المساعد الشخصي الرقمي

مشاهدة النسخة كاملة : شيهانه ايرانيه للبيع ( صور )


*الـزيـن*
11/08/2007, 10:18 PM
السلام عليكم ورحمه الله ويركاته


ياشباب شيهانه طيبه بالحيل


لا تصيح ولا تكوش


اطبوع الطير زينه بالحيل


طيار ما شاء الله عليها


صايده الكراوين العام والنورس اول الوقت


ومعلمه على 6 حبشيات هذا اذا مهو اكثر وماتفرط ولا وحده


المقاس 13 ونص هذا اذا مو 14


الطيره تجي على التلواح وسبوقه حيل


ولا قد فرطت ولا حمامه وبدون تنتيف ابد


واذا على شرطنه الحمامه لا وصله السحاب هديناها


وهاذي صوره العام في ارمضان وكان باقي فيها الامواس


لاكن الطيره الحين في مقيض ابوفالح والطيره مصفيه بالكامل




http://www.mekshat.com/pix/upload/images43/mk23726_1k.jpg


http://www.mekshat.com/pix/upload/images43/mk23726_2k.jpg




المكان الشرقيه


المقيض : مقيض ابو فالح الدمام مقيض طلق


والطير مصفي والحمد الله






اخوكم الزين
المنصوري-قطر
11/08/2007, 10:41 PM
كم حدك فيها يالغالي
اقديد
11/08/2007, 10:47 PM
السلام عليكم اخوي سيمت منك قبل
جرب حظك
11/08/2007, 10:51 PM
كم تنقل الشيهانة بكر ولا ثنو
*الـزيـن*
11/08/2007, 11:04 PM
ماسيمت ولا لي حد توني اعرضها ياشباب

والطيره قرناس ثالث
راعي الجير
11/08/2007, 11:07 PM
ماشاء الله الله يوفقك بالبيعه الزينه
*الـزيـن*
11/08/2007, 11:17 PM
راعي الجير جزاك الله خير
جرب حظك
11/08/2007, 11:20 PM
أسومها 1000 ريال وإذا لك خاطر راسلني على الخاص
راعي الجير
11/08/2007, 11:22 PM
اسومها 1100
*الـزيـن*
11/08/2007, 11:29 PM
جزاكم الله خير على فتح الباب

لاكن هاذي مهي حق الطيره ودافع لمقيضها 3000 ريال
جرب حظك
11/08/2007, 11:42 PM
كم لك خاطر فيها ياخوي حدها أحسن إذا ناسبنا السعر شرينة
*الـزيـن*
11/08/2007, 11:50 PM
الله يجزاك خير مالي حد
جرب حظك
11/08/2007, 11:54 PM
1500 بعت توكل على الله
اقديد
11/08/2007, 11:54 PM
الله يرزقك بالبيعه الزينه بس ياخوي كن مقيضك غالي جدا جدا جدا 3000
زعيفش
12/08/2007, 12:00 AM
السلام عليكم ورحمه
ياخوي تراك في المقيض
وأنا صامل وأسوم با 800 ريال أو 850
ودراهم والمه وأحتري الرد تكفون معك أبو نجلاء
*الـزيـن*
12/08/2007, 12:08 AM
يعطيكم العافيه على السومات

اخوي ابونجلاء السوم وصل 1500 وانت تقول 800

اخوي اقديد مهو غالي للطير الغالي عند راعيه ومقيض ابوفالح مقيض طيب ومايجي هالوقت الا طيرك مصفي والشي الثاني مقيض طلق ولا هو ربط وغير العلاجات الي يعطونه وغير الكورسات في المقيض يعني انا اشوف انه يستاهل


والمزاد يستمر

وارجو الجديه بالسوم ولا تبخسون الطير ياشباب تكفون
زعيفش
12/08/2007, 12:29 AM
أناعندي طير أنسام في الوقت بــ 3500 ولابعت
وأنت تتكلم عن الطير وهو في المقيض وطير مايسوى في المقيض وأنا سمت الطير وهو في المقيض
وأنسام طيري قبل ثلاث أيام بــ900 واحد ثاني 950
بومعطش
12/08/2007, 12:33 AM
الله يبارك لك ياغالي
ويرزقك البيعه اللي تطيب خاطرك
alsarm
12/08/2007, 12:34 AM
اسف مالي دخل في الموضوع بس ابو نجلاء غلطان
*الـزيـن*
12/08/2007, 12:36 AM
اخوي زعيفش

الله يجزاك خير وش بقى على نقلت الطير؟ ممكن تجاوبني ياطويل العمر

الطيره مصفيه

والحين الصقاقير بدو ينقلون اطيورهم

وبعدين اطيورك تنسام الله يباركلك لاكن طيورك تختلف عن الطير الي معروض

والله يوفقك وتنسام بمليون اطيورك

لاكن ماني قريب لم سوماتكم ياشباب
*الـزيـن*
12/08/2007, 12:44 AM
هاذي صوره ثانيه للطير

http://www.mekshat.com/pix/upload/images43/mk23726_3k.jpg
زعيفش
12/08/2007, 12:45 AM
الله يجزاك ألف خير يـابومعطش
*الـزيـن*
12/08/2007, 12:52 AM
الصور كلها العام ياشباب

يعني ريشت الطير تختلف واحلى من كذا ان شاء الله
قناص الحبارى
12/08/2007, 12:53 AM
يالزين ... السلام عليكم ورحمة الله وبركاته ،،


الله يبارك لك فيه ويرزقك البيعه اللي تطيب خاطرك ...

ياجماعه كلن حلاله عنده عالي .. ولا تبخسون الطير


وانا اعرف مقيض ابو فالح مافيه كلام وكل اللي قاله الزين صحيح

وانا والله ما اعرف الزين ولا قد رديت على موضوع له ولكن الحق ينقال



والله يوفقكم جميع يالغالين


اخوكم قناص الحبارى

ابو عبد العزيز
جرب حظك
12/08/2007, 12:56 AM
ماعندك صورة أوضح للشيهانة وأقرب تكون مبين كل الشيهانة ياخوي
*الـزيـن*
12/08/2007, 12:59 AM
وعليكم السلام ورحمه الله وبركاته

ياهلا وغلا فيك اخوي قناص الحبارى

جزاك الله خير يابو عبد العزيز وتسلم ماقصرت وهذا من طيب اصلك ياطويل العمر




تقبل كل الاحترام والتقدير

اخوك الزين
حطاااااب
12/08/2007, 01:41 AM
السلام عليكم ورحمة الله وبركاته
اخوي الزين
اسوم 2500
بس عندي استفسار
الطيره ريشتها تركيه
كيف حكمت ايرانيه
والختلاف لا يفسد بالود قضيه
تحياتي لك
_الهاوي_
12/08/2007, 01:57 AM
اخوي الزين ممكن رقمك الله يجزاك خير على الخاص
*الـزيـن*
12/08/2007, 01:59 AM
وعليكم السلام ورحمه الله وبركاته

ياهلا وغلا فيك اخوي حطاب

الله العالم انها تركيه مثل ماقلت وابوفالح ذكر انها تركيه وشافها ويمدح في الطيره

لاكن العذر والسموحه ياالربع ماني متأكد لاكن اذكر قيل عليها تركيه


وتسلم ماقصرت على سومتك اخوي حطاب

بارك الله فيك

ونسمع سومات الربع
*الـزيـن*
12/08/2007, 02:02 AM
بالنسبه للصور هذا الي عندي حاليآ

لاكن اذا جاني شي ماني باخل عليكم
*الـزيـن*
12/08/2007, 05:48 AM
رساله جتني واعتز فيها على الخاص

بخصوص الطيره
100 في 100
تركيه وماابي اقول الكلام هذا بالمنتدى ويشد النقاش
لان ماتعرف بعض الناس مايحب تقول له الكلام هذا
لاكن ان دل على ردك دل على واحد فاهم ومستوعب
يعطيك العافيه وترا الشياهين التركيه
اذاصادت الحبارى عندنا مقوله
ماتهديها حتى لخوك من طيب اللي تصيد لان فيها سرعه
خياليه



وياشباب البيع على انها تركيه والسموحه منكم

وان شاء الله يجي ابورداد ويغير عنوان الموضوع




اخوكم الزين
الزاجل الازرق
12/08/2007, 07:27 AM
اسوم الطيره 2600

وعسى ربي يرزقك من واسع فضله يالزين
المنصوووري
12/08/2007, 11:09 AM
أخوي الزين الطيره صيدها في النورس شلون مرتفع النورس ولا مسوحل وصملتها شلون

عندي 2700
المري
12/08/2007, 01:32 PM
تستاهل الطير ويستاهلون اعضاء مكشات..

اخوكم - المري
Turki1
12/08/2007, 02:47 PM
هلا بك اخوي الزين
الله يرزقك البيعه الطيبه.
اذا الشيهانه على ماوصفت في موضوعك وآمل التأكيد عليه، فاخوانك في مكشات لن يبخسونك حقك.
الشيهانه عندي ب 3500
راعي جملا
12/08/2007, 04:55 PM
كام بتبي فوق 3000 المقيض
*الـزيـن*
12/08/2007, 06:59 PM
يعطيك العافيه اخوي الزاجل على سومتك

بيض الله وجهك


اخوك الزين
*الـزيـن*
12/08/2007, 07:01 PM
ياهلا فيك متصيقر

بالنسبه للارتفاع ممتاز جدآ

وتسلم على سومتك
*الـزيـن*
12/08/2007, 07:02 PM
يعطيك العافيه على سومتك اخوي Turki1

والشيهانه مثل ماقيل فيها واكثر ان شاء الله

نسمع سومات الشباب
ابو حمد911
12/08/2007, 07:24 PM
ياااالخو 2000 وانا صامل
*الـزيـن*
12/08/2007, 07:57 PM
ابو حمد

السوم واصل 3500 وانت تقول 2000

الله يهديك
ابن برقاء.
12/08/2007, 08:02 PM
تستاهل الكثير على وصفها وجعلها تجيب السومه الي في بالك تابرني
*الـزيـن*
12/08/2007, 08:10 PM
تستاهل الطيب ياالمري

الله يعطيك العافيه على مرورك ياطويل العمر ماقصر وبيض الله وجهك



اخوك الزين
*الـزيـن*
12/08/2007, 10:13 PM
ابن برقاء جزاك الله خير
المنصوووري
12/08/2007, 10:20 PM
أخوي الزين بكثر الأسئله عليك

كم نورس صايده والزاجل تطول معاه ولامردين وتهون

عندي 3600
المنصوووري
12/08/2007, 10:34 PM
أخوي الزين بكثر عليك الأسئله شوي

كم نورس الطيره صايده والزاجل تطول معاه ولامردين وتهون

عندي 3600
المنصوووري
12/08/2007, 10:37 PM
أسموحه ياشباب خطئ فني
*الـزيـن*
13/08/2007, 12:04 AM
هلا وغلا فيك اخوي متصيقر

بالنسبه للنورس وحده اول الوقت لاكن من بدايت الموسم وانا اعطيها كل اسبوع او اسبوعين حبشيه ومايقارب فوق ال 6 حبشيات واكثر اتوقع لاكن ماقصرت مع الحبشيات

وبالنسبه للزاجل ماتبطي ما شاء الله عليها وبدون تنتيف ابد

وسومه طيبه من وجه طيب وجزاك الله خير



اخوك الزين
*الـزيـن*
13/08/2007, 12:51 AM
صباح الخير للجميع

هاذي صور من العام




http://www.mekshat.com/pix/upload/images44/mk23726_33k.jpg

http://www.mekshat.com/pix/upload/images44/mk23726_22k.jpg
*الـزيـن*
13/08/2007, 02:19 AM
راعي جملا لك رساله على الخاص بخصوص سؤالك
طارق الحربي
13/08/2007, 02:28 AM
يالزين

الله يبارك لك ويوفقك

عز الله اللي يبي يشتري منك مهو خسران
السنجاري قطر
13/08/2007, 03:12 AM
السلام عليكم ورحمة الله وبركاتة
ياراعي الطير الطير عندي ب 4500 واذا انت نويت تبيع راسلني على الخاص والا على ايميلي

تحياتي للجميع
qatari7777@hotmail.com (qatari7777@hotmail.com)
*الـزيـن*
13/08/2007, 04:44 AM
ياهلا وغلا فيك اخوي طارق الحربي

تسلم ياطويل العمر ماقصرت


اخوك الزين
*الـزيـن*
13/08/2007, 04:45 AM
بيض الله وجهك ياالسنجاري قطر

سومه طيبه من وجه طيب ياطويل العمر


اخوك الزين
*الـزيـن*
13/08/2007, 07:14 PM
يستمر السوم الى يوم الخميس هذا الموافق 3/8/1428هـ

والي ياقف عليه السوم الله يباركله


اخوكم الزين
*الـزيـن*
14/08/2007, 03:36 PM
يتوقف السوم يوم الخميس بعد غد الساعه 12 باليل

السوم مفتوح

والي بتاقف عليه الله يباركله
المنصوووري
15/08/2007, 09:51 AM
أخوي الزين الطير عندي 4600
المنصوري-قطر
15/08/2007, 11:12 AM
اخوي عندي ب5000 شرط دخوله قطر
*الـزيـن*
15/08/2007, 11:19 AM
كفو متصيقر وياجعلهاا فالك ياطويل العمر


تقبل كل التقدير والاحترام

اخوك الزين
*الـزيـن*
15/08/2007, 11:20 AM
المعذره اخوي المنصوري-قطر

سومتك مسحوبه لان مقدر ادخلها قطر ياطويل العمر كانك تبيها تجي لين المقيض وتشوفها بعينك

السوم عند اخوي متصيقر




اخوكم الزين
المنصوري-قطر
15/08/2007, 11:22 AM
طيب وين مقيظه في اي منطقه ؟؟
*الـزيـن*
15/08/2007, 11:27 AM
اخوي المنصوري-قطر

المقيض في الدمام عند مكاتب الطيور الي في المخطط عند رجال يقاله ابوفالح

واخر سوم يوم الخميس الساعه 12 باليل غدآ

والي بتاقف عليها بنباركله ولا يوجد انتظار لو سيمت 10000 ريال عشرة الاف ريال ويقول يوم الجمعه يعذرني ياشباب

خلاص يوم الخميس ان شاء الله الساعه 12 الي بتاقف عليه بنباركله






اخوكم الزين
المنصوري-قطر
15/08/2007, 11:32 AM
تقصد مع المقيض ولا اخذ الشيهانه

بالقيمه الي بتوقف عليها

وانا اوقف عند 4800

وانشالله الله يكتب الي فيه الخير
*الـزيـن*
15/08/2007, 11:43 AM
المقيض مدفوع 3000 ريال يعني تاخذ الشيهانه مالك دخل في المقيض

وسومتك هاذي ياطويل العمر لها شروط تدخل قطر؟ وانت على اتم الاستعداد تستلم الطيره من المقيض بالدمام اذا تستلم الطيره من الدمام فا سومتك مقبوله



اخوك الزين
المنصوري-قطر
15/08/2007, 12:31 PM
صحيح هذي سومتي وانا بجي بنفسي اخذ الشيهانه

والله يوفق الجميع
*الـزيـن*
15/08/2007, 01:20 PM
يعطيك العافيه المنصوري-قطر

وياجعل ربي يوفقك



اخوك الزين
راعي غريب
15/08/2007, 02:20 PM
جعل ربي يوفقكم


اخوكم > ابوخالد <
المنصوووري
15/08/2007, 05:10 PM
الطيره عندي 5000
*الـزيـن*
16/08/2007, 08:26 AM
ويوفقك اخوي راعي غريب

يعطيك العافيه
*الـزيـن*
16/08/2007, 08:29 AM
مالها الا صقارها

كفو متصيقر

والله انك تدور الزين يابعدي

ياجعل تكون فالك يارب




اخوك الزين
المنصوووري
16/08/2007, 02:42 PM
لله يكتب ألي فيه الخير أخوي الزين
حمد الدوسري
16/08/2007, 03:04 PM
ياشباب الرجال يقول لكم دافع للمقيض 3000 وشلون تبخسون الطير افا عليكم بس

الله يرزقك بالطيبه الي تريح خاطرك يالزين
*الـزيـن*
16/08/2007, 06:52 PM
للتذكير

المزاد راح يتوقف اليوم الساعه 12 باليل بعد مرور 5 ساعات من الان

والي بتاقف عليه راح نباركله

ومبروك مقدمآ لراعي الطير







اخوكم الزين
ابن برقاء.
16/08/2007, 06:57 PM
انشاء الله تجيب قمية زينة لراعيها واذا هذا وصفها تستاهل اكتير اكتير ويامنصوري قطر كان جيت الدمام بعطيك السلقه هاذي الي في الصوره وتسلم
*الـزيـن*
16/08/2007, 07:40 PM
جزاك الله خير اخوي ابن برقاء.


الزين
*الـزيـن*
16/08/2007, 10:02 PM
3 ساعات من الان وينتهي المزاد
*الـزيـن*
16/08/2007, 11:03 PM
مابقى الا كل خير
فنجون
16/08/2007, 11:31 PM
بالربع كيف تساومون على طير من غير ما تشوفنه هذ خطاء من وجهت نظري الطير لازم يشوفه على الطبيعه وتقلبه زين لان هذا بيع ومشترى
*الـزيـن*
17/08/2007, 12:25 AM
مبروك الف مبروك اخوي متصيقر

وان شاء الله تاكل من صيدها ياطويل العمر

وان شاء الله تبسطك وتطربك





تقبل كل الاحترام والتقدير

اخوك الزين
قناص الحبارى
17/08/2007, 12:43 AM
مبروك عليك الطـــير يا خوي الغالي / متصيقر,,


والله يبارك للبايع والشاري

وجعهله يصيد ويفيد

وفالك الخرب اللي يطربك



والزين ما تجيب الا الزين


وتقبلوا مني أجمل تحيه



اخوكم/ قناص الحبارى
المنصوووري
17/08/2007, 02:52 PM
لله يبارك فيكم أخوي الزين وأخوي قناص الحباري
dark
17/08/2007, 07:50 PM
مبروك اخوي..متصيقر.. وفلك الحباري والكراوين
المنصوووري
17/08/2007, 09:21 PM
لله يبارك فيك أخويdark
*الـزيـن*
17/08/2007, 09:25 PM
ياهلا وغلا فيك اخوي قناص الحبارى

الزين والله حظورك وردك




اخوك الزين
*الـزيـن*
17/08/2007, 09:27 PM
تستاهل كل خير اخوي متصيقر

والله يباركلك فيها ياطويل العمر




تقبل كل الاحترام والتقدير

اخوك الزين
حطاااااب
17/08/2007, 10:03 PM
السلام عليكم ورحمة الله وبركاته
مبروك
لخونا متصيقر
الله يبشرك بصيده
وعقبال الحباري
تحياتي لك
عناز
17/08/2007, 10:12 PM
مبروك يامتصيقر ... وانتبه لاتروح ويا حمامتها داخل الشبك
اللي جنوب الباصات تراها تصادر عليك
خطار
17/08/2007, 10:33 PM
أخوي الزين إذا كنت تثاني على ماذكرت من علوم الشيهانه ومقاسها 14
فانا أسوم بثلاثة وإذا هي ما تحل عن صيدتها
فنجون
17/08/2007, 10:49 PM
متصيقر الطير اللي اخذته جبيليه او شاهين
المنصوووري
18/08/2007, 10:12 AM
لله يبارك فيكم

أخوي حطاب تسلم على مرورك

أخوي عناز مشكور ودامك موجود وقت الهدد أزهلها

أخوي فنجون الطيره تركيه
عبرود الشمال
18/08/2007, 11:56 PM
تبيع الشيهانة ب1600
VT 4800
25/08/2007, 07:38 PM
عندي 2000 ريال اجيك اخذها انا من الكويت بعت
مروض الطير
25/08/2007, 07:57 PM
الله واعلم ان الشيهانه انباعت:d
الحر الحمر
25/08/2007, 08:05 PM
السلام عليكم يا زعيفش ترا 800 مو قيمت طير الطير يستاهل اكثر والله يوفقك بالبيعه الزينه وتقبل مروري اخوووووووك الحر الحمر
الحر الحمر
25/08/2007, 08:12 PM
السلام عليكم والله يرزقك بالسومه اللى طيب خاطرك وتقبل مروري اخوك الحر الحمر
VT 4800
25/08/2007, 08:15 PM
الله يهني من خذاها
أخو وضحة
29/08/2007, 12:22 AM
أخوي الزين الطيرة انباعت والا لا
اذا ما انباعت عندي 5500
والله اني تأخرت والا مثل هالطيرة ما تفوت ولا تعوض
واذا انباعت الله يرزق راعيها بالصيد الي يطيب خاطره
أخو وضحة
29/08/2007, 03:23 PM
أنا في انتظار ردك يا الزين
*الـزيـن*
29/08/2007, 04:09 PM
الطير انباع ياشباب

والله يرزق راعيها بالصيد الي يطيب خاطره

ادعوله بالتوفيق يستاهل




اخوكم الزين
عبرود الشمال
29/08/2007, 05:41 PM
كم وصل السوم للشيهانة
albasl
30/08/2007, 02:37 AM
2000اذ تبي تبيع
albasl
30/08/2007, 03:33 AM
مراض الرداد كيفانعالجه اذكان متاخر
..@القناص@..
08/09/2008, 06:39 AM
اسوم الطير بـ 3500 ريال
طارق الحربي
08/09/2008, 09:38 AM
الموضوع له سنه

والطيره انباعت

ارجو اقفال الموضوع
الخرب الازرق
08/09/2008, 01:57 PM
الله يرزقك بالشاري الصامل
المان العرب
08/09/2008, 02:34 PM
الله يرزقك بالبيعة الطيبه
راعي ذياب
08/09/2008, 06:48 PM
السلام عليكم اخوي الله لايهينك الرقم اناصامل ارجو الرد
بوسعود1
09/09/2008, 04:19 AM
ياربع الموضوع صار له سنه
..@القناص@..
09/09/2008, 07:01 AM
الموضوع صار له سنه واكثثثثثثثثثثر
صقر612
10/09/2008, 03:21 AM
الموضوع صار له سنه ههههههههههههههههههههههههه
ابو بليهد
10/09/2008, 05:07 AM
2000 ريال اسومها وصامل وتراني شاري كلامك ما شريت شكل
ولـد الدوادمي
10/09/2008, 06:27 AM
الله يوفقه يارب
ابوحهامان
13/09/2008, 06:22 AM
اسوم انا بشرط صحة الطير 1700
..@القناص@..
14/09/2008, 10:47 PM
اسوم انا بشرط صحة الطير 1700
اخوي..
الموضع له اكثر من سنه..
والمفروض انه يقفل الموضوع..,,
وانتم قاعدين تسومون .. هههههههههههههههههههههههه
mkmk_b
15/09/2008, 01:48 AM
المشكلة ماهو بس الموضوع له سنة المشكلة ان الطيرة بيعت لاكن الشباب تخبر مع الصوم يلخبط الواحد وراعي الموضوع كتب من اللي شراها.

الله يكون بالعون.