لا هنتم.. أبي وصف هالمحلات

[خلفهم]

السلام عليكم ..

الله لا يهينكم .. ودي أسئل عن وصف ..

محل الرمايه .. إلي بالرياض .. حق اليايات ..

ومحل ساكو .. حق العِدد ..


الله لا يهينكم ..

[هدد ؟؟؟]

محل الرماية على شارع التخصصي .
والفرع الثاني على طريق الدائري الشرقي إذا جيت من المطار شفه قبل فندق الفهد كراون على اليمين .

محل ساكو :
على خريص بين إشارتي طريق خالد بن الوليد (انكاس) و إشارة شارع الحسن بن علي .
والفرع الآخر جنب بنده اللي عند تقاطع طريق الملك عبدالله مع طريق خالد بن الوليد (انكاس)

ولا يهون شارع الريل :
مخرج 17 يمين (متجه غرب) بعد كم إشارة تجيك المحلات على اليمين واليسار حقت عدد وغيرها .


موفق خير يالغالي ..

[خلفهم]

الله يجزاك خير ويعافيك

[jomran]

محل الرمايه في شارع التخصصي .
ساكو له ثلاث مواقع اعرفها وهي :
1-في شارع التخصصي وانت متجه جنوب يجي على يدك اليمين .
2-في شارع الملك عبدالعزيز بجانب اكسترا .
3-على الدائري الشمالي وانت متجه غرب على يدك اليمين قبل صالة العيسى للسيارات .


وسامحني على القصور

مع تحياتي jomran

[عاشق السيل]

خلاص يكفي الشباب كفوا ووفوا الله يجزاهم خير !!




.

[الكونترولCONTROL]

محل الرماية اللي في طريق المطار ( الدائري الشرقي )
ما فيه شي يذكر - المعروض قليل جدا - عليك بشارع التخصصي
================================
و ساكو لها فرع رابع : الحمراء - جوار بندة -
و موجود فرع في بريدة