اريد المشورة في ال كروز Fj

[وضاح الرياض]

السلام عليكم ورحمة الله وبركاته
اخواني انا اعجبني الكروز Fj وابغا من الاخوان اللي جربوه يفيدوني عنه حيث ان استخدامي له سوف يكون يومي
الحقيقة عندي سيارتين الاولى
جمس سيرا 2001 قصير دفرنسيين قير عادي وهذا مخليه للبر
والثاني
يوكن 2002 فل كامل دبل وهذا مخليه للعائلة والسفر وعائلتي تتكون من زوجتي وطفلين الله يصلحهم والشغالة
السؤال
هل الكروز Fj سوف يغنيني عن السيارتين وهل قيمة السيارتين اذا بعتها تجيب لي الكروزfj
وكم سعرة الحين وهل يوجد قير عادي منه وهل مع الجهتين بيبان خلفية وكيف عزمة مع النفوذ

والله يعطيكم العافية
خيال نجد لا تحرمنا من تجربتك
وشكرا للجميع

[ق ب م 632]

والله نادر اللي استخدموه لكن اصبر شوي ولاتستعجل بشراء الموتر خصوصا وان الموتر توه نازل وماله اي موديل سابق والاخطاء وراده فيه بأول موديل نزل فيه عندنا.........



عسى ربي يوفقك

[وضاح الرياض]

مشكور وماقصرت على النصيحة اخوي

[تيتشر]

الموتر جديد وصعب الفلسفه والحكم عليه من الحين

لكن لي ملاحظه عليه ان قوة مكينته 4000 بس

يعني قوة المكينه مو جايه على شكل السياره الرياضي واللي المفروض يكون اقوىى

وتظل هذي وجهة نظري

[خيال البويضا]

السياره روعه وسعرها مناسب جدا (من تجربه يا خلفهم)

وتكفى العائله الصغيره وتصلح للسفر والبر والبحر والديره والكشخه
وهي نوعين :
f1 سعرها 100850 ريال
f2 سعرها 110850ريال (بزياده دفرنشال لووك ومانع انزلاق وهوك خلفي وتصفيح امامي)


العزم ما عليه كلام والسياره مريحه ويمديك تقطع النفود الكبير بالريوس او بدون دبل

واذا بغيت تبيع طلعها من الوكيل وخذ مكسب ,, والشراء بالحجز ويتاخر

الي وصل كله تماتيك , والبيبان باب ونص تفيح بطريقه فتح الذراعين كانها تبي تاخذ راعيها بالحضن من طيبها.
وقرار الشراء يرجع لك

أرجو ان اكون افدتك

[وضاح الرياض]

مشكور اخي تيتشر
اخوي العزيز خيال البويضا شكرا ثم شكرا على هذة المعلومات وارجو ان تضيفني في الماسنجر لكي يتم التواصل اكثر aaaamg4@hotmail.com

[الصاقول]

يمكن تغير رايك الصوره هذي

[غالي]

اعوذ بالله احترق؟
بس اكيد ضايف عليه قطع
معروفين انتم يااهل الامارات بالاضافات والهدرزات الله يحفظنا وياكم من كل شر

[وضاح الرياض]

يا ساتر رررررررررررر

[روافد]

مرحبا
اخي جميع جيوب تويوتا ممتازة توكل على الله

[الصاقول]

اعوذ بالله احترق؟
بس اكيد ضايف عليه قطع
معروفين انتم يااهل الامارات بالاضافات والهدرزات الله يحفظنا وياكم من كل شر

ههههههه الشاهد الله اني ماخذ الصورة من الانترنت ومااعتقد انها بالامارات

بس السياره من زمان عندنا بالدولة .. الحين نلقاها بكل مكان الظاهر السياره تستاهل

[خيال البويضا]

يمكن تغير رايك الصوره هذي

الي ما يعرف للصقر يشويه ,, وهذا ما يعيبها ,, اكيد فيه سبب للحريق , يا ناتفينها عين والا ناتفينها بصاروخ
والا ملعوب فيها.

لا حول ولا قوه الا بالله

واحيل موضوعك اخوي وضاح الرياض للمبدع خيّال نجد على هذا الرابط : http://www.mekshat.com/vb/showthread.php?t=106757


وتجربه عالميه يرويها المبدع ابو سعد على هذا الرابط : http://www.mekshat.com/vb/showthread.php?t=107208


وسلامتكم

[وضاح الرياض]

شكر اخوي خيال البويضا وما قصرت

[pharamazar]

السياره روعه وسعرها مناسب جدا ,وانا مجرب صدق

[pharamazar]

صدقني راح يزيد سعر الموتر قريب جدا .