إستفسار لأصحاب القوارب بمكشات ؟

[أحمد المكاوي]

السلام عليكم ورحمة الله وبركاته


أحببت أن أستفسر من أصحاب القوارب بالمنتدى
النوع : رويال كرافت + حمام
المكاين : سوزوكي 2 ستورك75 عدد : 2
الطول : 8.5
العرض : 2.5
المطلوب : 30 ألف ريال ( قارب مستعمل )


هل سعر القارب مناسب ؟


http://www.9m.com/upload/20-08-2007/0.14119011875471.jpg
قارب رويال كرافت 8.5 متر و العرض 2متر


http://www.9m.com/upload/20-08-2007/0.852011875473.jpg
القارب من الداخل


http://www.9m.com/upload/20-08-2007/0.82496011875474.jpg
منصة القيادة + حمام


http://www.9m.com/upload/20-08-2007/0.3796601187547528.jpg
جلسة خلفية + غطاء للمحركات

[sas2999]

30 الف كثيره والبوت يبغاله شغل يعني فوق ال 30 احتمال 15 يعني كده وصل سعره 45 انا لقيت بوت ب 30 على قولهم دق سلف وامشي ولقيت ب 25 الف والمكاين ياماها وانت تعرف يعني ايه ياماها احمد فكر وقبل اي شي استخير وان شالله ان كان لك فيه خير ييسره لك واذا كان فيه شر يبعده عنك امين يارب العالمين

[مصيول]

أذا المكاين نظاف
هذا سعره تقريبا بس خذ في بالك السوزوكي مو مرغوبه مثل اليامها

وأحد من أصحابنا باع لنش بركودا مكاين 2 150 ياماها

وأحده موظبها جديد باعه ب 35 الف

يعني السعر معقوووول بشرط تكون المكاين نظاف جدا

والله يوفقنا وأياك لكل خير ..


أخوي أحمد : المكان هذا اللي أنت مصور اللنش فيه مانلاقي عندهم لنش 7 متر مكينه واحده ؟؟؟

[أحمد المكاوي]

sas2999
شاكر لك على مرورك الكريم وإن شاء الله نهاية الأسبوع حنزلك جدة عشان نتفرج على الأبوات اللي بتقلي عليه أوكي .

مصيول
والله بالنسبة للمكاين بعد ما جربناه طلعت نظيفة بالمره ومافيها شئ بس المشكلة إنو سوزوكي 2 ستورك وقطع غيارها بدأت تختفي فجأة في محلات قطع الغيار سوزوكي

بالنسبة لطلبك للنش أبو 7 متر موجود في الشعيبه المفتوحه راسلني على الخاص إذا حبيت تتفاهم مع صاحب البوت .

[jwan]

والله يا صاحبي اعتقد مغلي سعره شوي ولا تنسى المكاين وعلى فكرة ممكن يكون البوت مدهوك من تحت يعني افحصه على الملي ههههه ولا تنسى تكاسر بلسعر يعني 26 24 طيب اعتقد وايضا لا تنسى التشطيبات الازمة بعد ما تشتريه وزي ما قلت لاخوي قبل شوي انزل جدة وزور الاحواش الي هناك بأبحر عسى انك تشوف شئ لفضل وارخص واذا حصلت اسعار حلوة لأبوات لاتنسى تديني خبر لأن عندي صديق بعد يبغى واحد ويكون سعره مناسب وما في مشكلة للمكاين وفقك الله وانار دربك يا صديقي

[( ابو تركي )]

أخوي أحمد المكاوي
أنا مع أخوي عماد لازم تتمهل لأن سعر القارب غالي والمفروض ما يتعدى 18000 ألف بدون مكائن ولا تنسى ان القارب راح يكلفك صيانة 500 ريال تقريباً
وبالتوفيق

منيفه

[الغبوق]

أخوي إذا المكاين نظيفه بالكثير 25000 ومكاين السوزوكي ماأنصح بها وأنصحك تأخذ معك خبير أبوات يراه على الطبيعة فالرؤية على الطبيعة أفضل بكثير من الصور ويعطيك رأيه فلا تتعجل

[غريب حبيب]

القارب أعرفه وفاحصه بالنسبة للمحيا أظن إنه مقفل
الحمام منزوع ومقفل ياحلو
المكاين مدهوكة وإن كان صاحبها موضب وحدة منها توه وخسران فيها
العرض مهو مترين 2,3 تقريبا
الحوض اللي في النص لأدوات الغوص يعني ينفعلك لكنه يمنعك من الصلاة في وسط البوت إذا كثر العدد
البوت يبغاله أقل شيء ألف ريال نقعة ورفع وقول 2000 صيانة

صاحب البوت نشمي جدا جدا وحبيب والشهادة لله الجلسة معاه ودك ما تنتهي
سومتي



طوط طوط طوط

[موكيش]

السلام عليكم ورحمة الله وبركاته

مساء الخير جميعا

بالنسبه اخوي احمد للقارب سعره ماعرف هل هو غالي او لا

بس ياليت تتأكد من المكائن انا احس انها صغيره مرة بالنسبه لحجم الطراد

لان القارب مثل ماشفت في الصوره مليان ماشاء الله معدات

بيكون حمل كبير على المكائن وبالحاله هذي عمرها راح يكون قصير

اخوك

ابو وليد

[الموج الهادي]

السلام عليكم ،،،

الاحظ أن موديل الطراد (القرف) قديم ومكائن السوزوكي مثل ما قالو الأخوان قطع غيارها تنقطع من السوق وغالية والمشكلة أن ماتلقى لها قطع غيار مستعملة لأن بعض القطع جديدة تكون غالية مثل السرندل والعمود أو رأس مكينة لو احتجت توضيب في المستقبل

أنصحك بمكائن يماها متوفرة قطع غيارها المستخدم في كل ومكان والكل يعرف يصلحها
حتى لو قلت باستخدم المكائن استخدام حشمة هذا بحر وياكل لابد يطلب عليك بعدين

وبالنسبة لسعره اذا نويت تشتري أتوقع 16000 ريال حقه اذا كانت المكائن ناعمة ودفعها للماء حلو ولا فيها رجة اذا هي شغالة وأنتبه لصوت بحة البيرنق لازم واحد خبير عشان يميز الصوت

[أحمد المكاوي]

مشكورين مجمل على كل ما شارك بالرد
وكلامكم يا جماعة الخير حاخذه بعين الإعتبار

[FISHERMAN]

مرسي الاندلس يوجد بة عروض افضل بكثير من صورك