أستفسار/ابي لي منايح كم تسوى؟!!

[منزلي الصمان1]

السلام عليكم اخوتي الأعضاء
من الفوائد الي قراءتها لحليب النياق قررت اني ان شاءالله اشتري لي كم بكره
سؤالي كم تسوى البكرة الطيبة جزاكم الله خير مع توجيهي ان كان عندكم نصيحة لي لأني ماعرف شي ابد
الله يحفظكم ويرعاكم

[راعي الخرازة]

وعليكم السلام ورحمة الله وبركاته
والله هاليومين المنايح رخيصه وانصحك بالوضحى
بتلقاهى ما بين 10000 و 60000 حسب هداوت الناقه وكثر حليبه انت تبي منيحه ماتبي مزاين
ومانصحك بالبكر لانها دايم تكون عجور
وحلبها قليل
عليك بالثنو ام ثاني
الهديه


ايه بغيت انسى شي
انصحك انك تدورلك القحه مقارب
يعني هااشهرين وتولد لاانهى مكسب وانا اخوك

[ابو مساعد]

مساء الله بالخير
المنايح تلقاها بالشتاء وانا اخوك الحين البل عشاير دور لك القحات من هذا وبعد واسعاره مناسبه الحين بتحصل على 5000 الى 10000 ودور لك نياق زوينه بالشكل واتعب على اللون والعمر المناسب على شان ان فكرت اتبيع تربح او راس المال تراها زين
بالتوقيق

[فنجون]

بتلقاها في منطقه جوده عند طالب الجربوعي المري باسعار معقوله

[قناص مكشات]

مبروك مقدماً وانا اخوك والله يوفقك وانصحك طالما انك تجهل اسعارها و لا لك تجربة توصي احد معارفك يدور لك وايضاً حط في بالك ان اقتناء الأبل يبيله عشق و كلافة و الكثير يتولعون فيها في البداية و يهجرونها مع التعب فأحرص على صنف يحافظ على سعره اذا قررت تبيع

[راعي الروضة]

السلام عليكم اخوتي الأعضاء
من الفوائد الي قراءتها لحليب النياق قررت اني ان شاءالله اشتري لي كم بكره
سؤالي كم تسوى البكرة الطيبة جزاكم الله خير مع توجيهي ان كان عندكم نصيحة لي لأني ماعرف شي ابد
الله يحفظكم ويرعاكم
وشلون تبي بكرة ومنيحة في نفس الوقت ماتجي
اذا بغيب فما لك الا المقارب يعني اللي باقي على ولادتها شهرين اي في بدية البراد 000 وبما انك جديد على الشغلة انصحك تاخر الشراء الى مابعد شهرين حتى تشتري خلفه واشرط تكون هديه يعني البزر يقدر يحلبها 000 وانتبه وانا اخوك للضرع وسلامته فيعض الخلفات تلقى ضرع واحد سليم والبلقي يخلف الله مما يؤثر على سلامة الحليب 000 ولن تجد خلف هديه وفيها حليب زين يجملك عند ضيوفك باقل من 13000 ريال وانصحك لاتتسرع وخذ معك واحد راعي بخص ومعرفه في الابل حتى لايغشونك

[راعي الروضة]

وعليكم السلام ورحمة الله وبركاته

والله هاليومين المنايح رخيصه وانصحك بالوضحى
بتلقاهى ما بين 10000 و 60000 حسب هداوت الناقه وكثر حليبه انت تبي منيحه ماتبي مزاين
ومانصحك بالبكر لانها دايم تكون عجور
وحلبها قليل
عليك بالثنو ام ثاني
الهديه



ايه بغيت انسى شي
انصحك انك تدورلك القحه مقارب

يعني هااشهرين وتولد لاانهى مكسب وانا اخوك

الرجال يقول ابي حليب ماقال ابروح لام رقيبه اشارك في المزاين 60000 ريا ل تجيب له ست خلفات طيباتوالحليب ي المجاهيم اما المغاتير فمنظر لاغير

[ابوحماد]

أنا راعي أبل يعني ماني من راعين المزاين الابل عندي متوسطه وفيها الزين

بس أذا أنت تجهل هذا الامر عليك تدرس كيف تتعامل مع الابل شهر تعلمك الاساس

والشي الثاني أهم شي الراعي يكون راعي خبره ماهو عليمي الابل غير الغنم

والراتب الف ريال وفوق والراس يبي 350 ريال كل شهر

وبنسبه للنياق أذا تبي الحليب الواجد و الطيب عليك بالمجاهيم و الشعل

وخذ أم ثاني وهذي الايام الخلفات رخاص بتحصل أم جرم زين وسنامها طيب

وحليبها واجد وخاليه من العذاريب من 8الاف الى 12 الف

وأذا حوارها طيب بتحصل 14 الف

وعليك بتمر و الخبز يطيب طعم الحليب ويركد الابل بس لا تكثر

والبرسيم الخضر اليابس طيب ونحش من الروثن الرول ينشف الحليب بس زين للعشاير و القحات

[منزلي الصمان1]

بارك الله فيكم
راعي الخرازة
ابو مساعد
فنجون
قناص مكشات
راعي الروضة
ابو حماد
الله لايهينكم شاكر لكم تفاعلكم ونصائحكم ومثل ماقلت ( انا عليمي ) ماعرف الى شي بسيط ولايسعفني عرفي اني اعرف الزين من الشين لذلك لاتبخلون علي بارك الله فيكم

[ابو مساعد]

مساك الله بالخير

ومبروك مقدمااا .....

يا خ منزلي الصمان 1 ابشر بالخير والفزعه باللي اقدر عليه لو اني جديد على الابل بس اعرف عنها لاني احب ان تكون ابلي على احسن حال صار ليه مع الابل تقريبا 3 سنوات والحين والله اني اغليها مثل عيالي .
اذا انت مصمم على الشراء وناوي اتعب على اللون المرغوب في ديرتك لانك تحصل فحول لها قيمه عند جيرانك او معارفك علشا تستفيد والاوله والباديه لا تشري الفحل اتعب على الابل واهل الخير مايقصرون .....
تحياتي للجميع..

[منزلي الصمان1]

مساك الله بالخير

ومبروك مقدمااا .....

يا خ منزلي الصمان 1 ابشر بالخير والفزعه باللي اقدر عليه لو اني جديد على الابل بس اعرف عنها لاني احب ان تكون ابلي على احسن حال صار ليه مع الابل تقريبا 3 سنوات والحين والله اني اغليها مثل عيالي .
اذا انت مصمم على الشراء وناوي اتعب على اللون المرغوب في ديرتك لانك تحصل فحول لها قيمه عند جيرانك او معارفك علشا تستفيد والاوله والباديه لا تشري الفحل اتعب على الابل واهل الخير مايقصرون .....
تحياتي للجميع..
--------------------------------------------------------------------
----------------------------------------
السلام عليكم
مساك الله بالرضى والعافية
يابومساعد
وترانا مانستغني عنكم واللون المرغوب الوضح بس ياخوك دورت وتعبت الي يقول ب20000 والي اكثر وش هالأسعارضاربين فوووووووق؟!
وش الدبرهيابومساعد؟