المساعد الشخصي الرقمي

مشاهدة النسخة كاملة : وشرايكم بالفحل


راعي الخرازة
15/08/2007, 09:32 PM
السلام عليكم ورحمة الله وبركاته : يالربع اناعندي فحل جاني هدية
وشرايكم فيه امسك واهده بالبل ولا .......
ابي شوركم.
http://www.mekshat.com/pix/upload/images44/mk58194_3333.jpg
نجم السويبع
15/08/2007, 09:41 PM
اخوي راعي الخرازه السلام عليكم


الفحل زين وان كان تقدر تشوف طرحه عند اللي قبلك يكون افضل

والله يباركلك فيه
راعي الخرازة
16/08/2007, 05:04 AM
اشكر مرورك اخوي نجم اسبيع
الفحل ما ضرب عندهم
لانه من ضمن فحول عده
وهذا واحد من الي عندهم
ووسمه %
ياسر الزين
16/08/2007, 01:40 PM
راسه مو بزين ورقبته قصيره وجسمه متوسط
هذا رائي اخوى
تحياتى
راعي جملا
16/08/2007, 02:47 PM
مشاء الله الفحل زين أخوي ما أكذب عليك لكن ما هو إلي عليه الكلم
لكن الكلم وشلون أنتاجه أنا عندي فحل لو تشوفه تقول هذا مفرود عماني أصيل بس أنتاكه أحسن من الفحول ألي عليها الكلم جيني هدو وستحقرته لكن بناته يسامن عندي على 60 ألف ريال سعودي
نصيحتي أضربه أزمان الجاي
وشوف أنتاجه أن كانه زين ولا دفه السوق
تقبل تحياتي أخوك راعي جملا
راعي الخرازة
16/08/2007, 04:20 PM
اشكرك أخوي ياسر على مرورك ورايك وبيض الله وجك....
اشكر مررك اخي راعي جملا ... انا ماقول انه ابو الملايين ولا اطمعبها
لكن والله اني محتارن فيه اكد علية سنه كامله مشكله ؟؟؟
ولاعندي هاك النق الي عليهن العلم عشان يساعدنه واهده فيهن
لاكن قررت يوم الجمعه انشاء الله اصلي صلاة استخاره والله الي يكتب الي فيه الخيره

اشكر مروركم وردودكم
والله يوفق الجميع
فنجون
16/08/2007, 11:55 PM
عرضه السوق افضل لك
مجاهيم
17/08/2007, 10:07 AM
الله يباركلك .....
وسمع نصيحة راعي جملا تراها في محلها
........................................مجاهيم
راعي الخرازة
18/08/2007, 03:20 PM
http://www.mekshat.com/pix/upload/images44/mk58194_1000.jpg
خيال الصبحا
18/08/2007, 08:34 PM
وعليكم السلام ورحمة الله
الاخ راعي الخرازة
القعود يحكمه ساسه ومميزاته
ولكن لا صار فحل يحكمه انتاجه
وانت ضرب ناقتين او 3 من ابلك عليه
وشف انتاجه كيف وعسى الله يبارك به وبانتاجه، وهلا بك
سلفر
18/08/2007, 11:02 PM
السلام عليكم ورحمة الله وبركاته

والله وانا اخوك البعير مافيه من الزين شي

مير هده سنة وشف انتاجه والله يكتب اللي فيه الخير

عندي استفسار القعود اللي في ردك الثاني القعود الك ؟
اذا كان القعود الك هل هو للبيع وهل سيم

تقبل تحياتي
الطرفاوي@
19/08/2007, 10:48 AM
الفحل شكلة معلية بس شوري علك انك تظربةاجد النياق وتشوف طرحة بعدين
راعي الخرازة
19/08/2007, 03:02 PM
مرحباً بالجميع الي ردو والي سيرو
اخوي سلفر القعود هذا انا شاريه من ناصر بن مهنى
على الهرش الي عنده وهذا وسمه عليه ولو شافه بيعرفه على طول لانه مسميه على واحدٍ من اعياله .
وسيم عندي سومة طيبه وانكان لك خاطر فيه تراه مايغلى عليك.:)
وهاذي صوره له وهو مفرد وانا مسمه الحين البارز
http://www.mekshat.com/pix/upload/images44/mk58194_23.jpg
فنجون
19/08/2007, 10:36 PM
الفحل حجمه متوسط ورقبته قصيره هذا راي المتواضع
راعي الخرازة
20/08/2007, 12:00 AM
السلام عليكم ورحمة الله وبركاته
اشكركم جميعاً على ابدا ارائكم في هذا الفحل الي
محيراً لايش لانه عليه خطوه عجيب لين مشى مع الابل
ورفعة راس ماعمري شفت مثلها الا ان كل من جا وشافه وهو يمشي وقف عنده
لاكن انا ارا انه ممكن يجي منه خصوصاً بعد ما استخرت واستشرت الرجاجيل شرواكم.
والله يوفق الجميعhttp://www.mekshat.com/pix/upload/images44/mk58194_0000.jpg
سلفر
20/08/2007, 02:59 AM
جعل ربي يبارك لك فيه

انا ماسئلتك الا وانا عارف الوسم والشاهد

وابل ابن مهنا ماعليها كلام وفحوله كلها طيبه

القعود من معمق ابل عليها العلم


تقبل تحياتي