshat.com/vb/http://www.mekshat.com/pix/upload/images43/mk57508_fgre.jpg

[راعي الناوي]

موضوع مشوق الكل ينتظره بحراره ولك جزيل الشكر

[مران]

صح لسانك0000
الف الف الف الف الف شكر اخوي قلب ديب تسلم يمينك
تقبل مروري

[م-ت-ن-ا-ث-ر]

صح لسانك وبيض الله وجهك أخوي
سهيل تباشير خير ،،،،الله يبشرك والجميع باللخير
النود هبت وإنتعش كل صقار **وسهيل يلمع له ثلاثين ليله
كثر الله خيرك على النصايح أخوي قلب ذيب
تحيتي

[قلب ذيب]

ياذيب لاتوجع قلوب المحبين *** وتهيض القرم العزوم السنافي

ياكم تحرو شوفته لو بعد حين *** يبون فرقا القيض حزت يشافي
مشكور راعي الجير على هذه المجاراه الجزله
وتقديري لكل الاخوه الذين مروا على هذا المتصفح , ماعليكم زود واتمنى لكم التوفيق والصيد 0

[بويوسف الكويت]

بيض الله و جهك و ماقصرت على هالكلام الزين و النصيحه الطيبه

[عــــجــــاج]

صح لسانك يعطيك العافيه

[رفيق الطيبين]

هلا اخوي قلب الذيب الكليبين تظهر يوم السبت الموافق 28/7/ 1428هـ
وسهيل بعده 13يوم وهذي معروفه كل بين نجم ونجم 13 يوم سهيل يطلع في تأريخ
11/8/1428هــ وبعد طلوعه بعشرين يوم يشاهد بالعين واول من يشوفه اهل الجنوب قبلنا واللي في البر
واثبت كلامي بقصيدة راشد الخلاوي::


مضى القيظ مده من السبايا ولا بقاء .... من القيظ الا مرخيات القلايد
ولازل عقب الكليبين عشرين ليله ....... بتشوف نجم من جنوب يحايد
ولازل عقب سهيل خمسين ليله.......... لاتأمن الماء من حقوق الرعايد
نعد اليالي واليالي تعدنا............ العمر ينقص والليالي جدايد
ملاحظه:: مرخيات القلايد :هي نجم الكليبين ويسمونها بهذا الاسم يقولون البدو الاولين ان العشراء
تصدر من العد كلاويها طفاح من الماء يعني رويانه وترد نهار غبها وفصل رقبتها بينه من العطش وقلادتها محوله في اخر رقبتها من الظماء....
وعقب سهيل بخمسين ليله يدخل الوسم الله لايحرمنا منه السنه ذي


أخووكم // رفيق الطيبين

[الكاشف الاشقر]

ياربع امر الله بسعى على مقناص وعلى الصيد الطيب وعلى خوته المناعير شرواكم ,,,,,,,,,,,,,,,,,,,,,,,, الله يجيب الخير علينا وعليكم

[وقاااااد]

هلا اخوي قلب الذيب الكليبين تظهر يوم السبت الموافق 28/7/ 1428هـ

وسهيل بعده 13يوم وهذي معروفه كل بين نجم ونجم 13 يوم سهيل يطلع في تأريخ
11/8/1428هــ وبعد طلوعه بعشرين يوم يشاهد بالعين واول من يشوفه اهل الجنوب قبلنا واللي في البر
واثبت كلامي بقصيدة راشد الخلاوي::


مضى القيظ مده من السبايا ولا بقاء .... من القيظ الا مرخيات القلايد
ولازل عقب الكليبين عشرين ليله ....... بتشوف نجم من جنوب يحايد
ولازل عقب سهيل خمسين ليله.......... لاتأمن الماء من حقوق الرعايد
نعد اليالي واليالي تعدنا............ العمر ينقص والليالي جدايد
ملاحظه:: مرخيات القلايد :هي نجم الكليبين ويسمونها بهذا الاسم يقولون البدو الاولين ان العشراء
تصدر من العد كلاويها طفاح من الماء يعني رويانه وترد نهار غبها وفصل رقبتها بينه من العطش وقلادتها محوله في اخر رقبتها من الظماء....
وعقب سهيل بخمسين ليله يدخل الوسم الله لايحرمنا منه السنه ذي


أخووكم // رفيق الطيبين


كلااااااااام سليم يارفيق الطيبين والخلاوي ماخلا شي ماحط فيه قصائد واثباتات وبيض الله وجهك ياقلب ذيب على هالموضوع اللي نطرب لطاريه

[المنصوووري]

صح ألسانك ولاهنت

[ابو شيخة]

صح لسانك وبيض الله وجهك