سؤال للكشاته: أحد جرب موبايلي انترنت في البر؟

[Rahhal_xp]

السلام عليكم ورحمة الله وبركاته،

بما أن المنتدى عموما خاص بالكشاته، حبيت اسأل: هل فيه أحد جرب انترنت موبايلي في البر؟ إذا فيه، ياليت يقيم لنا الوضع من ناحية انقطاع الإتصال من عدمه وسرعة الإتصال كذلك.

ترى ما هو لازم يكون جرب الإنترنت على كمبيوتر محمول، حتى لو يكون عن طريق جهاز الجوال.

[مسافر99]

موبايلي ممتاز في المدن والبر بس لازم يكون فيه تغطية (برج) وما عندك مشكلة خاصة الشريحة أم مية ريال يا سلام..... !! تضرب فيها شهر ما تخلص إسأل مجرب

[Rahhal_xp]

كلام سليم وما عليه غبار، أنا أستخدمها في البيت بدل DSL ، لكن الكلام عن شخص استخدمها فعليا في البر.
واللي له نظر في جهاز محمول وصغير وفيه مكان لإدخال شريحة الجوال يشوف هذا الجهاز:
FlyBook V5 (http://www.flybook.biz/en/?section=generic&page=v5)

[الثلج الاسود]

السلام عليكم
بالنسبة لي جربتة في الدهناء وشغال ميه الميه بس لازم برج يعني لازم يكون فيه شبكة وطبعاً السرعه اقل لان مافيه جيل ثالث طبعاً في الدهناء موقعي بالضبط في الدهناء في عدامة المجلس الي شمال غرب تقريباً من طعس ود الكبير ،،،،
اخوكم / ابو روان

[Rahhal_xp]

الله يجزاكم خير جميعا، هذا خبر ممتاز.
قضية برج جيل ثالث ما هي مشكلة لأن الأبراج في مثل هذي المناطق ما عليها ضغط كبير.

[خوي السرور]

لوسمحتو ابي معلومات عن هذه الخدمه وأسعارها وكيفية تشغيلها واعداداتها بعد أذن صاحب الموضوع طبعا

[ابن سليمان .]

السلام عليكم

والله ياخوي أنا مجربه بالبر ولا أحلى منه

أخوي
(خوي السرور)
خدمة تقدمها شركة مبايلي
وأسعارها على حسب الباقة (100 ريال ــ واحد قيقا) (250ريال ــ خمسة قيقا)(350ريال ــ مفتوح)
طريقة الإشراك إذهب إلى أحد فروع مبايلي في المنطقة وإطلب منه الرقم بشرط تفعيل الأنترنت
ثم شغل الشريحة على الجهاز إلى أن تجيك رسالة التفعيل (تفيد إشتراكك في خدمة أنترنت سكاي) ثم رسالة التكوين (مزود الخدمة) فثبتها على جهازك

هنا إنتهاينا من الجوال

فمن ثم جهاز الكمبيوتر

ثبت الجوال على الكمبيوتر(برنامج البسي سويت)

إذهب للإعدادات
إختر نوع الجوال التالي
إختر خيار (إعداد بتهيئة الإتصال يدويا) التالي
تأتيك ثلاث فراغات
إكتب في الأول نقطة الوصول (web2)

فمبروك لك الإتصال

[ثــــايـر]

موبايلي مغثه !!

[خوي السرور]

جزاك الله خير يالغالي على الأيضاح

[Rahhal_xp]

موبايلي مغثه !!

ياليت تسعفنا بتجربتك يا غالي.
أنا عندي موبايلي في البيت وعال العال، يكفيني منها إني أقدر آخذها معي وين ما أروح.
تخيل انك في مكان وأعجبتك واحدة من الأعشاب وتبي تعرف اسمها، بإمكانك الدخول للنت والبحث، هذا مثال واحد لعدة استخدامات.
ربما هذي الفكرة ماهي في خاطر البعض لأن البر بالنسبة لهم هو هروب من جميع مظاهر المدنية، لكن أنا متأكد انها مطلوبة في أحيان كثيرة.

[mo7md0]

سرعة الانترنت في البر بتكون بطيئه جدآ الان خدمة الجيل الثالث ماهي شغاله غير في المدن مدري ليش للحين ماعمموها على جميع مناطق المملكه

[Magellan]

توكل على الله وخذها ....
ريحت أبو زيد ولاعدمه
بالرياض معي عال العال وسرعات فوق 1200 ك ب/ث
وأخذتها للمزرعة بالغاط وشابكة معي ،، صحيح إنها بطيئة وحول سرعة التليفون الثابت ،،
لكن العوض ولا القطيعة
على الأقل تشارك ولو إنك بالبر

[Rahhal_xp]

سرعة الانترنت في البر بتكون بطيئه جدآ الان خدمة الجيل الثالث ماهي شغاله غير في المدن مدري ليش للحين ماعمموها على جميع مناطق المملكه

خدمة موبايلي هي الجيل الثاني المطور 2.5 في جميع أبراجها وهي جيدة في مكان معدوم الإنترنت.

جربتها في الرياض على الجيل الثاني وكانت أفضل من الإنترنت عن طريق الهاتف بمراحل.