ياشباب طريقه جديده في المجرور باللالواح الخشبيه

[صقر الرويس]

والله هذه فكرتي الحين بس قاعد لوحدي ادير افكار وجاتني هذه الفكره اللي والله اتمنى ما اكون محل للسخريه
على العموم هي طريقه وما عمري والله فكرت حتى فيها الا الحين وهي تطوير وليس الا للمجرور بالفلين

اليكم الطريقه:
احضار لوح خشب رقيق( ابلكاش ) بلغه اهل الغربيه بس مو مررررره رقيق ( بس شويه) تحط اللوح كاقاعده لللعف اللي راح يستخدم في المجرور (بسيطه صح بس ماتستبسطهااااااش) بعدين تسوي فتحات في اللوح داير مدار (فتحات بالمسمار حق العماير) بعدين تجيب لوح ثاني حق الجوانب (يكون على شكل عمودي في الجنب (يعني اللوح يكون واقف) من الجنب الامامي للوح والجوانب الثانيه ( اليمين والشمال ) على حسب اتجاه الريح ( يعني زي طربقة الفلين) وتسوي فتحات ايضا ,بعدين تجيب سيم رفيع ( حق الخياطه ) ( اسياخ رقيقه من حق العماير اللي يثبتون فيها الحديد)" صاير فيها مقااااول" بعدين نخيط الاسياخ من الفتحه في اللوح القائم الى القاعده (يعني خياطه) من فوق الى تحت في كل فتحه لزوم تثبيت اللوح القائم والقاعد (حلوووووووه هذه) بشده بعدين يصير المركب جاهز للابحار وعلى بركة الله (بسم الله مرساها ومجراها)

ملاحظه الفكره هذه فيها فايده والله عظيمه اعتقد الا وهي الحفاظ على البيئه البحريه من غير اي تدخلات كيماويه مثل فكره الفلين والاكياس البلاستيكيه والفايبر

والله معكم ومعنا والسلام عليكم ورحمة الله وبركاته
اخوكم سداح المرتاح

[السرالكبير]

اخي الكريم ابتكر واخترع وفكر وانجز(ولن يسخر منك احد )مهما كانت النتائج.فمجرد التفكير(بالابتكار)يعتبر نجاح وفقك الله ونفعك ونفع بك.اخوك السرالكبير

[صقر الرويس]

الله يخليك يا سر والله انى فرحت بردك الطيب الله يستر عليك " امين" يارب

[barracuda]

الله يعطيك العافيه على التفكير الطيب وان شاء الله حجرب هذه الفكره نهاية الاسبوع
والف شكر على الافكار الجديده

[صقر الرويس]

ياباراكودا الله يخليك انك تجربها اذا قدرت وتبلغني اذا كانت نافعه او لا (بس اعتقد الريح هو اللي راح يتحكم في التجربه من عدمها يعني انت ولد بحر وماعليك خلاف
الله يبارك فيك

[jwan]

ماشاء الله عليك ابداع ولو انك صورتها وطرحتها حليتها اكثر شوف طريقتك جميلة ورائعة وخوصا انك انتقيت اللوح الرقيق كي يسبح ويطوف اسرع
اشكرك كل الشكر ياصديقي والحاجة دوما تكون ام الاختراع والفكرة التي طرحتها بسيطة ولكن مفعولها يكون ايجابي اكيد حاول نطرحها بشكل مصور تكون وصلتها اكثر للذين يجهلون المجرور لك تحياتي يا اخي العزيز

[sas2999]

اخوي بس لو كان كان هناك رسمة توضح كلامك يكون افضل حتى الفكرة توصل بالشكل المطلوب
وشكرا

[الهجري]

فكرة طيبة
http://www.mekshat.com/pix/upload/images43/mk54571_sas2999.jpg

بالله
مين الناجل هذا الأحمر
أو الحليوه أبو شورت أسود:D

[صقر الرويس]

شكرا يا عمدة الله يعطيك العافيه , بس والله ماعندي فكره في تنزيل السور ولا ايضا عندي صوره للفكره نفسها كل اللي قدرت اسويه هو انها كانت الفكره عباره عن خاطره مرررره سريعه لكن اعتقد انه الفكرررره مرررره بسيطه بس تجيب اللوح وتحطه كقاعده واللوح الاخر تحطه كعامود رأسي من اليمين او الشمال حسب اتجاه الريح (نفس فكرة الفلين) وتشبك العامود القائم بالعمود القاعد بأسياخ حديد رقيقه (كلنا يعرفها حق العماير تجي باللفه لونها فضي ) يستخدموها المقاولين لتثبيت الحديد في الصبه وتسوي فتحات بالمسمار في كلا اللوحين في (اطراف اللوحين) لتثبيتهم مع بعضهم (خياطه يعني) وهذا كل شي وانا اخوك .وشكرا الف شكر على المرور وعلى التشجيع.
وانت بعد يا ساس شكرا على مرورك والله يعطيك الناجل في كل طلعه تروحها

[صياد متهور]

مشاء الله عليك طلعت مبدع فكرة حلوووة وانشاء الله نشوف المزيد من أفكارك.....

[aosama7]

اخي الكريم ناقص على هذا الموضوع بس صور

[احمدوعبود]

ياسداح يامرتاح اتعبتنا وين الصور خياطة وسيم وابلكاش وبيئة كلها سهلة بس حط صورة وريحنا عشان الفكرة توصل صح
عندي اقتراح من مبدأ التعاون انت ماتعرف تنزل صور اعرفلط واحد فنان بتنزيل الصور والرسم وابو الاختراعات بالخيمة وش رايك توكله وكاله شرعية على تنزيل الموضوع وانا لك مني اشهد على التوكيل عندك العمدة (jwan)

[صقر الرويس]

شكرا للجميع على الردودد الطيبه
وبالنسبه يا احمدوعبود للسؤال انا من الحين موافق بالنسبه لطرح الموضوع وتوكيله للأخ عماد أو اي احد عنده القدره لتسهيل الامر وبارك الله فيكم كلكم
والاخ عماد والله ونعم الرجل

[ابوتركي1]

00يعطيك العافيه اخوي علي الفكره والمجهود الطيب وان شاء الله انها ناجحه بس ياليت بعض الصور وشرح ليكون الايضاح افضل وبارك الله فيك 00

[barracuda]

السلام عليكم أخوي(سداح) بالنسبه للإختراع لعمل المجرور للأسف ما نجحت لعدة اسباب منها:
-الابلكاش يغرق بعد مسافه قصيره بسبب امتصاص الماء.
-الوقت الطويل لعمل المجرور.
-المهاره العاليه لعمل المجرور.
-إذا راح المجرور بعيد وش يرجعه بعد التعب هذا كله ههههههههههههههههههه.
-تكلفة المجرور ماديآ تعتبر عاليه نسبيآ للمجرور بالفلين.
تراها ماهي تكسير في الطموح بس نبغاها تنجح للفائده وممكن اكون ما عملتها بالطريقه إلي في بالك ولاكن ححاول على عملها بالطريقه الصحيحه وبعد نجاحها إن شاء الله حنزل صور لها. وحاول معايا ان شاءالله ننجح. و إليك تحياتياخوي(سداح)

[صقر الرويس]

يا باراكودا يا باراكودا لا تخرب عليا الاختراع تراني عصرت عصارة عقلي الين وصلت لهذا الاختراع فاحن لك توخر عني ترا ان كنت باراكودا فانا اللي صايدها وبحباره بعد...فاحسلك احسلك تروق (مزح تراها)
بانسبه لغرق الابلاكاش والله ما عندي اي تجربه زي ماقلت من اول بي اعتقد انه اذا كان يغرق الابلاكاش فما عليك الا انك توح له سباحه وتطلعه من البحر قبل ما يروح عليك
(ترى امزح) ممكن تجري لوح ابلاكاش اخر الين تضبط العمليه في النمليه وتخسر فلووووووس الين تكرهني
(مزح) على العموم الله يعطيك العافيه والله ويستر عليك والتجربه زي ما قالو خير برهان
فاذا الاختراع اعتقد انه فاشل والاختراع خربته عليا حسبي الله ونعم الوكيل ( ومحلات الخشب راح يقفلوا لان الخساره عليهم هم وعلى خشبهم اللي ما عنندك احد)
شكرا اخوي والله الله يخليك
والسلام عليكم
ابو فهد

[باترول 82]

والله حلوه واعجبتني ( ابلكاش ) ( ماتستبسطهااااااش) (سيم رفيع)
اضحك الله سنك والى الأمام يامخترع

[صقر الرويس]

تسلم يا باترول على الملاحظات الله يعطيك العافيه دوم