معاناتي مع نوكيا 95 .....الفزعه ياشباب

[عاشق النفود 111]

عندي مشكله بجهازي 95 ما يستقبل أقمار. وديته يم الجوالات قالوا لازم تنزل الخريطه على العموم نزلتها ولم يستقبل بعد :eek:
قالي لازم أسويلك فورمات للجهاز قلتله الجهاز توني شاريه جديد ليه الفورمات قالي لازم. قلتله خله أبي أوديه للوكيل... المشكله إني شريت الجهاز من ديره وأنا في ديرتن ثانيه ولا كان رجعت للي شريته منه.
وشرايكم أخليه يسوي الفورمات ولا أوديه يم الوكيل؟؟؟

وش ظنكم المشكله منه ؟؟ بصراحه أنا أحترت :(

[maxima20009]

أخوي الفرمات أنت تقدر تسوية وهية عمليم سهلة
شيل الذاكرة وأحفظ كل شي تبقاه لأنة بيمسح كل شي تضغط على *#7370*
من اليمين وبعدين تضهر لك رسالة أضغط نعم وبعدين بصير كأنك شارية وكالة

وأسف على التأخير

[مسافر1]

أخي الكريم
استقبال الأقمار في هذا الجهاز يحتاج لبعض لوقت
وكذلك يكون في مكان مكشوف
نتمنى لك كل توفيق

[عاشق النفود 111]

مشكوووور أخوي maxima
على المعلومه.والله يعطيك العافيه
وشلون أسويها والجهاز شغال
وأضغط إتصال أو مجرد إدخال الأرقام تتم العمليه


أخوي مسافر1 خليته ربع ساعه وفي مكان مكشوف ولم يستقبل
هل يحتاج إلى أكثر من ذلك ؟؟؟؟
كل الشكر أخوي

[كاشخ 24 ساعه]

ان طعتني بعه وانا اخوك وبس

وانصحك تشوف الموضوع هذا

http://www.mekshat.com/vb/showthread.php?t=98681

[Rahhal_xp]

نزل آخر تحديث له وتشوف الفرق.

[عاشق النفود 111]

الله المستعان وجدت الطامه ياأخوان مالي في الجوالات ضحكوا على بالجوال هذا.. رحت وديته يم الوكيل الإتصالات قالي أول شيء هذا مو ضمانه مو مطابق الرقم..
الشيء الثاني طلع الجهاز مو ضمان الإتصلات أصلا الزقه مزوره ... حسبي الله على إلي باعلي..

المشكله إني شريته وسافرت يعني الآن يبعد عني المحل إلي شريته منه 1200كيلو...
وشرايكم أتكلف وأروحله.. ولا أرضى بالجهاز وأخلي أي محل يفرمته لي ويزينه...

حسبي الله ونعم الوكيل ناس ماتخاف الله... إن كانه قاصدها فعليه من الله مايستحق..

وشرايكم ياجماعة الخير..

[كاشخ 24 ساعه]

لو منك أرجع له لو بعيد 4000 كم وألعن والديه وانتف لحيته ان كان به لحيه واسحبه على الشرطه من علباه.

[مستكشف]

لا ترجعة ولا شي المسألة بسيطة بيهدية الله ويستقبل اقمار صناعية وكل شي فقط تابع معي
توجة الي أدوات
الضبط
عام
تحديد المواقع
طرق تحديد المواق
الغي الصح من كل الخيارات ماعدا نظام الجي بي إس المضمن
خلاص الاعدادات عندك الان صحيحة
توجة الى خرائط
ثم خيارات
عرض
معلومات القمر الصناعي
تظهر لك خطوط شفافة خلها الى ان تتحول الى اسود( تستغرق بعض من الوقت ويجب أن يكون مكان مكشوف )
فقط لاغير
تحياتي

[عاشق النفود 111]

أخوي كاشخ.. والديه مالهم ذنب ولا يجوز اللعن الله يهديك..لكن أسحبه مع علباته ايه.. كل الشكر أخوي على مرورك..تحياتي.




أخوي مستكشف تابعت الخطوات في النهايه طلع
حالة القمر الصناعي
( لا يوجد بيانات متاحه للقمر الصناعي ) جلست خمس دقايق وهو على هذا الحال.
دخلت البيت طلعلي حالة القمر 6 وفيه الشريط الأبيض رجعت ثاني مره وحتريييييت رجع مباشره ( لايوجد بيانات متاحه للقمر الصناعي )..
بصراحه أحترت معه وأحيانا أقول وينك يالعنيد خمسة لا أقمار ولا وجع راس.< >.
شاكر لك أخوي مستكشف.


بالنسبة للتحديث الموجود عندي 12.0.013
فيه أحدث من هذا؟؟

كل الشكر للجميع

[جمينة]

نفس معاناتي يا أبو قايد
أنا مو موجودة المشكلة بالسعودية و حاولت كذا مرة أني أتصل بالأقمار الصناعة تقريبا ساعة إلا ربع و أحاول فيه و لا هو راضي !!


وش الحل يا جماعة

[عاشق النفود 111]

الله يعينك ياجمينه...

أسمعوا فتاوى أهل الجولات إلي لحسة مخي...( )

الأول يقول لازم تكلم 902 عشان يشتغل معاك..
الثاني يقول لازم تتصل بالنت من الجوال وبعد كذا يشتغل...
والثالث يقول لازم تطلع برى المدينه وهو يستقبل أقمار...أو تكون في مكان مرتفع مثل سطح البيت..هههههههههههههههههههههههههههههه
قلتله أجل وش الفايده منه يوم يشتغل خارج المدينه ولا فوق السطوح ههههههههه
وكان الرجال جاد في كلامه ويقول والله أنا مجرب..

وش الحل ياجماااااااااااعة الخير*******

[مشرق الشمس]

اجل هناك عيب مصنعى راجع اقرب وكيل لنوكيا

[عاشق النفود 111]

أخوي مشرق الشمس

اقرب وكيل لنوكيا.... تقصد وكلاء الضمانات مثل مشاعل الخليج والاتصالات و......
إذا تقصد كذا فجوالي بدون ضمان. حسبي الله ونعم الوكيل..

ولا وكيل عام لجولات نوكيا كلها .. إذا تقصد كذا دلوني وين هو بالرياض ...ولا عليكم أمر.

تحياتي أخوي..

[برنامج]

ملاحظة
الجهاز لايمكن أن يتصل بالأقمار وهو مغلق يعني لازم تكون لوحة المفاتيح مفتوحة ثم تخرج في الفضاء وتمسكه من الوسط (مسكة ضب)
جرب وقلنا

[عاشق النفود 111]

هلا بك أخوي برنامج ....
هذا إلي دايم أسويه بس ماهنا فايده.. دائما تطلع الرساله بعد البحث عن الأقمار

حالة القمر الصناعي
( لا يوجد بيانات متاحه للقمر الصناعي )

[عاشق النفود 111]

ياشباب لأول مره أسوي فورمات للجهاز

سويت بحث عن الأقمار ...

طلعلي حالة قمرين فرحت ثم شوي رجع مثل أول (لا يوجد بيانات متاحه للقمر الصناعي )

آآآآآآآآه ثم ألف آآآآآآآآآآآآه من هل الجهاز

شوفولي حل يا جماعة الخير....

[عاشق النفود 111]

يا شبااااااااااااااااااااب يا أخوووووووووووان يا جماااااااااااااااااااعة الربع

اعطوني حل الجهاز هذا...طلما أنك دخلت على الموضوع لا تبخل عليناااا بردك الله يرحم والديك.

[أبو فهد ( 1 )]

أعتقد يا أخي أبو قايد فيه وكيل اسمه مقارب للإتصالات يمكن يكو وكيل جهازك أنا شفت هذه الوكالة بالرياض

[أبو فهد ( 1 )]

يا شبااااااااااااااااااااب يا أخوووووووووووان يا جماااااااااااااااااااعة الربع

اعطوني حل الجهاز هذا...طلما أنك دخلت على الموضوع لا تبخل عليناااا بردك الله يرحم والديك.


أول مرة يبي لك صبر قد تصل في بعض الأحيان لنصف ساعة وفي مكان مكشوف ولوحة المفاتيح مفتوحة

ثم بعد هذه المرة قد يستقبل في نصف دقيقة

كذلك لو طولت ما فتحت جهاز الملاحة ممكن تكرر نفس الطريقة أرجو أن تستفيد من ما ذكرت يا أخي أبو

قايد.

[عاشق النفود 111]

هلا أخوي أبو فهد كل أصحاب المحلات يقولون هذي اللزقه مزوره يحطونها أصحاب المحلات..
واحد يقولي وديه الدعم الفني بالرياض حق مشاعل الخليج.. يشوفونه لك
بس ما أدري يستقبلونه ولا لا.

ياما أتركه عشان يستقبل ولكن دون جدوى...

كل الشكر أخوي

[qatari007]

اخوي ابوقايد
في شغله الشباب ماذكروها لك .. عشان تلقط الأقمار الصناعية
1- لازم تفتح الجهاز (الباب) مايكون مسكر
2- الجهاز لازم يكون في وضعية زاوية 45 درجة (يعني المسكه العاديه للجوال وهو بيدك)
وانشالله بتشوفه يلقط الأقمار

[أبوأديب]

اخوي ابوقايد
في شغله الشباب ماذكروها لك .. عشان تلقط الأقمار الصناعية
1- لازم تفتح الجهاز (الباب) مايكون مسكر
2- الجهاز لازم يكون في وضعية زاوية 45 درجة (يعني المسكه العاديه للجوال وهو بيدك)
وانشالله بتشوفه يلقط الأقمار
3ولازم تكون في مكون مكشوف ........ وربي يوفقك !!!

[بوحمود1]

الجهاز معاى صار له شهر وشغال زى الساعة ولله الحمد ، بس خذ نصيحة من اخوك المجرب
بيييييييييييييييييييييييييييييييييعه وطق لك 6110 وحتى لو تخسر فيه (واكيد انك خسران) بس شتسوي الشكوى لله
، تراه مجرب وكل شئ عربى و 100%

[عاشق النفود 111]

اخوي ابوقايد
في شغله الشباب ماذكروها لك .. عشان تلقط الأقمار الصناعية
1- لازم تفتح الجهاز (الباب) مايكون مسكر
2- الجهاز لازم يكون في وضعية زاوية 45 درجة (يعني المسكه العاديه للجوال وهو بيدك)
وانشالله بتشوفه يلقط الأقمار

هلا بك أخوي كل الي ذكرت أطبقه بس دون جدوى خليته أكثر من نصف ساعه ما استقبل أقمار
يعطيك العافيه أخوي


أخوي أبو أديب طلعت للبر طلعت السطح ههههههههه وقفت مشيت نفس العله الله المستعان... مشكور أخوي

[عاشق النفود 111]

الجهاز معاى صار له شهر وشغال زى الساعة ولله الحمد ، بس خذ نصيحة من اخوك المجرب
بيييييييييييييييييييييييييييييييييعه وطق لك 6110 وحتى لو تخسر فيه (واكيد انك خسران) بس شتسوي الشكوى لله
، تراه مجرب وكل شئ عربى و 100%

والله أحترت لكن كم سعره 6110 طبعا جديد بضمان... كل الشكر أخوي

[عاشق النفود 111]

معليش ياربع ما رديتوا على سؤالي...

فيه صيانه معتمده خاصه بنوكيا طبعا بدون الضمانات أقصد بدراهمك تصينه ؟؟؟
دولونا عليها إذا صار فيه ... يانشاما

[mo7md0]

معليش ياربع ما رديتوا على سؤالي...

فيه صيانه معتمده خاصه بنوكيا طبعا بدون الضمانات أقصد بدراهمك تصينه ؟؟؟
دولونا عليها إذا صار فيه ... يانشاما


نعم مشاعل الخليخ يسوون لك صيانه بس بفلوسك يعني لازم تدفع
لان جوالي ضمان الاتصالات ونزل الاصدار الجديد 12.0.013 عندهم قبل الاتصالات بشهر
ورحت ودفعت 40 ريال ونزلوه لي

[qatari007]

اخوي ابو قايد .. اخاف ان الخرائط ممسوحة من بطاقة الذاكرة (الميموري كارت) تأكد الله يخليك وتقدر تاخذ البطاقة من جول مثله وتركبها في جوالك وتجرب ... لأن الخرائط نازلة على بطاقة الذاكرة مهب ذاكرة الهاتف وبالنسبة لـ 6110 سعره مابين الـ 1600 الى 1700 مع الضمان طبعاً