ام صتمة الاسبانية من جرب

[المنصرم]

السلام عليكم و رحمة الله و بركاته .
يا شباب وش رايكم في ام صتمة مقاس 26 - 27 - 28 الاسبانية اللي عند الرماية هل هي عملية و ما هي عيوبها و اللي جربها ارجوا ان لا يتأخر علي في الرد و شاكر لكم .

[أبو داحم]

أنامجرب الخمس وثلاثين وكويسه زينه لدخل والطيور الصغار
وخفيفه هذا ألي عندي وسلامتك:)

[العليمي]

الالمانيه مقاس 35 ممتازه جدا للدخل .
ايضا بندقية ديانا 34 ممتازه .

[صياد البسيتين]

السلام عليكم
انا انصحك ان تشتري صتمه انجليزيه الجديده سعرها الف ومئتين وخمسين افضل من الاسبانيه
بكثير وتنفع للدخل والقمير ي موجوده عند الرمايه ...
تمنياتي لك بالتوفيق ،،،

[الخبير]

ابو داحم تكلم في إلي قلبي.

فعلاً الساكتون الاسبانية موديل 27 ممتازة بالحيل و خفيفة، وبإذن الله ما تندم عليها.

[المنصرم]

حياالله النشاما .
ابو داحم : كرك على هذه المعلومة بس مهوب كن 35 قوية شوي على الدخل .
العليمي : لك في اسمك نصيب :D بس كان سؤالي عن الاسبانية و لك جزيل شكري .
صياد البساتين : جوابك يروع اشتري كلاش اصرف .
الخبير : علمك غانم و جوابك وافي و شكري لك و لجميع الزملاء .

[مبرقع الذيب]

الى الأخ المنصرم بعد التحيه والأحترام اود ان اتقدم لك بهذه المشوره عن ام صتمه الاسبانيه
اذا انك تقصد ( سبكترا قامو ) فهج احسن لك
واعني اللي خشابه فيبر جلاس لأني اشتريته الحقيقه مقاس 27 وكان سعره 580 ريا ل من الرمايه
ومن عيوبه :
1- عدم دقة العيار واعني يصير كأن فيه تغبيش اي عدم وضوح الرؤيه
2- الوانه الصارخه وخاصة الخشاب
3 - صوته بعد الرمي كأنك كاسرن لك عسيب وهذا يسبب هروب الدخل
4 - مره انظف البارود بعد الصيد وما لقيت بخاخ خاص بالبواريد واستعملت بخاخ صدا وتفاجت بانكسار الخشاب
انا اقول ان الفرق بينه وبين الالمانيه الديانا وكذلك الفيروخ من نفس الحجم حوالي 150 ريال ما هوب ذاك
المبلغ الكبير وهن افضل وبعدين كد ومد وعلى فكره انا بعته بعد استعمال موسمين ب150 ريال
وترا كلامي من واقع تجربه وأرجو ان الأخوان ما يزعلون علي اصحاب البواريد اللي من نفس النوع

[سعود مسعود]

السلام للجميع وعليكم باالا المانيه وبس مهما كان سعرها ولها عدة مقاسات حسب طلبك وسنك 25-27-
35-80-85- وتراها تصيد الصغير والكبير من الطيور وتسوق زين ما فيها عيب الا الثقل شوي خاصه على
الورعان . واترك الاسباني والصيني خلهن للي يبي يتعلم الرمي من الورعان لأ نهن رخيصات .
وانصحك ب 85 ولا توصطها من الطير الصغير عليك بالرأس وتجيب الكبير بالراحه وثقلها معقول
والله يوفق الجميع

[ملك العود]

ياناس دلوني على محل يباع ساكتون جديد ومقاس 85 وحبة كبيرة والمانية .. تكفون يالربع ومستعد ادفع مهما كان الثمن ... وهذا ايميلي m_sh_8585@hotmail.com انا في انتظاركم ... وعلى فكرة انا موجود بالرياض ... وشكرا لكم مرة أخرى ...

[رامي القميري]

أنا أستغرب من اللي يمدحون ام صتمه الأسبانيه
ويمكن ماجربوها


قبل فتره بسيطه كتبت موضوع
بعنوان ساكتون عدد 4 للبيع
ومنها 3 أسبانيات
موديل 25 27 28 منها الخشب ومنها الفيبر
وهي مصرحه جميعها


والحمد الله أنه حذف الموضوع من قبل أحد المشرفين
قبل لايشتريها واحد مسيكين ويتوهق فيهن
وتلحقني ملامه


وكل مارمى فيها قال ياليتها في اللي باعني


وانتم تعرفون أنه يمنع بيع جميع الأسلحه حتى المصرحه
حتى الساكتون الهوائيه
في هذا المنتدى


ومن واقع تجربـــه شخصيه


(مميزاتها وعيوبها)


الساكتون الأسبانيه خفيفه صحيح وهذه ميزه
وقد تكون عيب في نفس الوقت


وذلك بسبب أن السسته بالداخل اقوا من الجسم الخارجي
مما يفقدها مرونتها


ولكن ميزه واحده لاتخفي العيوب


دقيقه في الاصابه من أول وزنه بعد عشر دقايق تفقد دقتها بالكامل
والله يعينك على الوزن
يعني طارت الطيور بارزاقها وانت قاعد توزن
وهذا سبب كافي يخليك تكسرها بشعيب


أكيد سعرها رخيص والرخيص.......... كمل عاد


أعرف أني طولتها بس والله من واقع تجربه فاشله
لصناعه فاشله بمعنى الكلمه


جرب الفايروخ الألمانيه أخوي وبتذكرني بالخير





تقبل مروري

[فارس المدى]

والله ياطويل العمر انا مجرب وهذاه عندي

عيوبه 1- كل خمس دقايق تازنه اكود مايلمس المنشاف

2- الجلبه دمار رمينين الاها متقطعه

3- سنتين تبي سسته

.................................................. .................................................. ..


وكانك تبي شوري لاتقربه ولا قرب .

[العاااازف]

كتبت كثير وانمسحت الحمدلله

[333]

انا عندي صتمه مقاس 27 انحش عندي لها سنتين على طول خربت السسته
غير الديانا لا دور

[ابوفهيدان]

والله يالربع انا جربت الفايروخ الالمانية حجم 27 من عند الرميح وخذيتها 850 ريال والصراحه قيمتها فيها تلعن ابو خيرها وماتقول اح
والصراحه اكتشفت انها افضل من الديانا بالف مرة وكلها حديد بحديد

[الرادار الاسود]

هذا الكلام يا رامي القميري بيض الله وجهك
(جرب الفايروخ الألمانيه أخوي وبتذكرني بالخير)


اما بالنسبة للاسبانية:no2: مسامير الاخشاب الامامي تنكسر لورجعته لهم يصلحونه ثم ينكسر ثانية

الفايروخ وبس:good: :good: :good:

[رامي القميري]

يعطيك العافيه أخوي الشروكي
بس والله كلامي من واقع تجربه
والرجال طلب المشوره

وانشاء الله ماراح يندم وراح يجرب الفايروخ وبيلاحظ الفرق




تقبلو مروري