فارس المنذري
12/08/2007, 09:56 PM
السلام عليكم ورحمة الله وبركاته
اخواني الكرام
حبيت اهديكم هذي السالفة الحقيقية والتي حصلت معنا في احد رحلات الصيد .
:السالفة:
في سنة 1992 م كنا في رحلة صيد في احد المناطق القريبة علينا وكنا تقريبا عشرة اشخاص في الرحلة وما كان يميز رحلتنا بأننا نضع شرط الزامي وهو .. يمنع جلب اي مأكولات معلبة او ذبيحة او اي نوع من اللحوم ما عدا علف الطيور .
وكان السبب في ذلك ان يجتهد كل واحد في البحث علشان نحصل صيد نأكل منه وان تطلع الرحله جميلة ولها طابع خاص وتحس انك صقار صحيح.
وايضا كان معنا شباب جديدين في الصقارة وفي رحلات القنص وإذا تعودوا على الكسل هذي مصيبة وسنفشل في تعليمهم.
المهم اننا وصلنا الى المنطقة المقصودة ونزلنا العزبة وريحنا وتقهوينا في ساعة زمان،
وكانت الساعة التاسعة صباحا وبدأنا في البحث وتفرقت السيارات وما كان لنا حظ ورجعنا الساعة الواحدة الظهر وكل واحد يسأل هاه لقيتوا شي والرد طبعا (لا) وبدأت المعنوية تنزل شوي عند الشباب الجدد وانا اضحك عليهم واقولهم انتوا السبب لأنكم نحوس وما لقينا شي بسببكم (طبعا اسولف عليهم وهذا درس في الصبر والأتكال على الله لأنه هو الرزاق الكريم) واحد منهم زعل وثلاثة يعرفوني زين وان الكلام مش من قلبي ولابد اني اقصد شي ،، المهم سويت لهم غدا بدون لحم (عيش ابيض مع سمن الدار) وقلت لهم انتوا تفكرون ان القنص سهل والصيد بتشتريه من الدكان او بينتظرك لا طبعا ياما ناس ما حصلوا صيد لأيام وما يأسو لأنهم يتكلون على الله عزوجل،
واخذت اهون عليهم وارتاحوا شوي لين الساعة ثلاث الظهر وأتفقنا ما نبعد عن العزبة بعيد.
المهم يا اخواني الله رزقنا ((اربعة كراوين)) ونادينا على الربع وجونا وخبرناهم وفرحوا وستانسو وايد وجلسنا نتقهوى ونتشاور من عنده الهدد الأول والثاني... واذا الطير هذا ما لحق الكروان من الطير اللي بيلقف وراه (مشاورات وخطط الصقارة) واخواني الصقارة يعرفون ويتذكرون (شي جميل).
المهم قررت ان اهد طيري اول واحد لأني انا من لقي الكراوين وطيري صايد شاهين جرناس ثلاث .
هديت طيري وصاد والحمد لله وبقي ثلاثة كراوين , وقال واحد من الأخوان دخيلكم انا بهد طيري واباه يصيد (فصيلة) يعني بدون تعليم ومن اول مرة ، قلنا فالك طيب .
وهد طيرة المسكين وراح الكروان بصوب والطير بصوب و الحمد لله ان الكروان ما ابعد وثبتناه بالدوربيل.
وهدينا على الثالث وراغة الطير في كبد السماء ونازل وصاعد لين تعب الطير ورجع وما صاده.
وقال واحد من الشباب الهدد عندي وطيري سبوق ولا بيخليه يمط جناحه وقلنا غايته الهدد عندك.
وهد طيرة ولاكن الكروان كان خايف وزبن عندنا تحت السيارات والطير يحوم فوقنا ونحن نصيح عليه ونطرد الكروان من تحت السيارات وللأسف الطير حل والكروان انتهز الفرصة وطار قريب من الأرض وقلنا بيحل خلوه بس سواها اللعين ما حل وفل علينا .
ورجعنا حق الكروان الثاني واللي حل قريب علينا وهنا تكمن الغرابة.
يوم جينا وين ثبتنا الكروان ومكان ما حل دورنا عليه شوي وشفنا الكروان واقف تحت شجرة صغيرة قلنا الحمد لله حصلناه اللعين الهارب وين بتروح من الجرناس،
وفجأة واحد من الشباب يقول الحقوا شوفوا شو تحت الشجرة يمين الكروان ,
وانها ارنب جنبة خايفة من الكروان ولا قادرة تتحرك (سبحان الله والرزق عنده سبحانه)،
المهم جلسنا نتشاور كيف نصيد الأثنين بشرط ان نهد طير على واحد منهن (طبعا ما يصير نهد طيرين مع بعض لأنها بتتشابك) واتفقنا على التالي :
ان نرمي الأرنب بالبندقيه (سكتون ناري ) ويوم يطير الكروان ويبعد نهد عليه الشاهين الجرناس بشرط ان نغطي على الأرنب المضروبه علشان ما يشوفها الطير ,
وفعلا حصل ما خططنا له وكانت خطة ولا اروع وما نسوها الشباب لين الحين ,
طبعا الجرناس ما شاء الله عليه عطاه لحوووووووق وصادة (حافظ علية) بس للأسف (مات) من 8 سنوات.
المهم ما بطول عليكم اخواني :
كانت الرحلة سعيدة جدا وفي اليوم الثاني لقينا خرب واحد وكراوين اثنين وبعدها رجعنا الى الديار بالسلامةو كل الشباب كانوا فرحين بما رزقهم الله واستفادوا من الرحلة الجميلة.... وسلمتوا .
اتمنى ان القصة اعجبتكم ....واستفتوا من دروسها ...ورجعتكم الى سوالف قديمة.
اخوكم ...................فارس المنذري.......وعندي قصة ثانية اذا امرتوني أقصها لكم .............................................منقول ...........................................
اخواني الكرام
حبيت اهديكم هذي السالفة الحقيقية والتي حصلت معنا في احد رحلات الصيد .
:السالفة:
في سنة 1992 م كنا في رحلة صيد في احد المناطق القريبة علينا وكنا تقريبا عشرة اشخاص في الرحلة وما كان يميز رحلتنا بأننا نضع شرط الزامي وهو .. يمنع جلب اي مأكولات معلبة او ذبيحة او اي نوع من اللحوم ما عدا علف الطيور .
وكان السبب في ذلك ان يجتهد كل واحد في البحث علشان نحصل صيد نأكل منه وان تطلع الرحله جميلة ولها طابع خاص وتحس انك صقار صحيح.
وايضا كان معنا شباب جديدين في الصقارة وفي رحلات القنص وإذا تعودوا على الكسل هذي مصيبة وسنفشل في تعليمهم.
المهم اننا وصلنا الى المنطقة المقصودة ونزلنا العزبة وريحنا وتقهوينا في ساعة زمان،
وكانت الساعة التاسعة صباحا وبدأنا في البحث وتفرقت السيارات وما كان لنا حظ ورجعنا الساعة الواحدة الظهر وكل واحد يسأل هاه لقيتوا شي والرد طبعا (لا) وبدأت المعنوية تنزل شوي عند الشباب الجدد وانا اضحك عليهم واقولهم انتوا السبب لأنكم نحوس وما لقينا شي بسببكم (طبعا اسولف عليهم وهذا درس في الصبر والأتكال على الله لأنه هو الرزاق الكريم) واحد منهم زعل وثلاثة يعرفوني زين وان الكلام مش من قلبي ولابد اني اقصد شي ،، المهم سويت لهم غدا بدون لحم (عيش ابيض مع سمن الدار) وقلت لهم انتوا تفكرون ان القنص سهل والصيد بتشتريه من الدكان او بينتظرك لا طبعا ياما ناس ما حصلوا صيد لأيام وما يأسو لأنهم يتكلون على الله عزوجل،
واخذت اهون عليهم وارتاحوا شوي لين الساعة ثلاث الظهر وأتفقنا ما نبعد عن العزبة بعيد.
المهم يا اخواني الله رزقنا ((اربعة كراوين)) ونادينا على الربع وجونا وخبرناهم وفرحوا وستانسو وايد وجلسنا نتقهوى ونتشاور من عنده الهدد الأول والثاني... واذا الطير هذا ما لحق الكروان من الطير اللي بيلقف وراه (مشاورات وخطط الصقارة) واخواني الصقارة يعرفون ويتذكرون (شي جميل).
المهم قررت ان اهد طيري اول واحد لأني انا من لقي الكراوين وطيري صايد شاهين جرناس ثلاث .
هديت طيري وصاد والحمد لله وبقي ثلاثة كراوين , وقال واحد من الأخوان دخيلكم انا بهد طيري واباه يصيد (فصيلة) يعني بدون تعليم ومن اول مرة ، قلنا فالك طيب .
وهد طيرة المسكين وراح الكروان بصوب والطير بصوب و الحمد لله ان الكروان ما ابعد وثبتناه بالدوربيل.
وهدينا على الثالث وراغة الطير في كبد السماء ونازل وصاعد لين تعب الطير ورجع وما صاده.
وقال واحد من الشباب الهدد عندي وطيري سبوق ولا بيخليه يمط جناحه وقلنا غايته الهدد عندك.
وهد طيرة ولاكن الكروان كان خايف وزبن عندنا تحت السيارات والطير يحوم فوقنا ونحن نصيح عليه ونطرد الكروان من تحت السيارات وللأسف الطير حل والكروان انتهز الفرصة وطار قريب من الأرض وقلنا بيحل خلوه بس سواها اللعين ما حل وفل علينا .
ورجعنا حق الكروان الثاني واللي حل قريب علينا وهنا تكمن الغرابة.
يوم جينا وين ثبتنا الكروان ومكان ما حل دورنا عليه شوي وشفنا الكروان واقف تحت شجرة صغيرة قلنا الحمد لله حصلناه اللعين الهارب وين بتروح من الجرناس،
وفجأة واحد من الشباب يقول الحقوا شوفوا شو تحت الشجرة يمين الكروان ,
وانها ارنب جنبة خايفة من الكروان ولا قادرة تتحرك (سبحان الله والرزق عنده سبحانه)،
المهم جلسنا نتشاور كيف نصيد الأثنين بشرط ان نهد طير على واحد منهن (طبعا ما يصير نهد طيرين مع بعض لأنها بتتشابك) واتفقنا على التالي :
ان نرمي الأرنب بالبندقيه (سكتون ناري ) ويوم يطير الكروان ويبعد نهد عليه الشاهين الجرناس بشرط ان نغطي على الأرنب المضروبه علشان ما يشوفها الطير ,
وفعلا حصل ما خططنا له وكانت خطة ولا اروع وما نسوها الشباب لين الحين ,
طبعا الجرناس ما شاء الله عليه عطاه لحوووووووق وصادة (حافظ علية) بس للأسف (مات) من 8 سنوات.
المهم ما بطول عليكم اخواني :
كانت الرحلة سعيدة جدا وفي اليوم الثاني لقينا خرب واحد وكراوين اثنين وبعدها رجعنا الى الديار بالسلامةو كل الشباب كانوا فرحين بما رزقهم الله واستفادوا من الرحلة الجميلة.... وسلمتوا .
اتمنى ان القصة اعجبتكم ....واستفتوا من دروسها ...ورجعتكم الى سوالف قديمة.
اخوكم ...................فارس المنذري.......وعندي قصة ثانية اذا امرتوني أقصها لكم .............................................منقول ...........................................