باركو لي اشتريت كاميرا H9+ زووووم

[kash5000]

اصبح عليكم بالخير ...مسكت امس العصر الساعه 4 ونصف وتوجهت إلي دار الوكالات بطريق العليا وبالخصوص وكالة سوني وأشتريت كا ميرا أتش ناين H9 واشتريت معها زوووم وميموري 8 جيجا ب499ريال الكاميرا 2069 ريال تقريبا والزوووم 579 ريال تقريبا ....وقبلها بأيام كنت امتلك كاميرا سوني دجيتال صغيرة الحجم 7.2 ميجا بيكسل ..السواال اللي حابه اطرحه عليكم وش رايكم انا محضوض بها الكاميرا ونصيحتكم لي ............ومشكورين

[فتى الدهناء]

اصبح عليكم بالخير ...مسكت امس العصر الساعه 4 ونصف وتوجهت إلي دار الوكالات بطريق العليا وبالخصوص وكالة سوني وأشتريت كا ميرا أتش ناين H9 واشتريت معها زوووم وميموري 8 جيجا ب499ريال الكاميرا 2069 ريال تقريبا والزوووم 579 ريال تقريبا ....وقبلها بأيام كنت امتلك كاميرا سوني دجيتال صغيرة الحجم 7.2 ميجا بيكسل ..السواال اللي حابه اطرحه عليكم وش رايكم انا محضوض بها الكاميرا ونصيحتكم لي ............ومشكورين

مبارك الكمرة .. ماشاء الله
وأنا بصراحة ماقد جربت السوني .. لكن أشوف الشباب يمدحونها خاصة الموديل هذا
ننتظر الصور .. :)


وفقك الله

[ابو شكاع]

أول شي مبروووووووك الكاميرة وإن شاء الله تعطيك ما يرضيك
ثاني شي يكفي إن مبدعنا عبدالله العمرو يمتلك وحدة مثلها ويمدحها
ثالث شي توي أدري إنه يركب عليها زوووم
رابع شي ماتشوف معي أخوي إن الـ 8 قيقا كرت كبير مرة ؟
إلا إذا أنت ناوي تستخدمها تصوير فديو لفترات طويلة ...
مشكور وماقصرت وتكسرها بالعافية

[@أبو زيد@]

مبروك عليك

نعم ما أخترت

بس أنا استغربت منك أنك شريت زوم

وميموري 8 قيقا

أصلا ماتحتاج الزوم

الزوم حق الكاميرا يقرب حتى مسافة طويلة (15×)

والميموري يكفي 1 أو 2 قيقا وباقي الفلوس وفّرها لشيء آخر

أنا شخصيــا كنت ناوي أشتري H9

لكــن حولت منها على Canon S5

عمومـــا مبروك عليـــك الكاميرا

وننتظر صورك الجميلة

ولاتحرمنا من جديدك

أخوك

أبو زيــد

[أبو الطلعات]

أبارك لك أخوي كمرتكم الجديدة ، وبما أنك شريت كمرة دجتل وبهذا السعر فما فيه خسارة يكفيك أنها دجتل ، ويكفيك أنها من ماركة معروفة وموديل الكمرة معروف ولها مقارنات مع الكمرات الأخرى ، ويمتلكها محترفي التصوير خاصة في مكشات . وإن شاء الله تتمتع بها وتمتعنا بالصور . وأن تكون مباركة عليك وتستفيد منها بإذن الله .

[kash5000]

ابو الطلعات ابو شكاع السمحان فتى الدهناء

مشكورين وما قصرتو

ومن ناحية الثمانيه ميجا انا مفتون في شي اسمه تصوير او تصوير فديو ...


شاكر مروركم وتقبلوا تحياتي ,,,,,,,,,,,,,,

[الخبوبي]

ألف مبروك أخوي على الكميره الجديده

سوني شركة معروفه وموثوقه و H9 تعتبر من أفضل إنتاج الشركه

الله يوفقك ولا تحرمنى من إبداعاتك

لك مني كل الإحترام والتقدير

أخوك الخبوبي

[( برى بحرى)]

مبروك اخى الغالى وان شاء الله تصور فيها اللى يطيب خاطرك

وشد حيلك نبى نشوف علومها بالمنتدى

تحياتى

[الضاري]

ألف مبروك اخي العزيز

والله يعطيك خيره ويكفيك شره

ومثل ماقال أخي العزيز ابوصالح ( ابوشكاع) :)

عندك خبيرنا المبدع عبدالله العمرو متخصص في هذه الكميره

وشد حيلك نبي نشوف بعض صورك فيها

تحياتي

[الغدير]

مبارك عليك الكاميرة
الكاميرة ممتازة عن تجربة مني:D (كديتها كد وصورت فوق الالف صورة ولا احلى منها:good: )
ولايهمك الي مدحوا الكانون على حساب السوني:no2: (ثراهم ماجربوا السوني H9وهذا عتبي على المدح الزايد والغير منصف للطرف الاخر;) )
وان شاء الله نشوف ابداعك فيها:D

[خيال نجد]

ألف مبروك اخي العزيز

والله يعطيك خيره ويكفيك شره

[موزة الحبوبة]

اصبح عليكم بالخير ...مسكت امس العصر الساعه 4 ونصف وتوجهت إلي دار الوكالات بطريق العليا وبالخصوص وكالة سوني وأشتريت كا ميرا أتش ناين H9 واشتريت معها زوووم وميموري 8 جيجا ب499ريال الكاميرا 2069 ريال تقريبا والزوووم 579 ريال تقريبا ....وقبلها بأيام كنت امتلك كاميرا سوني دجيتال صغيرة الحجم 7.2 ميجا بيكسل ..السواال اللي حابه اطرحه عليكم وش رايكم انا محضوض بها الكاميرا ونصيحتكم لي ............ومشكورين

اخوي Kash5000 تقول شريت معها زووم ؟؟ أنا شريت نفس الكاميرا من حوالي شهرين

وماكان فيها زووم ؟؟ الا المتوفر فيها وهو 465mm ياليت تذكر مدى عدسة الزووم اللي شريتها

تحياتي
أختك موزة الحبوبة:)

[kash5000]

الاخت موزه الحبوبه ...تحيه

الزووووووووووووم اشتريته لوحده بقيمة 579 ريال تقريبا


والنمبر بتاعه Vcl-dh1774

أخذت صور للقمر البارح وبعد ما نزلتها في جهازي المحمول انبهرت

وجدت الحفر اللي في سطح القمر واضحة جدا ......

ارجو اني قدمة ما يفيد سوالك....

[موزة الحبوبة]

والله ياخوي ما استفدت من هالرقم شيء ؟؟ يعني ماهو مكتوب عليهMM
طيب ممكن تعطني تلفون المحل استفسرمنهم
انا شريتها من جده وياليت ترفق صورة القمر:good:
تحياتي

http://www.mekshat.com/pix/upload/images44/mk49055_moza (small).jpg

[ابـو صا لـــح]

اخوي kash5000
اولا :
الف مبرووووك عليك الكامير وتراك احسنت الاختيار (مع اني اشوف اعضاء مكشات طايرين بالكانون) انا اشتريت وحده قبل ثلاث شهور بــ 1800 ريال من امريكا صراحة روووعه ماشالله من جميع النواحي
ثانيا :
تشوف ان الزوم له فايده ولايكفي الزوم اللي فيها وياليت ولا عليك امر ترسل صورة الزوم
وصور صورتها بالزوم

[kash5000]

الاخوه أللي يسألون عن الزوززززوم والصور للكاميراء H9عن قريب نجاوب على جميع الاسئله ,,,,منكم الصبر ومني الوفاء ....

[راعي الروضة]

ماشاء الله تبارك الله 000 تقطعها بالعافية 000 عفوا نسيت احسبها ثوب 000 ولا وش لقفني 000 انا عليمي في الكاميرات 00 عموما الف مبروك والله الله بالصور الزينه

[kash5000]

http://www.mekshat.com/vb/C:\Documents and Settings\icc\Desktop صورة للقمر ليلأ كاميرا سوني H9+زوووم VCL-DH1774

[kash5000]

http://www.dpreview.com/news/0702/07022705sonyh9h7.asp



الموقع الخاص بكاميرا h9

اللي يبي يعرف أكثر

[سيفين ونخلة]

الف مبروك الكميراء وبصراحة انا ودى اشترى كمرا ومانى عارف الانواع ياليت تنصحنى

[kash5000]

http://i.expansys.com/i/b/b146888.jpg

صورة الزوووووووووووزززم vcl-dh1774

[محمد البازعي]

الف مبروووك على الكامره

والله يعطيك خيره ويكفيك شره


بسئلك انت شاريه من وكالة سوني بـ2069 بس؟؟


لنه واحد قالي انه سئل الوكاله الي بالدمام قاله بـ3000


فما ادري؟؟

وش السالفه

بنتظار ردك على احر من الجمر

دمت بود

[سدير وبس]

ألفففففففففففففففف
مبروووووووووووووووووووووووووووووك

[أبو هليل]

مبروووك

انا معي اتش 5 القديمه

لكن ابداع

[kash5000]

:p :p مهبوووول هييله تحيه

السعر صحيح وحصلتها البارح في البطحا اعتقد اقل من 2000 ريال

وهذا مؤكد........كل شي جديد ينزل يكون غالي وبعدين ينزل سعره ...

ولنا في الجوالات عبره.......... :no2: :j

[kash5000]

صوره للقمر
http://www.mekshat.com/pix/upload/images45/mk38171_dsc00085.jpg

[kash5000]

صوره اخرى للقمر كاميرا H9+ زوووووم

http://www.mekshat.com/pix/upload/images45/mk38171_dsc00092.jpg

http://www.mekshat.com/pix/upload/images45/mk38171_dsc00058.jpg

[الغدير]

اخوي اسمح لي ماضبطت تصويرك للقمر بدون الزوم الزيادة وبالزوم الدجتل اوضح من صورتك
الكاميرا صورها اوضح بكثير بس ماظبطت عندك الاعدادات
شفت في هالموقع صور رائعة للقمر لنفس الكاميرا
http://www.dpreview.com/forums/forum.asp?forum=1009
حاول مرة اخرى بدون الزوم الزيادة
وجرب الكاميرا باوضاع اخرى

[الضاري]

أخي العزيز .. هل أستخدمت التصوير الليلي باستخدام الأشعة تحت الحمراء .. ؟؟

ياليت تفيدنا بخصوص هذه الميزه بارك الله فيك

[الغدير]

أخي العزيز .. هل أستخدمت التصوير الليلي باستخدام الأشعة تحت الحمراء .. ؟؟

ياليت تفيدنا بخصوص هذه الميزه بارك الله فيك
عني انا استخدمت التصوير الليلي عن قرب له فايده اما ابعد من مترين فهو غير عملي بسبب ضعف الاشعة الصادرة من الكاميرا
واعتقد اذا استخدم مصباح قوي من نفس الاشعة ممكن ان يؤدي الى نتيجة مرضية(كان احد الاخوة يستخدمة وهو عبارة عن كشاف مغطى بزجاج احمر غامق جدا حتى انك ماترى الاضاءه الصادرة منه)
وبسبب زيادة الايسو(الحساسية للضوء) في الكاميرا(3200)فانه يعطي نتيجة افضل من الاشعة حتى ان الكاميرا تصور صور في اقل اضاءه واقل من الرؤية البشرية

[الضاري]

أخي الغدير .. تسلم والله يعطيك العافيه على التوضيح

كنت أقراء عن هذه الميزه والآن فهمت ماذا تعني ؟

دمت في أتم صحه وعافيه

تحياتي

[صلهامه]

مبروك اخوى كاش ويطعمك خيرها ويكفيك شرها
انا مثلك عندى من نوع كمرتك السونى اشتريتها من واحد هنا فى المنتدى :D
وابغاك تشوف كيف تصويرها وهذى نماذج من صورها
على فكره احيانا احوس بالوضعيات واخرب فيها :o


حبات زيتون
http://aycu03.webshots.com/image/27082/2003740218040240753_rs.jpg


جذع شجرة زيتون على الساقى
http://aycu31.webshots.com/image/22670/2003712906890179078_rs.jpg


برشومي
http://aycu33.webshots.com/image/25152/2003767245761123470_rs.jpg



يعسوب على سيم حديد :D
http://aycu36.webshots.com/image/26675/2003736335647104991_rs.jpg



قصر طين من آثار منطقة حائل
http://aycu07.webshots.com/image/24566/2003776489875860410_rs.jpg



(( قصر الطين والنخل ))
http://aycu18.webshots.com/image/25297/2003798541527137047_rs.jpg


(( والنخل باسقاتٍ لها طلعٌ نضيد ))
http://aycu09.webshots.com/image/25688/2003698352326760618_rs.jpg

[كحيلان البدراني]

اووووووه
كاميرا مايحتاج ,,, لأنها مثل كاميرتي

صور رائعة خاصة من ناحية الدقة

[التايغر]

الف الف مبروك لك اخوي الغدير

والله يعطيك من خيرها ويكفيك شرها

وان شاء الله نشوف انتاجها الطيب على يدك

وتحياتي لك

[ابو شكاع]

ماشاء الله
صور رائعة بحق
إخواني
هي أفضل أو الكانون s5؟
يعني اللي اعرف إن الكانون 12 بصري ...والسوني فعلا هي 15 بصري ؟
ومشكور

[عبدالله العمرو]

أخوي ألف مبروك الكميرا ربي يوفقك ونشوف إبداعك معها ....
بالمناسبة الكميرا رائعة جداً ومنافسة لأعتى الكميرات الاحترافية لو استطعنا التعامل معها حسب تفكيرها :)

وللإفادة :

عند تركيب أي عدسة إضافية يوجد في ضبط الكميرا ( الخيارات ) من مينيو خيار (( عدسة تحويل )) و يكون على وضع OFF ( إيقاف ) جرّب تشغيله وتجربة الكميرا ... أعتقد ستعطيك نتائج مبهرة أكثر من الأولى للقمر ... وعذراً لعدم تأكدي من ذلك بسبب إني لم أجرب تلك العدسات الاضافية ....

على العموم ألف مبروك مجدّداً وحاول تفهم تفكير كميرتك حتى تصل بها إلى ما تتطلع إليه بإذن الله ....

تمنياتي لك بالتألق ....

أخوك /