السلام عليكم ورحمه الله وبركاتة
يعطيكم العافية جميعا
الاخ فارس انا من قطر و انت يمكن انك تقصد تواير البالون وكلمه بالون عامه
بمعنى فيه بالون من نوع دنلوب و بالون من نوع ماكسيس الخ ,,
المهم اذا حجم الجنط 16 و خاطرك تركب بالون فعليك بنوع اسمه سيام ,, لسبب الا وهو جميع تواير البالون تواير ناعمه وتنحل بسرعة يعني 6 شهور او 10 بالكثير و هو املس
اما نوع سيام قعد مع ناس سنتين ولكن فيه نوع من الخشونه شوي وعر مقارنه بالانواع الثانية
و التواير هذي فيها نوع من الخطورة و الحافظ الله ,, لان السيارة راح تكون شوي ارفع
وعيوب اخرى مثل رجه بسيطه وخصوصا الصباح اذا كانت السيارة مركونه فتره
والميزه بهذي التواير انها في الرمل اطيب من الانواع الثانية و في الطريق اسرع من الانواع الصانيه لانه حجمها اكبر ,, مثلا سيارتين من نفس النوع واحد مركب بالون و الثاني تواير عاديه ,, الي مركب بالون لو يمشي بسرعه 120 الثاني راح يكون يمشي 140 وهم بنفس السرعه
وفيه ميزه ثانيه ماعرفها اعبر عنها ,, انا من اول مره ركبت بالون خلاص صرت ما اركب غيرها (ارتاح لها)
هذا كله اذا كانت الجنوط حجم 16
اما اذا مقاس الجنط 17 فا مافيه الا نوع واحد انصحك فيه اسمه سايميكس لانه هو اقل انواع التواير من حجم 17 في الارتفاع (850)
---------------------------------------
فيه تواير ثانيه ممتازه جدا انصحك فيها و هي ميشلان (الامريكي) بس انها غاليه شوي
ميزتها جوده عليه في الصنع وتعيش عمر وحجمها كبير وهاديه على الازفلت
هذا كل الي اقدر افيدك فيه اوصيك اتعب على التواير فهي شي مهم جدا
اسئل الله السلامه لك و الاوفيق للجميع
وشكرا