الباث طلع فيه مصيبه والسبب الله اعلم

[ق ب م 632]

السلام عليكم



يااخوان امس الصباح جاني واحد من معارفي ويقول انه يبي موتري الباث يبي يخلص عليه غرض ويرجع بعد نص ساعه المهم عطيته المفتاح ومع ان قلبي ناغزني من يوم ماسلمته الموتر المهم اخذه وراح عليه وراحت النص ساعه وانتظرته الين المغرب وانا بشارع انتظر حظرته يرجع ويعطيني موتري المهم وصل الرجال قبل الفطور بشوي وعطاني موتري وتعذر انه متأخر ويستسمحني المهم قلت له يارجال ماصار شى وراح على بيتهم واخذت مفتاح الموتر وعقب صلاه العشاء طلعت عليه مشوار الا واسمع صوت طقطقه قدام اذا لفيت مع لفه او مسكت فرامل ماادرى من ايش بالضبط سألت عنها واللي يقول لي عكوس اماميه واللي يقول مساعدات واللي يقول العكس يبي تشحيم وانا ضعت بينهم الصراحه ولاادرى من اللي اصدقه




تتوقعون انها ايش بالضبط؟؟


والامر سهل وبسيط والا لا؟؟؟


انتظركم وتكفوووووووووووون عطوني العلم



مايستفاد من الموضوع>>>>>لااحد يعطي موتره احد والا ترا يبي يصير له مثل اللي صار لي



سلاااااااااااااااااااااااااااااااااااااااااااااااا اااااااااااااام

[shaheenshah]

العكوس ما يطلع صوتها الا اذا لفيت انت داعس يعني لو تلف وتضغط كلتش راح ينقطع الصوت وصوت العكوس يكون طقطقه قويه
بس انت تقول حتى اذا ضربت فرامل يطلع الصوت
(كل به مطب وشف اذا كان الصوت يطلع مع المطب) احتمال كبير ان ابو الشباب اكل به مطب قوي وانفقع احد المساعدات الأمامية شيك عليها وان شاء الله يكون مساعدات لا أكثر

تحياتي

[ق ب م 632]

العكوس ما يطلع صوتها الا اذا لفيت انت داعس يعني لو تلف وتضغط كلتش راح ينقطع الصوت وصوت العكوس يكون طقطقه قويه
بس انت تقول حتى اذا ضربت فرامل يطلع الصوت
(كل به مطب وشف اذا كان الصوت يطلع مع المطب) احتمال كبير ان ابو الشباب اكل به مطب قوي وانفقع احد المساعدات الأمامية شيك عليها وان شاء الله يكون مساعدات لا أكثر

تحياتي

يالغالي الصوت اذا لفيت داعس والا مو داعس صوت الطقطقه موجود في كل الحالتين وايضا اذا ضربت فرامل يكون فيه طقطقه بعد


وفيه شغله بعد انك لو تضرب الكفر الامامي سواء كان الايمين او الايسر برجلك تسمع صوت تحس ان الكفر الامامي في فضاوه او صوت حديد يحك في بعض ولوه مساعدات يصير كذا او انها مصيبه ثانيه




لاهنت على مرورك

[shaheenshah]

لا المساعدات ما يصير زي اللي قلتانت تقول كأن فيه فضاوه لكن فك الكفر وتأكد من الهوباتوبعدين كلم خويك واسأله وش اللي صار معه بالضبط عشان تقدر تعرف المشكلة وشي

[.أبوعبدالرحمن]

اتوقع العلم في العكوس


يا اما انه ضارب رصيف او ماكل مطب وتأكد قبل


وشف عندك ورش الميزان الكبار رح لهم وخلهم يكشفون عليه

[الساهر2003]

اخوي اول شيي انت غلطان عش على التصريف لان فيه ناس تسوق الجيب على انه سيارة صغيرة وهو نشيط ومافيه صوت في المكينه الباث حساس جدا وتاكد انه جايه مطب قوي او شاطف رصيف في لفة والصوت ممكن فضاوة في المقص او في العكس واذا الصوت خفيف تاكد ان الكفر لايصير ناشب فيه مسمار راسه كبير قد صارة مع واحد من الشباب وكان حساس
وهي مجر توقعات والرائى ادرى من السامع

[بنزرت]

الله يعين ............ الحمد لله اني ما اشتريت باثفايندر ....... مع خويي كل شهر يطلب منه الف الى الفين ويا ويلك لو تقرب للمكينه ....... فيه مسامير على لسان الهواء في غرفه خلط الوقودبالهواء... صغيره مره وياسرع ما تنفك واذا انفكت فجهز الثمانيه الاف لتصليح المكينه......

[ق ب م 632]

لا المساعدات ما يصير زي اللي قلتانت تقول كأن فيه فضاوه لكن فك الكفر وتأكد من الهوباتوبعدين كلم خويك واسأله وش اللي صار معه بالضبط عشان تقدر تعرف المشكلة وشي

والله يااخوك حاولت اكلمه لكن مقفل جواله وحتى طقيت عليه الباب واهله يصرفوني ويقولون انه مهوب فيه مع اني متأكد انه بالبيت وانا بفك الكفر اليوم وبشوف وش العله مع ان قلبي يقول انها عكوس ومثل ماانت تعرف قيمه عكوس الباث حول 4 الالاف

[ق ب م 632]

اتوقع العلم في العكوس


يا اما انه ضارب رصيف او ماكل مطب وتأكد قبل


وشف عندك ورش الميزان الكبار رح لهم وخلهم يكشفون عليه

كلامك صحيح 100%


والسبب والله واعلم انه مثل ماذكرت ياابو عبدالرحمن


وان شاء الله بمشى عقب الفطور للرياض وعساها تصير العله بسيطه

[أبووليد..]

السلام عليكم ..

اتوقع والعلم عند الله ..
ان الرجال نازل من النفود وهو لاف الطاره ..

شيك على الهوبات ..

[كن كن]

تسوي خير تلقى شر الله يعينك اخوي

[رجل كريم]

وعليكم السلام ورحمة الله وبركاته:

الله يعوض عليك اخوي .. وان شاء الله تطلع بسيطة .. وانصحك خلك مثلي ما احد ساق سيارتي من طلعتها وكالة من ثلاث سنوات ونص الا اخوي الكبير وكنت جالس جنبه وساقها على الاسفلت لمسافة 2 كيلو فقط , ليش التكاسي والليموزينات موجوة مش عشان هذولا اللي يشحتون سيارات العالم ويخربونها ..: d .. ترى الناس الايام هذي ماتستحي الا من رحم الله ..

ان شاء الله ربي يأجرك على مصيبتك في سيارتك وخاصة انك في شهر فضيل تتضاعف فيه الحسنات..

تقبل تحياتي ..

[صوح الجبل]

الامر ان بسيط لعلها جلدة العكس هي الي مسويه اطقطقه كان معي زي اطريقه ... وصارت الجلده حقت العكس .... منقطعه ...... وبعدين خل البيت ها دايم قدام عينك ... استلم بيت الحكمه وتجارب وخبره في الدنيا لزهير .
ومن يصنع المعروف في غير اهله = يكن حمده دما عليه ويندمي .
لو فيه خير مهوب كل ماجيت ادوره يصرفونك اهله ..... يارجال ..... لاتثي المعروف الا في انسان يستاهل

[صوح الجبل]

الامر بسيط لعلها جلود العكس .... كد صارت معي وصارت منقطعه .... وغيرتها ..... وبعدين وانا اخوك خل بيت الحكمه والتجارب والخبره في الدنيا واهلها لزهير ابن ابي سلمى قدام ..... عينك
((ومن يصنع المعروف في غير اهله = يكن حمده دماً عليه ويندمي ))..... يارجال ... يارجال ..... يارجال لاتثني المعروف في غير اهله ريح نفسك قد قالها اللي من قبلك وبعدين لو فيه رجوله مهوب الى جيت ادوره يصرفونك .... والله قلة حياء بعد خلاص استقر بيت زهير في راسك والا الى هالحين لاجل اجي اثبته في مطرقه ...... تحيتي ومودتي

[nejjer]

طيب ليش كلكم قلتم عكوس ممكن الرمان او ممكن نفس فتحات الجنط حقت المسامير متوسعة وفيها فضاوه ترى صارت معي ركبت كفرات واخذت اسبوع امشي عادي ومسكت طريق الرياض وصارت فيه طقطقة ومشيت إلين وصلت الرياض ورحت للورش سيده طلع يوم غيرت الكفر ماطبقت صواميل الجنط مضبوط وصارت فيه فضاوه وقام يطق طق ويرج لضربت برجلي وبعدين العكس لضربت الكفر برجلك مايرجل الكفر تأكد من اللي قلت لك وتأكد بعد من الرمان.