افضل ثلاجه للطلعات

[راعي الجير]

السلام عليكم ورحمة الله وبركاته

اخواني بغيت اسألكم عن افضل ثلاجه تبرد وتثلج سعة 40 لتر او حولها يعني تاخذ نص ذبيحه من ناحية الجوده والتبريد وقلة استهلاك البطاريه واهم شي الصيانه وكم اسعارها تقريبا لاني سألت وقالو انجل اليابانيه وناس قالو الالمانيه احسن مع شكركم مقدما

[مخاوي الذئب]

نصحك بأنجل اليابنية مع انها غا ليه لكن قيمتها فيها من ناحية التبريد والتجميد وفي استهلاك الكهرباء واناعندي مقاس 60 لتر وبسراحة اني مستفيد منها الى ابعد الحدود وتاخذ ذبيحتين بالراحه وهذا حسب حاجتك والمكان في سيارتك (اقصد مقاس الثلاجة ) وسعرها مع الشنطة الواقية والقاعدة المقاومة للهتزاز حوالي 5300 ريال وللعلم صيانتها وقطع غيرها متوفره عند الوكيل العامودي وللعلم هي عندي من سنه ولم الاحض عليه اي خلل ولله الحمد.

[راعي ساموده]

نصحك بأنجل اليابنية مع انها غا ليه لكن قيمتها فيها من ناحية التبريد والتجميد وفي استهلاك الكهرباء واناعندي مقاس 60 لتر وبسراحة اني مستفيد منها الى ابعد الحدود وتاخذ ذبيحتين بالراحه وهذا حسب حاجتك والمكان في سيارتك (اقصد مقاس الثلاجة ) وسعرها مع الشنطة الواقية والقاعدة المقاومة للهتزاز حوالي 5300 ريال وللعلم صيانتها وقطع غيرها متوفره عند الوكيل العامودي وللعلم هي عندي من سنه ولم الاحض عليه اي خلل ولله الحمد.

انا من راي اخوي مخاوي الذيب
بصراحه اشتريت ثلاجة الطمره ( بس ماعجبتني من ناحية التثليج )

[alomairi]

نعم عندي انجل لها اليوم ماشاء الله حوالي 6 سنوات وهي ممتازة بس سعرها شوي واللي عندي 15لتر بس صراحة ممتااااااااااااااااازة جدا و بعدها تجي الويكي يقولون القلب الماني و الجرم ما ادري كوري ما ادري صيني بس تجي بعد الانجل وهي ارخص شوي بس المشكلة ان الانجل كان يجيبها الرماية بس وقف وصار يبيع نوع ايطالي برضو جيد بس الباب مفصلاتة بلاستك يعني بعد مدة ينكسر و لا ادري من اخذ وكالة انجل بالمملكة بس هي موجودة في دبي ولها وكيل هناك - وبالتوفيق

[راعي الجير]

مشكورين اخواني والله يرحم والديكم

اخوي العومري كم سعرها ال15 لتر وال30 لتر لو تكرمت وهل تاخذ نص ذبيحه ال15 لتر

[أبو رداد]

وعليكم السلام ورحمة الله وبركاته

هذه شريتها بــ 1500 قبل سنه وماشفت فيها اي قصور
55 لتر تبريد وتثليج تصل درجة الحراره -19 درجه مئويه
وانصحك فيها مع انها صينيه
سعرها مناسب وعمليه
http://www.mekshat.com/pix/upload/images44/mk8675_111111111.jpg

[راعي الجير]

مشكور يابو رداد وماقصرت بس لو تكرمت وين القاها في دبي ووش اسمها

[أبو رداد]

الله يحيك اخوي
تلقها في ند الشبا مركز الصقور والرياضات الثتراثيه
عند محلات ادوات الصيد والرحلات

[ابو شيخة]

الصيني ملى الديرة وكله مواصفات تعبانة من الثلاجات

[ابو فص فص]

اشوف اليوم عند الرميح 50 لتر بـ 1800 ريال مع تلبيسة

صراحة شكلها حلو وصينية بعد

ترى الصيني ما هوب شين لذيك الدرجة يعني بدأ يثبت وجودة وبقوة في السوق

ويمدحون ثلاجة العمران يقولون جنوب افريقية




طرحت للاستفادة

[الواثق 7]

أنا من واقع تجربة شريت ويكو حقت الطمرة واخذت ثلاث سنوات وصلحتها فيها مرتين وكانت مقبوله بشكل ما وبعتها وشريت قبل أسبوع انجل 50 لتر وشغلتها 30 ساعة ولا ثلجت ورجعتها لهم وتحسفت على حقت الطمرة ولقيت عندهم واحد يقول أنه شرا ثنتين وفشلن كلهن وهذاي محتار مدري وش اشري والصينيه موجودة عند الرميح وسعرها زين بس مالها وكيل ولا قطع غيار وتبريدها ممتاز لقيتها عندهم شغاله ودرجتها15- وإذا فيه أحد جربها يعلمنا

[وقاااااد]

مشكور على الإطروحة

[صصعفق]

السلام عليكم
صباح الخير
انا عندي ثلاجه الطمره لها سنتين
وتوي جاي من رحله وعره شوي من مطبات وجبال
واشوفها شغاله من اروع مايكون
بس الي انا اسمع واقراء
عنها الكل يذم فيها
يمكن وافقت معي
بس الي دايمه المدح ولا فيها ذم ثلاجه الايقل
ولا فيه ذيك الدرجه من الفرق من ناحيه الدراهم
تقبل مروري
تحياتي
:j

http://www.mekshat.com/pix/upload/images45/mk37276_jkyhfghfd.jpg

[مبسوط]

انا مجرب ثلاجة الطمره (واكو) 50 لتر ب2100 ريال تقريبا لها سنه بالضبط وممتازه واحسن شي فيها انها خفيفه يعني شخص واحد يشيلها بعكس النوعيات الثانيه وشي ثاني بابها ماله مفصلات يعني وين ما تبيه يفتح معك يصير بس اهم شي يكون عندك بطاريتين في السياره.

وانا انصح بها مع اني اشوفهم يذمونها في المنتدى لكن انا من واقع تجربه اقول حلوه

[ظبي]

انا اقول لاتعدى الطمره لها اكثر من 6 سنوات معنا هذا بالنسبه للالماني مهوب التجميع الصيني

[منصور ع]

والل عجزنا نختار وحيرتونا واحد يمدح وواحد يذم .........
طيب والطمرة وين عنوانهم

[الواثق 7]

يا ظبي الله يعافيك ثلاجة الطمرة اللي معك كم لتر ومفتاحها باللمس ولا فرار

[ظبي]

لافرار اللي باللمس هذي تجميع صيني