طلب من أصحاب الباث والخبرات

[hussen12]

أنا عندي باث 2004 ولا به قربه ( خزان ماء) لمساحات الزجاج وأطلب منكم تدلوني على طريقة أرهم حقت موتر ثاني ولا ألقاها وغيرها الستارة الخلفية وين ألقاها وكم تقريبا حقها

وأسف على الإطالة

[نمر 33]

أشترها من أباالخير بالرياض بالصناعية القديمة شارع الجمعية بالزاوية
عنده أصلي أرخص من الوكالة وعنده تجاري وريح عمرك من الترهيم.

وراح يعطيك خصم على القطع

[أبو ياسر]

السلام عليكم ..

اخوي انت متأكد ان ماعندك قربة تأكد

ترى مكانها غريب شوي جنب الأسطب الأيمن مباشرة يعني مهب حول المكينة ولا الزيوت

اما اذا كانت عندك بعض الأشياء ناقصة فأعتقد مالك إلا التشاليح

والله يكتب الي فية الخير ...

[عاشق السيل]

لاتزعل علي أخوي حسين لكن مافيه سيارة بالعالم مافيها قربة لماء المساحات !!

والمطلوب منك إنك تدورها زين إلا إذا كانت مفكوكة من قبل شخص وماركبها ثاني مرة ،،

بس لاتشيل هم ترى سعرها رخيص وممكن تركب تجاري لأنه يؤدي نفس الغرض وبالتوفيق يالغالي ،،،

وتقبل مروري بصدر رحب .....




.

[hussen12]

ألف ألف شكر على مروركم والله يعطيكم العافية

نمر 33 على راسي والله
أبو ياسر على راسي والله
عاشق السيل على راسي والله

على العموم القربة غير موجودة ومحلها أعرفة !!! هع ه ع

[خلفهم]

مكانه بجنب الشمعه اليمين ..

والقربه ما يجي منها تجاري ابداً .. والأصلي بـ 220 تقريباً .. وتحتاج أفياش لديلمو .. إذا كانت مهب موجوده عندك .. أما الترهيم إبعد عنه .. لا قدر الله إلتماس يحرق لك الظفيره كامله .. حتى افياش الديلمو لا ترهمها .. إشتر من التشليح .. هذا ما صار معي مع الباث كان ما عندي .. وركبت ..