تركيب مثبت السرررررررررررعة

[الروض]

ارجو من الاخوة الكرام اهل المعرفة اخبارى عن امكانية تركيب مثبت سرعة فى سيارتى الباترول وعن الاضرار والاخطار المحتملة من ذلك وفى حالة امكانية ذلك من توجد لديه ومن يقوم بتركيبها والاسعار اذا امكن وتقبلوا تحياتى وشكرى

[مكشات]

للرفع
:D

[الفرعاوي]

أو في الباثفايندر ؟؟

[الشيك]

بسم الله الرحمن الرحيم

مساكم الله بالخير يا (( الروض & الفرعاوي ))
والله عندي معلومه ممكن تفيدكم عن فلبيني في ( رياض الخبراء ) >> بالقصيم تراه :D اسمه " فيلب " يركب للسيارات الاتوماتيكيه " بشكل عام " مثبت للسرعه وأقيامه معقوله مابين 400 و 500 ريال .

الوصف :
على كلام اللي وصفوا لي انك تعدا اشارات رياض الخبراء كلها وانت جاي من القرين وراح تجيك السحابين بعدها ,,,,,, بتجيك ورشه أسمها " ورشه النوشان " رح وأسأل عنه وراح يدلونك عليه



أخوكم / الشيـــــــــك

[Y&Y_4X4]

انا ركبته قيل سنتين ونصف وشغال من ابدع ما يكون.

[الروض]

الحقيقة مثبت السرعة ركبته منذ زمن وهو رائع وعملي لكن بصراحة غويلي.


اخوكم الروض.

[راعي عنيزة]

يا مال العافيه يالشيك وصادق كهربائي النوشان مشهور بذي الامور وبعد يذكرون انه يظبط تركيب الريموت كنترول وجهاز منع السرقه
ولو اني اعتقد ان مثل ذي الامور تركيبها بغير المصنع يعتبر تعبث بالسياره ولازم يصير له اثار بعدين :rolleyes:

[الفرعاوي]

الى جميع الاخوان .... مشكورين و ما قصرتوا


... لكن تهقون يركب على قير عادي ؟؟

[الشيخ]

الاخ الفرعاوي
اكيد ما فيه مشكله مع القير العادي
لانه محتاج توصيله بالكلتش والبريك بدل ماهو موصل بالبريك بس
يعني حاله حال البريك لامنك مسكته فصل المثبت
بس لو انك تحصل رقم تلفون الورشة وتتأكد من الفني او تمر عليه وتشوف تلقى الجواب الشافي
واذا ركب معاك ومشى مظبوط علمني تكفة :D

[الروض]

الحقيقة أنا ركبته ومعي أخ آخر كل بسيارته سيارتي باترول قير عادي ورفيقي بيكب ددسن

وماشي معانا قشدة :good: بس عيبه غالي:mad:

وأشكرك اخي الشيك على تجاوبك وعلى نبل أخلاقك ولاتزعل ثانية

أعلم ان الرفق ماكان في شيء إلازانه ولانزع من شيء إلا شانه.

واشكرك لتذكيري بحسن الخلق:D

أخوكم الروض

[Y&Y_4X4]

طيب يأخوان الله يعطيكم العافية

اتركنا من تركيبه الاخوان الي مركبين وين حصلتو الجهاز

اخوي الروض منين شريته انت وخويك.

الله يعطيكم العافيه.

[الشيك]

بسم الله الرحمن الرحيم

مساء الخير للجميع
وشكراً لك اخوي " الشيخ " على مرورك الكريم وماقصرت بالرد ,, والله يجمل حالك :o .

الروض : عادي والله يالروض عزيز وغالي وكلنا تفوتنا أشياء بس عاد وسع صدرك شوووي :rolleyes: .

Y&Y_4X4
والشباب الي يحتسون عن الوصلة الموسيقية ترى ماهيب موضوعنا ودمتم.
شكراً لك فور باي فور >> لو شفتوا تراه يعرف انجليزي :p
وكلامك صحيح مو هذا موضوعنا :good: .

الاجودي : :p لالالالالالالالالا تعليق :p


أخوكم الصغير
الشيــــــــك

[الفرعاوي]

أخوي / الشيك
مشكووووور بس ممكن تسألنا عن رقم الفلبيني ؟

أخوي / الروض

مشكووووور و هل ممكن تعطينا رقم الورشة اللي ركب فيها خويك المثبت على القير العادي ؟

و إذا ما فيها قط :looney: ، تعلمنا السعر ؟؟؟

شاكر للجميع

(الاخ / شيك .... يالله اسألة يرزقني وياك بـحور العين في الجنة تغني لي وياك أحسن أغنية (طبعا كل واحد لحالة :D )

أخوكم الفرعاوي

[الروض]

الاخوة الذين سألوا عن المكان هو في الدمام اسمه صلصال وهو بقرب وكالة نيسان الجبر يبعد عنها غرب على الشارع العام تقريبا 300متر وهو محل للزينة موجود في دكان من دكاكين إحدى المحطات والتلفون
سأبحث عنه إنشاء الله .
السعر والله إنه غويلي لكن!!:D وش السوات محتاج اريح ارجيلاتي والسعر على ماأذكر تقريبا 850
ريال والله أعلم.
الشيشاني شكرا لغضبتك المحمودة وكثر الله من امثالك .

[ابوقاسم]

انا ابي اركب مثبت سرعة مع ريموت كنترول .
ابي هل فيه رقم تليفون ممكن نتصل فيه ونعرف الامكانيه .
الاخ الروض ممكن الاسعار على باثفايندر .مثبت سرعة مع ريموت كنترول للسيارة .
ولا هنتوا يالاجاويد.

[أبرق الضيان]

الورشة أسمها ورشة الفايز و الفلبيني اسمه فيليب ، و أتوقع أنه غير موجود الأيام هذي .
ركب جهاز الحماية ( فظيييييع ) بـ 200 ريال .
على سيارتي الدستن ! أما الجهاز اسمه بروستار و لا يوجد إلا في بريدة و كذلك مثبت السرعة . بس اللي أعرف أن المثبت ما ينضبط على بعض السيارات !
ورقم الفلبيني قريب بس أنه مهوب معي الحين .

[ق ح ص 411]

الأخوان الأعزاء
هذا رقم الفليبني فيليب الأي برياض الخبراء
052134209
وتحياتي لكم ؛؛؛

اخوكم ق ح ص 411

[بـــدر]

وقال سلمكم الله اقدر اركب لسيارتك الباثفايندر بس قال لازم تجيب السوتش الي يركب بدركسيون الاصلي.
ونشالله الاسبوع الجي ابي انهج للقصيم واشوف وارد لكم خبر. بس السعر على كلامه يكلف 850 ريال وسعر السوتش بالوكاله 250 ريال يعني الدعوه ضربه فلوس.

[كاتم اللهب]

بالنسبه لمحل صلصال يوجد له فرع في الرياض وتابع لفرع الدمام

[كاتم اللهب]

يوجد من يقوم بتركيب مثبت السرعة في الرياض وبضمان وهو في محطة المسلم مقابل اسواق السلام للتصالات في السويدي.

1: اسم المحل صلصال 2:السعر 950 ريال 3: صناعة امريكية

[أيمن]

( لقد تم إضافة هذا الموضوع إلى المواضيع المميزة والشيقة في هذه الخيمة (http://www.mekshat.com/vb/showthread.php?s=&threadid=8666) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

[الروض]

أخي أيمن أشكرك لجعل هذا الموضع مميزا جزاك الله خيرا

كما أحب أن أأكد على أن هذا المثبت رائع وعملي بس غالي لأن صلصال محتكره

وقد سألته عن الأقفال التوماتيك لسيارة ربع باترول فقال 450 وتركته ورحت

لشارع الزينة وركبته 320ريال وخليته يقعد هو وقفوله.

أخوكم الروض.:good:

[الفجر]

تركيب مثبت سرعة
يوجد محل في الدمام اسمه صلصال
يركبه ب950 ريال ضمان ثلاثة شهور

المحل كان له فرع في الرياض


الرابط
http://www.salsal1.com/mainpage.htm

رقم الهاتف:- 038348959
الجوال :- 055136928


والله اعلم

[الفجر]

مميزاته

نفس مميزات شد البلد

يوجد بعصى مثل الأمريكي او بالدركسون مثل الياباني او بأزرار

يركب على اغلب انواع السيارات

الباثفيندر

الداتسن

السفاري

لاند كروزر

وغيرها

قير اتماتيك

او عادي

http://www.drrrr.com/vb/showthread.php?s=&threadid=34989&forumid=60


هذا والله اعلم

[القريطيات]

هل يوجد متخصص في الرياض يركب مثبت سرعة وكم السعر

لاندكروزر 2001 gxr

لاني اتصلت على فيليب (رياض الخبراء) وقال يكلف 1150 ريال ضمان 6 شهور

ودمتم

[Y&Y_4X4]

السلام عليكم ورحمة الله

الملاحظ يا شباب ان الأسئلة متكررة والاخوان الله يعطيهم العافية ماقصرو في الرد

وسوف اوجز المطلوب

1- نعم الجهاز عملي جدا وفعال.

2- بالنسبة للسعر الواضح ان الاسعار الوارد ذكرها لا يوجد ارخص من ذلك وتراها يأخوان معقولة جدا.

3- من ناحية الآمان بأذن الله مأمون جدا لأنه من طريقة تركيبه وعمله لايمكن ان المثبت يشتغل الا اذا صارت جميع اسلاكه في محلها سلك سلك ( مثال, الجهاز يفصل عند ضغط دواسة الفرامل نلاحظ ان فيه سلكين مشبوكة مع اسلاك الفرامل لو ينقطع اي واحد منها بالصدفة الجهاز ما رايح يشبك اصلا ) .

4- الي يبي الجهاز يتوكل على الله ويروح يركب وما رايح يندم بأذن الله.

ودمتم سالمين ,,,,,,,,,,,,,,

[الفجر]

لمن يريد المزيد يحدد
المعلومة التي يريدها وان شاء الله نعطيه الشيىء الذي يبرد الكبد

والله المستعان

[بـــدر]

حبيت اعرف فيه تركيب في مدينة الرياض ، ولا لازم في رياض الخبرا زي ما وصفو لي الشباب.

[الفجر]

حبيت اعرف فيه تركيب في مدينة الرياض ، ولا لازم في رياض الخبرا زي ما وصفو لي الشباب


بالنسبة للرياض لااعرف

ومثل ما قلت صلصال كان له محل في الرياض

سألت صاحب المحل (صلصال)


قال انه بيفتح في موقع ثاني في الرياض بس الى هالحين ما فتح

انا قلت عن محل الدمام اللي عند وكالة نيسان حسب المشاركة السابقة


تركيب مثبت سرعة
يوجد محل في الدمام اسمه صلصال
يركبه ب950 ريال ضمان ثلاثة شهور

المحل كان له فرع في الرياض


الرابط

http://www.salsal1.com/mainpage.htm



رقم الهاتف:- 038348959
الجوال :-055136928


والله اعلم

[أبو ناصر]

السلام عليكم ورحمة الله وبركاته
بالنسبة لموضوع مثبت السرعة ، سمعت عن محل الصلصال وأنه محتكر لمثبت السرعة ، عندي إقتراح ولا أدري هل هو صحيح أو لا :-
جميع شركات السيارات مثل : تويوتا ونيسان وGMC … يوجد عندهم مثبت سرعة يمكن يكون أرخص من محل الصلصال .
س / هل أحد جرب هذه الفكرة وراح يشتري من عندهم وركبه وضبط معه ؟

تحياتي
أخوكم أبو ناصر
سبحان الله وبحمده سبحان الله العظيم :)

[الفجر]

السلام عليكم

مثبت السرعة عند نيسان ب8000 ريال


وعند صلصال ب950 ريال


وعلى فكرة ترى وكالة هوندا تأخذ منه


والسلام عليكم

[Y&Y_4X4]

أخوي العصر

معليش كبرتك شوي والكبير الله سبحانه.

اخي الكريم يبدو انك تملك او تشتغل في صلصال

صلصال

صلصال

سويت له دعاية ومجانية بعد؟

وش دخل هوندا في الموضوع؟؟

عادي مافية شي,,,,,,,,,

[الفجر]

اخوي x8x8

انا ارد على الشباب


وانظر جيدا للردود السابقة

[أبو ناصر]

السلام عليكم ورحمة الله وبركاته
بالنسبة لمثبت السرعة حق محل الصلصال ( للقير العادي ) إذا كنت مثبت السرعة على 120 أو 140 وجتني طلعة الزدية ( القدية ) هل السيارة تثبت على السرعة المثبتة أثناء الصعود أو تنقص شوي .

:p :o :p

[ابودلـــــــه]

وللمعلمومية في ابوظبي وبالصناعية حقتهم ورش كثيرة تركب مثبت سرعه وباسعار تنافسيه بينهم ومع الضمان

[الحاتمي]

السلام عليكم ورحمة الله وبركاته
الاخوه الاعزاء تصحيح لما ذكر اخونا الشيك الورشه اللي فيها العفريت فيليب الفلبيني هي ورشة الفايز...
وفيليب هذا لاتعداه بشغل الكهربا وسبق اني تعاملت معه اكثر من مره ماشفت مثله بالذكاء والمعرفه بالسيارات.
ولا اذكر اني مريته بالمحل وماشفت عنده بي ام دبل يو او مرسدس او لكزس...... الجني معروض عليه من وكاله سيارات انه يشتغل عندهم براتب 15000 ولا وافق؟؟؟؟؟؟
وبعدين وصفك اخوي الشيك تقول وانت جاي من القرين تتعدى اشارات رياض الخبراء؟؟ هي اشاره وحده ودايم فلشر!!
بس اللي يبي يروح لفليب الله يعينه لازم يرخي الريال..
ويبشر بالشغل اللي مايشتغله لك ولا احسن مهندس بالوكاله....
الحااااااااااااااتمي

[Y&Y_4X4]

عز الله ان شغلة اطلق من الوكالة بكثير !

والملعون شغل نظيف ومرتب وكل شي يسوية !!!!!

بس انه غالي بالحيل , بس تبي الصدق يستاهل الحمار , وترى الشخص الثاني الي يشتغل معه يصير اخوه التوأم تصدق.

[صيهد]

Originally posted by أبو ناصر
السلام عليكم ورحمة الله وبركاته
بالنسبة لمثبت السرعة حق محل الصلصال ( للقير العادي ) إذا كنت مثبت السرعة على 120 أو 140 وجتني طلعة الزدية ( القدية ) هل السيارة تثبت على السرعة المثبتة أثناء الصعود أو تنقص شوي .

:p :o :p

الموضوع ممتاز لاكن لدي كم سؤال
بعد هذه المده الطويلة هل احد وجد محل في الرياض يركب المثبت
وسؤال ابو ناصر مهم هل يستطيع احد الاجابه
وشكرا

[صيهد]

وينكم يا شباب
يمكن اروح للشرقية الاسبوع القادم هل احد ينصح اني اركبه في سيارتي والقير عادي.

تكفون احد يرد ياشباب.

[alferis]

السلام عليكم ورحمة الله وبركاته
اخوي ابو دلة ارجوا منك ان كان لديك ارقم للورش التي في ابو ظبي وضعها لكي نستفسر عن اسعارهم .
وان كان احد اعضاء المنتدي موجود هناك او عنده نيت روحة فنرجو ان يسأل عن اسعارها .
ولكم تحياتي

[ددس]

أنا معي سألت وكالة نيسان عن تركيب المثبت كامل
قالوا بـ 4000 ريال

بعدها سألتهم عن الريموت قلت أبغى للسيارة ريموت قالو كود طلبية قلت المهم بكم
قالوا بـ 6000
بعدها صقيت السماعة بوجه وشفت مخباتي هو طار منه فلوس ولا لا

[ابن الوادي]

اخواني هذه اول مشاركة , ولكني متابع لمواضيعكم ويعطيكم العافية ..
اما بالنسبة للريموت كنترول . فأنا سيارتي باثفايندر ( 2003 )
وركبت الريموت احسن من حق الوكالة لأن ريموت الوكالة يفتقد الشكل
يعني شكله غير مقبول
واما اللي انا ركبت فهو قريب من ريموت الفي اكس ار .
و بالنسبة لمثبت السرعة فهو كما قالو الأخوان برياض الخبراء عند الفبيني ..
وسلامتكم واسف على تأخر الرد .
ملاحظة / طريقة تركيب الريموت تحتاج واحد فنان والا لن تشتغل السيارة لوجود جهاز منع السرقة .

[ق ح ص 411]

السلام عليكم ورحمة الله وبركاته
الأخوان الأعزاء هذا رقم الفلبيني الأي برياض الخبراء والأي يبغناء نتوسط له يأمر أمر

الرقم 052134209
والسلام عليكم السلام ورحمة الله وبركاته

[ابو دانة]

السلام عليكم ورحمة الله وبركاته
ولله مع حق مثبت السرعه جيد جداً وممتاز وسوف اتابع المواضيع التي لديك والردود كي اتوصل الى الحل وشكراً ابو دانة :good:

[ابو عبودي]

رقم جوال الفلبيني المشهور في ورشة الفايز في السحابين 052134240
وشكراً

[عبودكم]

عندي جكس ار تماتيك
تعرفون محل في جدة يركب مثبت وشكرا
(انا راعي خطوط طويلة والله اني أحياناً احط عصا للتثبيت السرعة )
تكفون دلوني

[Y&Y_4X4]

لا يوجد غير الي ذكر اعلاه فلبيني ورشة الفايز؟؟؟؟؟؟؟؟؟؟؟؟؟؟؟؟؟؟؟؟

[abbasali]

السلام عليكم ورحمة الله وبركاته...وبعد

تحياتي الى كل اعضاء المنتدى و اتمنى ان يسعكم وجودي معكم وهذه اول مشاركه لي


يااخوان توني اشتريت جي اكس ار فل كامل واريد ان اركب مثبت سرعه فهل ممكن تدلوني على مكان في الرياض يركبه مع الاسعار وايضا التلبيسه و الارضيه والشبك وين القى احسن مركب لها واحسن انواعها






اللهم غلبتني شقوتي ونفسي الامارة بالسوء ولكن مغفرتك ياغفار اوسع من ذنوبي ورحمتك ياارحم الراحمين ارجى عندي من عملي اللهم اغفرلي وارحمني ولوالدي ولجميع المسلمين

[مناسب]

فيه جهاز للتشغيل والتحمية الصباحية احد عنده علم وين احصلها بالشرقية

تحياتي

[أسامه]

انا سمعت عن فيلب كثير الي بالقصيم

[ابومهند]

انا ركبت مثبت سرعة لبرادو 99 في الشرقية عند محل صلصال في الدمام طريق الملك سعود بجوار وكالة نيسان في محطة التسهيلات ولهم موقع في الانترنت بس مضيعه.
ولي الان ثلاثة شهور وبصراحة ماشاء الله ما يشتكي .
وفيه موضوع بالمنتدى فيه كل التفاصيل بالصور ارجو البحث عنه
وبالتوفيق

[خالد 3000]

ابشرو برقمه 0501907090 والافضل ان تتصل عليه قبل كل شي لانه يمكن يوصيك على قطع من الوكاله ان بغيت
والا هو يقدر يرهم ازرار من عنده
:D :) :D :) :D :) :D :)
وبشر بأحداثيته وتستاهل كل خير
n26 03 216
e043 36 560
[ولا تنسو ان تدعوه للا سلام بالتي هي احسن

[الباثفيندر]

انا ركبته للباثفيندر عند فلبيني بالخبراء اسمه فيليب
تجيب بس القطة السوداء الي بالطارة وهي ب 200 بالوكالة والباقي هو يصلحه ب 1200 مع الشغل
يعني كله ب 1400

[نيتروجين xp]

السلام عليكم ورحمة الله وبركاته :

الصراحة حماس الشباب مع الموضوع خلاني أكتب رد


ومثل ما قالوا الشباب غير الفلبيني الي بالسحابين بورشة الفايز وهي على الخط العام يمين وانت متجه( شرق )للخبراء
ومعروف الفلبيني هذا بشغله النظيف تقووول وكالة


ولو تشوف بس السيارات الي توقف عنده تثق فيه بزياده


B M W

مرسيدس

لكزس

جيوب لكزس

وأنواااع السيارات


بس يبي لك تطلع فلوسك شوي ولا الشغل تمام التمام

وكثير من الي أعرفهم ركبوا عنده وما شاء الله الى الحين شغاال 100%

ويعطيك ضماان بعد



أخيراً تقبلوا تحياتي . ..



أخوكم::::المجـــتــــهــــــــــــد .

[خالد 3000]

رقم الفلبيني 0501907090

وهذي احداثيت محله في رياض الخبرى
n26 03 216
e043 36 560

والواجب علينا كمسلمين دعوته للاسلام

[خالد 3000]

ابشرو برقمه 0501907090 والافضل ان تتصل عليه قبل كل شي لانه يمكن يوصيك على قطع من الوكاله ان بغيت
والا هو يقدر يرهم ازرار من عنده
:D :) :D :) :D :) :D :)
وبشر بأحداثيته وتستاهل كل خير
n26 03 216
e043 36 560
[ولا تنسو ان تدعوه للا سلام بالتي هي احسن

[فلاجكو]

يوجد محل بالشرقيه اسمه صلصال ورقم الجوال 0505136928 وسلامتكم ........

[paris_najd22]

السلام عليكم ورحمة الله وبركاته...وبعد

تحياتي الى كل اعضاء المنتدى و اتمنى ان يسعكم وجودي معكم وهذه اول مشاركه لي


يااخوان توني اشتريت جي اكس ار فل كامل واريد ان اركب مثبت سرعه فهل ممكن تدلوني على مكان في الرياض يركبه مع الاسعار وايضا التلبيسه و الارضيه والشبك وين القى احسن مركب لها واحسن انواعها






اللهم غلبتني شقوتي ونفسي الامارة بالسوء ولكن مغفرتك ياغفار اوسع من ذنوبي ورحمتك ياارحم الراحمين ارجى عندي من عملي اللهم اغفرلي وارحمني ولوالدي ولجميع المسلمين


بالنسبة بالرياض مالقيت شي زين بس أنا اركبته من فترة بما إني راعي خطوط رحت لرياض الخبراء متعني علشان المثبت... وبالنسبة للتلبيسة عند الأسماعيل بالغرابي إذا دخلت شارع الغرابي العام شفه ثاني واحد على اليسار يجون إثنين جنب بعض وبينهم محل الثاني فيد واحد إسمه منذر... أما بالنسبة للشبوك شف عند العليان اللي بخريص عنهم كلش... وإذا ركبت الله يعوضك خير

[azd]

السلام عليكم

مشكورين يالربع على الموضوع والصراحة بسال الفلبينى بس يركب ولاعندة كل التجهيزات ( يعنى اذا رحة لة ما اجيب معى اى سئ ) يعنى السعر مع الاغراض

وسيارتئ التيما اتماتيك2006

ولكم جزيل الشكر

[RUMAIHA]

الى جميع الاعضاء

السلام عليكم ورحمة الله وبركاته
اريد ورشه مضمونه تركيب مثبت السرعه عنوانه ورقم الهاتف
لان سيارتي لا يوجد مثبت

جزاكم الله الـــــــــف الخير

[ابوفريح]

اليوم العصر كلمت اخوالمهندس فليب في القصيم (رياض الخبراء )على



هالرقم 0501907090 وقال ان فليب مسافر وبيرجع بعد شهر



وكنت حاب اركب مثبت للهوندا وقال مانرك الا للنيسان او التويوتا او



المتشوبيشي ولنيسان ب 1350 اذا مثل الوكالة او 1200



اذا زرار اسود ويشتغل فيه يوم كامل



ارجو ان اكون افدت اخواني

[azd]

السلام عليكم

انا ذهبت الى ورشة صلصال فى الدمام وقالى لى سيارة التيما لايركب عليها مثبت السرعة

[هاوي الله]

فيه شخص قابلته عند مغسلة سيارات يقول إنه مركب مثبت سرعه لسيارة والده GXR 2005 عند البازعي في الرياض بسعر 2500 ريال . نفس VXR بالضبط . أيضاً المؤشر الضوئي الأخضر اللي في الطبلون شغال .

[سلطان العوني]

ما قصرو الاخوان

[مشار حايل]

لا يفوتكم


رحت للشرقية يوم إجازة أبومتعب الله يطول بعمره الثلاثاء والأربعاء الخاصة بالقمة العربية

ودار بيني وبين أنسابي حديث حول مثبت السرعة يوم الثلاثاء بالليل وقال عند محل اسمه صلصال بالدمام وكان معه اللاب توب حقه ودخل النت وأعطاني رقم جواله اللي ذكروه الشباب في التعليقات السابقة وانه في حي اسمه العمامرة في محطة التسهيلات

صباح الأربعاء حركت من الخبر للدمام باحثاً عن صلصال وأول ما دخلت الدمام سألت عن حي العمامرة ، يوم وصلت سألت عن محطة التسهيلات فما وجدتها ، اتصلت برقم الجوال اللي أعطاني نسيبي طلع الرقم خطأ ، المهم إليكم المعلومات الصحيحة والموثّقة اللي تجمد على الشارب

اسم المحل صلصال

حي العمامرة بالدمام طريق الملك سعود


اسم المحطة تغير من التسهيلات إلى السعودية


رقم الجوال الصحيح 0558555468

تم رفع السعر 40 ريال ليصبح السعر الجديد 990 ريال

الضمان ثلاثة أشهر

العامل اللي يركب الجهاز هندي ( جيّد ) وشغله مرتب ونظيف ويطلع معك على طريق الكورنيش ويخليك تجرب الجهاز ويعلمك طريقته بنفس زينة ،، بس انتبه للأسلاك اللي بيجمعها عند دواسة الكلتش لا تصير ظاهرة وتضايق رجلك الشمال .

قابلت صاحب المحل اسمه/ محمد العبداللطيف - أبو سعد
شخص لطيف ومبتسم ،، وأفاد بأنه سوف يفتح محل في الرياض فقط لتركيب الأجهزة وليس أدوات زينة مثل محله اللي بالدمام .

مرئياتي حول الجهاز :

أنا سيارتي لاند كروزر جي إكس آر قير عادي ،، من طلعت من الدمام متجه لشقتي بالخبر وأنا مثبت السرعة وإلى يومكم وأنا مثبت السرعة :p

بصراحة روووووووعة وياحسافة عمر(ن) مضى على هالخطوط ،، الآن صار لي شهر مركبه ممتااااز مرررة وأنصح به .

ملاحظة هامة ::

أرجو ما يطلع لي واحد ويقول انت لك مصلحة وتسوي دعاية لهم ويبدأ يشتغل في النيات ،، أو يقول بكم سعره أو وين محلهم فيه ;) :p

على فكرة فيه واحد من شباب الدمام من القهر كاتب بخط كبير على قزازة موتره الخلفية :

الإجازة للشيوخ والدراسة للدلوخ :)

[باثفندر]

http://www.mekshat.com/pix/upload/sign/images/mk41765.gif



الشيك تقصد فلب اللي على طريق المدينه اللي له اخو توأم

هو حي ؟؟؟؟

[وشم جدة]

مساء الخير
انا عندي نيسان ماكسيماء قير عادي ومن جدة اقدر اركب مثبت السرعه وين في جدة؟؟؟؟؟؟

[مشار حايل]

ياراعي جدة ،، كأني قرأت في أحد الردود السابقة من أحد الأعضاء ان الماكسيما ما يركب لها مثبت ،، تأكد

[al-wid]

الله يعافيكم ويجزاكم خير
ولكن هل يوجد احد يركب في الرياض وهل فيه احد ركبه من محل بالرياض ؟؟؟

[الاستاد]

امس ركبت مثبت عند فليب بتاريخ 11/6
السيارة gxrقير عادي
القيمة 1550 ريال
شغل مظبوط تقول شد بلد ما شاء الله
وفق الله الجميع

[خلفهم]

ياجماعه

سعر راعي الشرقيه كم


وسعر راعي رياض الخبراء كم


الموتر باثفندر

[الوافي888]

السلام عليكم
هذا رقم صاحب الورشة
0501907090

[ابوعزيزm]

وش ردكم يا أخوان على أخونا أبو ناصر


السلام عليكم ورحمة الله وبركاته
بالنسبة لمثبت السرعة حق محل الصلصال ( للقير العادي ) إذا كنت مثبت السرعة على 120 أو 140 وجتني طلعة الزدية ( القدية ) هل السيارة تثبت على السرعة المثبتة أثناء الصعود أو تنقص شوي .


كلام في محلة ... وين الجواب عليه ؟

[كويس]

http://www.q6r.com/up/uploads/b57550b6b6.gif

[خبت قوس]

للي ناوي يركب مثبت السرعة ولكن بجدة هل من علم ؟
علما أن السيارة باترول قير عايدي

[المرحوم]

ياجماعة الربع
انا اتصلت بالمهندس فليب برياض الخبراء وسالته ن تركيب الجهاز بسيارتي باثفايندر موديل 2004 وتوماتيك قال لي جيب العصاء التي بالدركسون من الوكاله وانا اركبها ب 1300 ريال وقلت كم قيمة اليد قال ب200 ريال

[الشاص عز لهله]

انا ابركب على الافجي

[سوبر VTC]

العصا اللي بالدركسون مثل حق الكزس و الكامري و الجيب و سعره بالتشاليح ب50 ريال
و المثبت حق كابرس م 91 و طالع
سعره ب250 ريال بالتشاليح
احد الربع مركب عصا المثبت حق الكزس فوق الجلنط :d
حق الشيروكي
و حاط لمبة بداخل الطبلون لتدل على ان المثبت شغل
يعني يثبت السرعة و هو مرتكي :d
تحياتي

[ابو وافي 444]

ياجماعة الربع
انا اتصلت بالمهندس فليب برياض الخبراء وسالته ن تركيب الجهاز بسيارتي باثفايندر موديل 2004 وتوماتيك قال لي جيب العصاء التي بالدركسون من الوكاله وانا اركبها ب 1300 ريال وقلت كم قيمة اليد قال ب200 ريال


(( 1.500 ريال )) يا فيليب خاااف ربك؟ :d مذكور انك مركبها عام 2003 ب 400 ريال
وش اللي صار؟ ولا طرت مع العجه وطيروك المكشاتيه؟؟؟ بصراحه هذا جشع والرجل خذ فوق حجمه... لحد يقول لي ان شغله تمام... طيب انا معك بس السعوديه مليانه ناس حريفه
ليش كل العالم ما تروح الا له لين شاف في نفسه شوفه ودبل أسعاره 200 بالميه ؟
خل نطلع له بديل حتى يصير تنافس وبالاخر حنا المستفيدين...
ولا انا غلطان؟

[سوبر VTC]

(( 1.500 ريال )) يا فيليب خاااف ربك؟ :d مذكور انك مركبها عام 2003 ب 400 ريال
وش اللي صار؟ ولا طرت مع العجه وطيروك المكشاتيه؟؟؟ بصراحه هذا جشع والرجل خذ فوق حجمه... لحد يقول لي ان شغله تمام... طيب انا معك بس السعوديه مليانه ناس حريفه
ليش كل العالم ما تروح الا له لين شاف في نفسه شوفه ودبل أسعاره 200 بالميه ؟
خل نطلع له بديل حتى يصير تنافس وبالاخر حنا المستفيدين...
ولا انا غلطان؟

يارجال تاكيد لكلامك انا ركبت عنده مثبت لكورولا 2002 على وقت 2003 شغل يد ب400ريال
و القطع علي انا عصا مثبت و مثبت الكابرس ب250او 300ريال
وبعده جبتله كامري 2001 و 2006 و اخرته ب850
طماع بمعنى الكلمه :mad:
علما اني ركبت مثبت كابرس لشيروكي بمساعدة احد الزملاء
تحياتي

[P A J E R O]

مساكم الله بالخير يا (( الروض & الفرعاوي ))
والله عندي معلومه ممكن تفيدكم عن فلبيني في ( رياض الخبراء ) >> بالقصيم تراه :D اسمه " فيلب " يركب للسيارات الاتوماتيكيه " بشكل عام " مثبت للسرعه وأقيامه معقوله مابين 400 و 500 ريال .[/ALIGN]


على كلام اللي وصفوا لي انك تعدا اشارات رياض الخبراء كلها وانت جاي من القرين وراح تجيك السحابين بعدها ,,,,,, بتجيك ورشه أسمها " ورشه النوشان " رح وأسأل عنه وراح يدلونك عليه [/ALIGN]



أخوكم / الشيـــــــــك
[/QUOTE]
كلام صحيح 100% وحتلى أنه يركب للعادي والفلبيني مزبوط بس أنه يضرب بالسعر لكن يستاهل

ملاحظه ( تراه شايف نفسه وما راح يعطيك وجه لأنه ضامن زباين )

وتقبل مروري

[ابوصالح77]

ياليت بعض الأخوان اللي عنده خبرة بتركيب المثبت يشرح لنا بالصور ويأخذ أجرنا

[احساس الصمت]

انا مركب مثبت سرعه عند فلب برياض الخبراء قبل خمس سنوات
والحمدلله ماشي معي زي الحلاوه صحيح شغله غالي
لكن والله ماتندم على شغله
(فيه ناس واجد شافوه معي وماصدقوا يقولون انك مركبه بالوكاله)
الفلبيني هذا نادر وشغله نظيف الى ابعد الحدود
توكل على الله وركب وماراح تندم عليه ابد

[saalh123]

يالربع ابقولكم قصتي مع فيليب
رحت له بموتري فورد اف 150 صورته بالتوقيع
وحطيت الموتر عنده الساعة 10 صباحا عشان يركب مثبت السرعه
وقمت امره كل ساعه اشوف خلص والا لا الين جت الساعة 6 المغرب
وعجز يضبط معه والكلام هذا بعد ما فك كل شي وبالاخير قال لي ابجيب لك طارة واكلمك وشفتكم ولا شفته
وسلامت الجميع

[راعي الصطحه]

بالتوفيق اخوي اذا مو من الوكاله يمكن فيه اضرااار

[alkamali]

تركيب مثبت سرعة في الكويت و تحكم دركسون وجير f1 و كاميرا اصلية على شاشة الوكالة لسيارات تويوتا وكيا وهايونداي ومازدا وشفر وجمس وفورد بقطع اصلية بدون ترهيم وبدون اي مخاطر للتواصل واتس او اتصال 0096555512123