al-ganas
20/08/2007, 03:18 AM
آبائي إخواني أعضاء هذا المنتدى المبارك هذه هي المشاركة الأولى لي في هذا المنتدى فأرجو ألا تؤاخذونا على الأخطاء والزلل.
نعود إلى موضعنا الأساسي
كنا معزومين عند واحد من الصقارين الشيبان وطبعاً كان الموضوع يدور حول الطيور وافعالها وش الزين من الشين....... إلخ.
فقال الشايب ياعيالي لايغركم الشكل ولا النوع الطيور مثل الرجال فيه رجال جسمه زين وهو رخمه وبه رجال جسمه ضعيف وشجاع يقول طلعنا قانصين وكان معي حرتام أشقر مافيه هرجه وكان معي شيهانة صغيرة جتني في ظهر بيعة قبل ما نطلع بسبوع ولا جربت هدادها وكنت متردد أخذها ماخذها قلت ياولد خل آخذها منيب خسران شي يقول المهم مشينا وصلنا للمكان الي نبيه يقول بدينا ندور الأثر ونقصه إلين طحنا في ذاك الخرب الي مابعد شافت عيني كبره يقول وهد الحر يقول وراه وراه يمين يسار يوم شفت ان مافيه حيله وانزل الطير(الحر) يقول قالي خوي جرب هد الشيهانه يقول قلت شورك وهداية الله إن صادت عزيتها وان ماصادت أطلقناها يقول وهدها يوم اني هديتها وتخلي الخرب على يسرها وهي وراه ثم ترتفع ترتفع لين يالله إنك تشوفها ثم تجيك محوله وتخبط الخرب مع حد الرقبه من الظهر إلين الخرب في محله وعقب فعلتها ذي وانا عزها إلين ماتت بعدما كنت أعطيها الباقي من علف الطيور من حقراني لها.
نعود إلى موضعنا الأساسي
كنا معزومين عند واحد من الصقارين الشيبان وطبعاً كان الموضوع يدور حول الطيور وافعالها وش الزين من الشين....... إلخ.
فقال الشايب ياعيالي لايغركم الشكل ولا النوع الطيور مثل الرجال فيه رجال جسمه زين وهو رخمه وبه رجال جسمه ضعيف وشجاع يقول طلعنا قانصين وكان معي حرتام أشقر مافيه هرجه وكان معي شيهانة صغيرة جتني في ظهر بيعة قبل ما نطلع بسبوع ولا جربت هدادها وكنت متردد أخذها ماخذها قلت ياولد خل آخذها منيب خسران شي يقول المهم مشينا وصلنا للمكان الي نبيه يقول بدينا ندور الأثر ونقصه إلين طحنا في ذاك الخرب الي مابعد شافت عيني كبره يقول وهد الحر يقول وراه وراه يمين يسار يوم شفت ان مافيه حيله وانزل الطير(الحر) يقول قالي خوي جرب هد الشيهانه يقول قلت شورك وهداية الله إن صادت عزيتها وان ماصادت أطلقناها يقول وهدها يوم اني هديتها وتخلي الخرب على يسرها وهي وراه ثم ترتفع ترتفع لين يالله إنك تشوفها ثم تجيك محوله وتخبط الخرب مع حد الرقبه من الظهر إلين الخرب في محله وعقب فعلتها ذي وانا عزها إلين ماتت بعدما كنت أعطيها الباقي من علف الطيور من حقراني لها.