كيف اتغلب على الزمرور؟؟؟

[A-Q]

السلام عليكم

اخواني اكيد مافيه احد الا وواجهته هذي المشكله (الزمرور) :mad:

جاب لي العيد جنني لمن احط ميد ولا سلس عشان احدق للكبير يجي اسرع من البرق

يقعد يتنقنق ويفلفص الطعم ما اسحبة الا راس وعمود فقري(زي افلام الكرتون:D)

حتى الخثاق الي يمسك عدل بسرعه يفكه من الميدار:eek:

جربت قطع صغار وهم يفك بسرعه !!!:no:

هل فيه طريقه امنعه واخلي الطعم اطول وقت في البحر؟؟؟:confused:

عشان اعطي شوية فرصه للكبير عشان يضرب;)

وسلامتكم

[خالد الحربي]

هذا حال الصيد
والصبر طيب

[blood22]

احلى حل انك تصيد هالزمرور وتحطه طعم ( جيم ) وجذي تقلل فرصه الزمرور انه ياكل نفسه :) وشوف دام في زمرور معناته مافي شي كبير تحتك احلى شي انه يكون مافي زمارير تحت ومافي نابر وموفق انشالله

[A-Q]

مشكور اخوي blood22

بجرب نصيحتك وان شاء الله نتوفق بشي

انا خطر في بالي فكرة !
فيه نوع من اكياس النيلون ملفوف زي القصدير افكر اني الف الطعم فيه
فيضل شكل السمكة ظاهر وامنع الزمرور من انه يقطع الطعم

هل احد فكر في هذا الحل من قبل؟؟؟

[sas2999]

ممكن استفسار ايش هو الزمرور؟؟؟

[نار]

الزمرور يقصد فية سمك ابو نقطة وتختلف المسميات من مكان الى اخر
على ما اعتقد

[A-Q]

الزمرور : سمك صغير تقريبا طول الصبع لايمتلك اسنان عند الامساك به يصدر صوت معين لذالك سمي بالزمرور يمتلك جلد قوي ومتماسك يوجد خط اسود على جانبيه

بحثت له عن صوره ما لقيت صورته بالضبط حصلت شبيه له
http://www.blackwellpublishing.com/ridley/images/large_fish.jpg

[معاند سيف]

الزمرور بحد ذاته مو مشكلة. المشكله في القبقب اللي مايخلي شي في ثواني. الحل انك تاخذ معاك سنارة صغيرة و تصيد طعم حي , هالايام السلس متوفر علي السيف , والحاقول الصغير و الميد. أهم شي انك تحافض علي الطعم حي يعني لا تشك الخيط قريب العظم.

[A-Q]

صحيح اخوي معاند سيف

القبقب منتشر بكثرة هاليومين الظاهر هذا وقته

طلعت قبل كم يوم واذا كذا واحد اسحبة لبرا احيانا يتعلق بالميدار واحيانا يضل متمسك بالطعم:mad:

[عبد الصمد]

في الرابط صوره للزمرور
http://upload.9q9q.net/image/uSPqONKHF/DSC00606.jpg.html

عذرا ما لقيت اوضح منها

[شلال البحر]

بسم الله الرحمن الرحيم
اخي العزيز A-Q
السلام عليكم ورحمة الله وبركاته
تعرف شيء ان الزمرور اصيد فيه السبيطي فهو طعم مفضل لديه بس لازم تقصص الزعانف يعني تعمله تحسين له واستعمله طعم للسبيطي وادعي لي في كل مرة تصيد سبيطي تقبل مروري وتحياتي
اخوك
شلال البحر

[ابو فوزي]

نصيحتي غير محل صيدك ,,

[A-Q]

اخوي عبد الصمد هذي الصورة بالضبط مشكور

اخوي شلال البحر بجرب والله يوفقك ويوفق الجميع

اخوي ابو فوزي وين ماتروح تلقاه مافيه فكه منه ناشب في الحلق عشان كذا ابحث عن حل له

[ابوسعد]

اسهل طريقه للتخلص منه

انك اذا صدة وحده منه اربط في ذيلها خيط طوله شبر واربط في الخيط قطعة ورق من البلاستك (قطعه من كيس بلاستك بحجم الريال ) .

وارميها في البحر بتنحاش وبيلحقها باقي المجموعه واذا لحقوها بتنحاش منهم بتخاف وبتروح بعيد ,,:d

[A-Q]

اخوي ابوسعد

هههههههههههههههههههههههههههههههههههههههههههههههههه ههه

خوش فكرة احين بدة الافكار الحلوه تطلع

مشكور على مشاركتك