المساعد الشخصي الرقمي

مشاهدة النسخة كاملة : عندي مشكلة بالثلاجة


أبو فروة
12/08/2007, 09:40 PM
السلام عليكم ورحمة الله وبركاته
اسعد الله أيامكم بكل خير
قدر الله علي واشتريت ثلاجة صينية استيل ومشكلتها انها إذا شغلتها على السيارة والجو حار يعني الظهر تشتغل لمدة ساعة تقريبا وبعدين تفصل ولاتشتغل مرة ثانية , اسمعها تحاول تشتغل لكنها ماتقدر، قالو لي الأسلاك ضعيفة وحطيت أسلاك قوية (سلك حراري) ونفس المشكلة قال المهندس حق الوكالة البطارية ضعيفة , وغيرتها ونفس الوضع

وأضن والله أعلم أن منضم الكهرب يسخن ثم يقطع الكهرب لانها بالليل تشتغل ساعات طويلة وتثلج ولافيه اي مشكلة

اللي مرت عليه هالحالة ولقى الحل يفيدني مشكورا
حمد808
13/08/2007, 12:04 AM
وعليكم السلام
هل هي اللي وكيلها العساكر
تشغلها على محول ولا على البطارية
هل فتحات التهوية مفتحة يعني ما عليها شي مسكرها
أبو فروة
13/08/2007, 06:29 PM
حياك الله ياحمد 808
نعم وكيلها العساكر
اشغلها على البطارية ولا فيه شي مسكر الفتحات
ساري15
13/08/2007, 11:15 PM
إذا كان الماطور اللي داخل ماعليه مراوح حط مروحتين او ثلاثه

زي حقات الكنود والآيكوم اللي تحط فوق الجهاز للتبريد تراها فعااااااااااله جداً جداً

حسب نصيحة أحد الأخوااااااان ::::::::
حمد808
14/08/2007, 07:05 PM
شيك على المروحة الداخلية اللي جمب الكمبروسر ممكن تكون ما هي شغالة
أبو مسفر
14/08/2007, 07:15 PM
شيك على المروحة الداخلية اللي جمب الكمبروسر ممكن تكون ما هي شغالة


مثل ما قال اخونا حمد

وان كان مافيه مروحة ولف لها توليف

تراهم يحطون مراوح على الكمبرسور حتى لثلاجات البيوت وان شاء الله تبي تضيط
أبو فروة
15/08/2007, 01:38 AM
ساري 15
حمد808
ابو مسفر
الله يعطيكم العافية
لايوجد الا مروحة واحدة على الاديتر وهي مروحة كبيرة 10 ×10 سم
اما الماطور ماعليه مراوح
جزاكم الله خيرا
مداوي
15/08/2007, 01:56 AM
مثل ماقال الأخوان عليك بالمراوح خاصة انك تقول بالليل مافيه مشكلة
بارك الله فيك
أبو فروة
15/08/2007, 02:10 AM
اخوي مداوي جزاك الله خير
هل هذه طبيعة هالنوعية من الثلاجات
ارجو من استعملها يفيدني
الروضة
15/08/2007, 10:32 AM
أخوي أبو فروة
حياك الله
هل هذه الثلاجة هي التي توجد عند السنيدي وسعرها 1890ريال ؟
مجرد سؤال أنا شاهدت عند السنيدي في محله القديم وحده ستيل صينية وشكلها حلو بس ماأدري من وكيلها والبائع يمدحها
أبو فروة
15/08/2007, 08:36 PM
الله يحييك يالروضة
نعم نفس الثلاجة اللي عند السنيدي
ووكيلها العساكر بالرياض
حمد808
16/08/2007, 06:35 PM
اليوم طلعت لصيد ومعي نفس ثلاجتك حسبتلة تقريبا ساعة ثم فصلت طفيتة نصف ساعة ثم شغلتة مرة ثانية وقعدة ساعة شغالة ثم فصلت وقبل ما تفصل كانت البرودة 4تحت الصفر بس اللي داخلها ما برد مرة
وش الحل يا بو فروة ارهم مراوح زيادة او اراجع الوكيل
أبو فروة
17/08/2007, 04:59 PM
اخوي حمد 808
الثلاجة اللي عندي رجعتها للمحل اللي شريتها منه وقال ما لك الا ثلاجة تشتغل او تاخذ فلوسك
قلت بيض الله وجهك
وكلمت مهندس الوكيل وقال جبها لي وما عليك
لكن رحت بها للمحل
طيب اسألك يا حمد 808 هل انت تشغلها على التثليج السريع
حمد808
18/08/2007, 11:56 AM
مرة شغلتها على السريع ومرة على العادي
ومرة على البطارية ومرة على محول 220وكلهن يشتغلن ساعة تقريبا ثم تطفا
هل الثلاجة الثانية تطفا ولامضبوطة؟
هل تتوقع ان الوكيل عرف من وين المشكلة؟
أبو فروة
18/08/2007, 09:56 PM
هل هي على الضمان ام لا
حمد808
18/08/2007, 09:59 PM
نعم على الضمان
حمد808
19/08/2007, 12:15 AM
الضمان سنة على الكمروسر 5سنوات شامل
أبو فروة
20/08/2007, 05:59 PM
اجل ردها عليهم ولا تخليهم
واعتقد ان مشكلة هالنوعية من الثلاجات هي عدم تحمل منظم الكهرباء للحرارة
اما الكمبرسر مافيه اي مشكلة
aa-2000
20/08/2007, 06:01 PM
الثلاجة عندي ماتثلج وقت الظهروقت الليل تثلج
الواثق 7
24/08/2007, 11:37 AM
يالربع أنصحونا الله يجزاكم خير تراي ناوي أشتري مثل ثلاجاتكم (الصينية)هل المشكلة فيهن كلهن والا المسألة توفيق وهل هي اللي عند الرميح يقول مالها وكيل ولاضمان
حمد808
24/08/2007, 12:28 PM
ابشركم ياشباب الثلاجة ضبطت الحمدلله
ركبتلة مروحة 12×12امام الكمبرسر