من عندة الجواب اشتريت صالون

[الششهري]

اشتريت صالون موديل 94 vxr فل كامل
حلف صاحبة إنة السيارة مخزنة ماشي 174 الف
وفي الفحص ماشي 574 ألف مأكتشفتة الابعدين

وكل يوم أنا والسيارة في الصناعية وأخرتها خبطت المكينة
فما الحل
هل أشتكية أم ماذا أفعل وقل حسبي الله ونعم الوكيل علية

علما أن السيارة مالها الاشهر معي

[بدوي جنوبي]

الله يعوضك خير يا الطيب

لكن سؤالي كيف عرفت انها ماشية 574

تحياتي

[الششهري]

ورقة الفحص

[إبن فيصل]

الله يخلف عليك ويعوضك خير ويرزقك خير منها وحسبي الله ونعم الوكيل في الي يغش وما يخاف ربه

[راحة باال]

لا حول ولا قوة إلا بالله عوضك الله خير وأسأل الله أن يقتص لك ممن ظلمك ...
ما أدري أخوي الششهري لكن أتوقع إنك شاري موترك من شريطي والظاهر إنهم ....ولا تصدق أي واحد منهم مهما أبدا لك من صلاح لكن تدري وين تشتكي إشتكه عن الي ما يضيع حق عنده سبحانه رب العزه والجلال .

[أ.الخزاعي]

روح عند شيخ الحراج واشتكيه تراها مجربة

[البيـرق]

الله لايهنيه بالدراهم......ويعينك على ما ابتلاك.....لاتترك حقك دوره فالمعارض الى ان تلقاه......

صار لي نفس الشي قبل 7 شهور شريت باترول...2002

ويحلف بالله انه مافيه الا رفرف...والمشكلة رجال كبير.....

واخرتها طلع الموتر مليان رش.....

الصدام والكبوت...والرفرف قدام وورا وبابين يمين...الخ

وهذا غير الخرابات صلحته ب7000 وماقعد معي الا شهرين كرهته وبعته .....والحمدلله على كل حال.....

[شبح الصحراء]

الشريطية أكبر حرامية لا تخلي حقك رح اشتكه عند شيخ المعارض وشهر باسمه في المنتديات علشان الناس تحذر منه ومن كذبه .

[برنو بيشة]

الله يعوضك خير يأبن الأجواد

[الدحبول]

اشتريت صالون موديل 94 vxr فل كامل
حلف صاحبة إنة السيارة مخزنة ماشي 174 الف
وفي الفحص ماشي 574 ألف مأكتشفتة الابعدين

وكل يوم أنا والسيارة في الصناعية وأخرتها خبطت المكينة
فما الحل
هل أشتكية أم ماذا أفعل وقل حسبي الله ونعم الوكيل علية

علما أن السيارة مالها الاشهر معي

إلف مبروك الله يعطيك خيره ويكفيك شره
بكم إخذته ؟؟ حده 35 فوقه مايسوى
الله يعوضك الممشاء ما ياثر على سيارة بس يزعلك الكذب
لاحول والاقوة إلا بالله
وضب المكينة
إذا كانت المكينة مخبطة فقط وضب وستخدم
بكيفك بس البيع بيع وشراى شراء
مانصحك تشتكي ماحد رح يعطيك وجه
المفروض ما تهتم لمششى لانه موهب يلي يقيم السيارة
واحد من الربع عنده جمس سوبر دفرنشين موديل 92 ماشي 600 الاف كم مشاء الله البدي نظيف والداخلية
كل شيء شغال مكيف راديو مسجل المكينة شد بلده والقير والدفرنش كذالك شد بلد
إنسام ب 30 الاف وهو أمريكي ومن المعروف الامريكي مايمسك سعرة بس النظيف يمسك

[مـدحـدر]

اخوي الشهري انا مره صار لي نفس موقفك

شريت بليزر وسألته عن الدبل فيه شي حلف بالله صاحب السياره ان الدبل

شغال ولا فيه شي وصدقته وقلت بما انك حلفت يكفي

وبالاخير يطلع الدبل خربان ولا فيه حتى عمود خخخخخخخخخ


سلمت امري لله

[الششهري]

الله يجزاكم خير لكن هل أشتريلة مكينة من التشليح أم اوضب الموتر وكيف أعرف المكينة التى ليست بالمفكوكة