عسى الحيا يكسي ترابها الغالي

[الذيابي]

ياسعود هات الحطب وصفر الدلالي=
شب نارك ياسعود وبهر الدله
وقربلــي المركــى ومـــد فنجالي=
فنجال كيف شفته تشفي العـله
في ديرةً عليها من الوسم همالي=
يبرق سماها والأرض مبتلـه
عسى الحيا يكسي ترابها الغالي =
تنبت مرابعها ويشبع الذود كـله
مشيً بها ياسعود يشرح البالي =
عز الله أنك يا سعود ما تمله
في دار الاجواد للطيب مدهالي =
ربعن مماشيهم على الين والمله
رجالهم يـسوا ثمانين رجالي =
رجال صناديد ما بهم ذلـه
ياحلو مجلاسهم ببيض الليالي =
مجلاسهم كل النشامى تدلــه
فــي مجلس ما بين عـم وخالي =
في مجلس من جاه محد يزله
من بعدكم كني بالخلا الخالي=
وكني مريض به ميتين عله
وبقربكم كني بعـزي ومالي =
كني عقيد قوم سيفه يـسله
ياعزوتي ياعصبتي يا راس مالي =
انتم هلي وانتم هل الطيب كـله
هذا غرامي وهذا شفي ومنوالي =
اقضي معاكم باقي العمر كـله
هذي طراة الروح ياعـز حالي=
مابي من الدنيا قصر و فـــله
ويالله يالمعبود ياخـير والي=
ياواحد بأمره يمشي الكون كـله
عفوك وغفرانك ياعـــــزيز الجلالي=
تغفــر لـي ذنــوبي وكل زله
ومن مات وصار بالقبر نزالي=
من ضيقة القبر تجعل مخرج له
وانك تنجينا من يوم الاهوالي=
في يــوم لا ظـــــــــل إلا ظله
وختامها صلوا على خير مرسالي=
محمد المبعوث بالخـــير كـله
**********************************
شعر /راجح بن عبدالله الذيابي
[/poet][/poet]

[ميراج]

الاخ الذيابى

السلام عليكم

صح لسانك ولسان الشاعر

[راعي مرات]

.
الغالي000 الذيابي00
تسلم000ومشاركة رائعة أخي العزيز00
هلا أخي 0000زودتنا بالمزيد من شعر هذا الشاعر/ راجح بن عبدالله الذيابي000
أشكرك كثيراً000وبمثلك00يزهو المنتدى00
ننتظر القادم منك00بارك الله فيك000
ه

[ف.البشري]

الذيابــــــــي

حياك الله بين اخوان لك يسرهــــم وجــــودك بينهـــــــم .

صح لسانــــــــك ولسـان الشاعـــــر على هذه المعلقـة .

امتعنـــــا يالذيابــــي بما لديـك .

وفقك الله .

[البيطار]

هــذا غـرامـي وهــذا شـفـي ومـنـوالـي=اقـضـي معـاكـم بـاقــي الـعـمـركـلــه




الذيابي...................تسلم والله

قصيدة رائعة صح لسان قايلها......................ولا تحرمنا من امثالها يالذيابي
والسلام عليكم