الدخول لمن لديهم الخبرة في كفرات الجيوب

[fares998]

بسم الله الرحمن الرحيم
السلام عليكم ورحمة الله وبركاته :
انا لدي جيب وحاب اني اركب كفرات له جديده وبعد الدوران على محلات الكفرات لقيت كلها الي يعملون فيها من اليمن وينصحوني بشي وانا صراحة ما صدقهم لان المصداقيه قد تكون ضعيفة لديهم المهم انا كنت منشن على كفرات دنلوب مقاس 17 ولقيت سعرها ب480 ريال قلت اصبر لين افكر اني امسك فيه خط علشان اركبها ويوم من الأيام لقيت جيب قطري مركب كفرات حلوه صراحة كبيرة اكبر من الدنلوب وشكلها حلو وهي راكبه وانا استحيت اني اروح اشوف اسم الكفرات الي مركبها لانه كان موجود بسيارة وياليت من لديه الخبرة وش نوع الكفرات الي مركبها لاني شفتها اكثر من مره بسيارات قطرين ولا عمري شفتها بسارات الجيوب السعودية .
وشكراً

[راع الابل]

اخوي العزيز عليك بالهنكوك تراه مائة بالمائه للجيوب ولينه يعنى تخفف على الموتر المطاب ومضبوط للبر والصحرى ومضبوط للخط مائة بالمائة

حط هوائها 30 سواء دير او خط او بر واتكل على الله تراه نصيحة اخو ما بعدها نصيحيه

نوعها كوري وعليها ضمان تسلخ

[أمير الو د]

السلام عليكم الصراحه هذي أول مشاركه لي


وأنصحك أخوي في الدانلوب
إن بغيت بر ولا زفلت ولا جبل

بإذن الله أنها تتحمل لأنها كفرات مخبوره وسأل عنها

بس عيبها السعـــــر

[غضنفر]

خذ العلم
درت الغرابي الين تكسرت رجولي
الهنكوك 275/65/17 تاريخ 2007 مقطوع من السوق
مافيه الا طقمين فقط عند محل بالغرابي الكفر بــ 450 ريال
هبال ولا يسوى سعره ولا تنسى انه كوري
وفيه تاريخ 2006 بس مخزن والكفر بـ 390 متوفر عند اكثر من محل
عاد يوم شفت انهم غلوا الهنكوك
غيرت الوجهة الى اليوكوهاما
نفس المقاس وياباني و نقشته رهيبة وناعمة وكفر غني عن التعرف
خذته بــ 410 ريال للكفر وتاريخه 2007
شف حتى كفرات الفكسار 2008 صارت تجي يوكوهاما شد بلد

[اول الوسم]

السلام عليكم

انشالله تبي تطيع شوووووووووووووري واللي مايطيع يضيع
ان طعتني ركب يوكوهاما ياباني ميه بالميه كفرات ناعمه وقويه انشدني انا ولاهانوا اخواني المكشاته

[صاحب الكابريس]

تبي الصراحة أنا مركب دانلوب وممتازة ولله الحمد وأغلب اللي أعرفهم مركبين دانلوب

[بيكال999]

وعليكم السلام:

أخي إذا كنت تبي كفرات تجمل >>>>> وتحمل عليك بالتويو (TOYO) الياباني والله كفرات حلوووة ويأتي منها نايلون تستعمل للمناطق البرية والنفود وسلك تستعمل للخطوط (الإسفلت) خذاها لن تندم ونقشاتها حلوووة.................وأخيرا بالتوفيق إن شاء الله.

[ابوعبدالهادي]

نصيحة لله انا عندي لاندكروزر vxr واتبعت نصيحة من المنتدى وركبت كفرات دنلوب نصيحة ابعد عنها لاتندم مثلي خسارة فادحة ركبت اربع الوحدة 380 ريال

أنتبة صوتها مزعج جداً تسمعها وانت مسكر القزاز الله يعين عليها هالسنة واغيرها بمشيلان

[مخايل مزن]

صحيح أخي ابو عبد الهادي أنا اسمع الصوت في مشي السيارة وقالي احد الأخوان ان سببه الكتابه البارزة على جانب الكفرات بسبب الهواء الشديد عند دوران الكفر ... وافكر الآن بمشلان .

[برق بريده]

انصحك اخوي با الدنلوب زين لكل شي بس يبي وزن الهواء

[ناوي نيه]

انت تعاني البالون الي تجيك كبيره

[الخيال2006]

انصحك بكفرات ميشلان وبس

[fares998]

يعطيكم العافيه على الردود ولكن هناك سؤال الكفرات الي يركبونها اخواننا في قطر ممكن ماعرفتوها ولكن صراحه شكلها حلو جداً بالسيارة وشكلها تتحمل انا ودي اعرف وش نوعها .وانا اقول القطرين لاني شفت اكثر من جيب قطري نفس الكفرات مو مثل عندنا اكثرها دنلوب .
اخوي ابو عبدالهادي بالنسبة للكفرات الي مركبها شكلها جنط 16 مو 17 لان 17 سعرها 480 ياليت تقولي عن الحجم واذا كانت جنط 17 شكل الكفرات مو مضبوطه يعني يا مستعمله او قديمه لان الوكالة تبيع للمحلات الي برا الدنلوب بسعر 455 ريال وهذا الكلام متأكد منه .

[ملك الغضى]

الاخ ابو عبد الهادي ياخوفي ان الكفرات اللي انت ركبت تكون اماراتية

[الوعب]

السلام عليكم ورحمه الله وبركاتة


يعطيكم العافية جميعا
الاخ فارس انا من قطر و انت يمكن انك تقصد تواير البالون وكلمه بالون عامه
بمعنى فيه بالون من نوع دنلوب و بالون من نوع ماكسيس الخ ,,
المهم اذا حجم الجنط 16 و خاطرك تركب بالون فعليك بنوع اسمه سيام ,, لسبب الا وهو جميع تواير البالون تواير ناعمه وتنحل بسرعة يعني 6 شهور او 10 بالكثير و هو املس
اما نوع سيام قعد مع ناس سنتين ولكن فيه نوع من الخشونه شوي وعر مقارنه بالانواع الثانية
و التواير هذي فيها نوع من الخطورة و الحافظ الله ,, لان السيارة راح تكون شوي ارفع
وعيوب اخرى مثل رجه بسيطه وخصوصا الصباح اذا كانت السيارة مركونه فتره
والميزه بهذي التواير انها في الرمل اطيب من الانواع الثانية و في الطريق اسرع من الانواع الصانيه لانه حجمها اكبر ,, مثلا سيارتين من نفس النوع واحد مركب بالون و الثاني تواير عاديه ,, الي مركب بالون لو يمشي بسرعه 120 الثاني راح يكون يمشي 140 وهم بنفس السرعه
وفيه ميزه ثانيه ماعرفها اعبر عنها ,, انا من اول مره ركبت بالون خلاص صرت ما اركب غيرها (ارتاح لها)
هذا كله اذا كانت الجنوط حجم 16
اما اذا مقاس الجنط 17 فا مافيه الا نوع واحد انصحك فيه اسمه سايميكس لانه هو اقل انواع التواير من حجم 17 في الارتفاع (850)
---------------------------------------
فيه تواير ثانيه ممتازه جدا انصحك فيها و هي ميشلان (الامريكي) بس انها غاليه شوي
ميزتها جوده عليه في الصنع وتعيش عمر وحجمها كبير وهاديه على الازفلت
هذا كل الي اقدر افيدك فيه اوصيك اتعب على التواير فهي شي مهم جدا
اسئل الله السلامه لك و الاوفيق للجميع
وشكرا