وينكم يا أهل الباثفندر.. عندي مشكله.. لاتبخلون علينا

[مرير الشوق]

السلام عليكم ورحمة الله وبركاته
اخواني عشاق ومستخدمي الباثفندر عندي سؤال ياليت والله تساعدوني وتفيدوني جزاكم الله خير قبل ما اتخسر
قبل عشر ايام رحت للبر ورجعت قبل يومين
المهم طلع لي مشكله في القير الي هي :
ان اذا الموتر واقف على p البارك وشغلت السياره ما اقدر اعشق الى اي حاله الا الين اظغط على الزر الاحمر
بقلم ولا بمفتاح اللي موجود على يمين القير ..
واللحين صار لي يومين وانا على هالحال ماغير اظغط على الزر الاحمر
المهم رحت لورشه قال بنفك لك الديكور حق القير ونشوف يمكن الحساس مظبوط ولا لا يقول بشوف الفيوزات حقت القير ومدري ايش
المهم / وش رايكم يالربع اخليه يفكها ونخسر ونشوف ولا فيه احد قد صارت عليه نفس المشكله الله لايهينه
يفيدنا وجزاكم الله كل خير
اخوكم :
مرير الشوق

[مرير الشوق]

السلام عليكم ورحمة الله وبركاته
اخواني عشاق ومستخدمي الباثفندر عندي سؤال ياليت والله تساعدوني وتفيدوني جزاكم الله خير قبل ما اتخسر
سيارتي / باثفندر 2004
قبل عشر ايام رحت للبر ورجعت قبل يومين
المهم طلع لي مشكله في القير الي هي :
ان اذا الموتر واقف على p البارك وشغلت السياره ما اقدر اعشق الى اي حاله الا الين اظغط على الزر الاحمر
بقلم ولا بمفتاح اللي موجود على يمين القير ..
واللحين صار لي يومين وانا على هالحال ماغير اظغط على الزر الاحمر
المهم رحت لورشه قال بنفك لك الديكور حق القير ونشوف يمكن الحساس مظبوط ولا لا يقول بشوف الفيوزات حقت القير ومدري ايش
المهم / وش رايكم يالربع اخليه يفكها ونخسر ونشوف ولا فيه احد قد صارت عليه نفس المشكله الله لايهينه
يفيدنا وجزاكم الله كل خير
اخوكم :
مرير الشوق

[الصيرمي]

اخوي مرير الشوق
جرب إذا وقفت
خل القير على الفاضي وبعد كذا اسحب الجلنط ورفع رجلك ( أكرمكم الله ) عن البريك علشان حمولة السيارة تكون على الجلنط فقط وبعد كذا حطه على P

[ابو فيصل 99]

السلام عليكم
تاكد من فيشة البريك في اعلا دواست البريك
يمكن معلقه
او من االاسلاك الخارجيه

[مرير الشوق]

اخوي الشرق م م ياليت والله توضح شوي
اي اسلاك والفيش اللي تقول عليه وين احصله الله لايهينك
ومعليش

[ابو فيصل 99]

اخوي دوست البريك فيها من الاعلا نفس الزر فيه سلكين
وبعدين هل يطلع صوت اذ مسكت بريك مثال (تك) والجير في بارك
وين ساكن انت
اسمحلي على القصور

[مرير الشوق]

مشكور اخوي الصيرمي / والشرق م م
على مروركم المحترم والمفيد
لكن اخوي الشرق : الطقه اللي تقولها ما اسمعها
وانا بالرياض
وشكراً لكم

[smod227]

الاخ مرير هذي مشكله بسيطه جدا صارت معي من 6 شهور والسبب ان البلاستيك حق الامان الي يمنع الااطفال من تحريك القير الا مع الدوس على الكلشت خربانه ووديتها لااكثر من مهندس وقالو طبيعي ياتغير وصله البلااستيك ياتثبت الزر الااحمر واخذت وصله بلااستك ووضعتها على الزر الاحمر ومافيه اي مشكله من هذ ا وروح سوها واذا صار لك شي في القير انا محاسب امام الله

[مرير الشوق]

مشكور اخوي الغالي
يعني أنت رقعت الزر الاحمر بقطعه من البلاستيك ولا وشلون
بتلحيم ولا قص ولزق بس :d

[مرير الشوق]

الله لايهينكم على تواصلكم الطيب
والله يجعله في موازين حسناتكم

[smod227]

اخ مرير حط اي وصله اسفنج قاسي او وصله قماش الين ينزل ازر الااحمر ويبقى مظغوط دائم

بالنسبه لي حطيت لازق الاابواب الي يمنع دخول الهواء



ولاتنسنا ووالدينا من دعواتكم

[مرير الشوق]

اخوي الله يوفقك ويجزاك عني الف الف الف مليون خير
لك ولوالدينك يارب
مشكووووووووووووووووور

[أبو فهد 424]

اخوي مرير الشوق

هذي المشكلة حصلت لي قبل شهرين تقريباً ، وقمت وفكيت الديكور حق القير وحصلت المشكلة من حساس طوله نص الأصبع طريقة عمله (هو اللي يطلع الصوت إذا ضغطت على الفرامل) طالع منه رأس صغير بحيث إذا شغلت السيارة وضغطت على الفرامل يدخل الرأس الصغير اللي بالحساس ثم تضغط على الحبه اللي برأس القير ثم يتحرك القير بشكل طبيعي .

إذا خرب هذا الحساس تلجا إلى الحبه الحمراء اللي بالقير بحيث أنه بالضغط على الحبه الحمراء يدخل الرأس حق الحساس وبعد ذلك يتحرك القير.

اللي سويته فكيت الحساس لأنه صار ما يشتغل ونضفته وحطيت برأسه اللي يدخل ويطلع زيت خفيف وقبل ماركبه شبكت فيشه جربت أضغط على الفرامل والسيارة مشتغلة بدا الرأس يدخل إذا ضغطت على الفرامل ورجعت وركبته ، والحمد لله إلى الحين تمام .

أدرين أن همقي واجد لكن أي استفسار أنا حاضر...

[.أبوعبدالرحمن]

اول شيء اخوي \



اذا جيت توقف السيارة اول شيء حط القير على N وبحدين اسحب الجلنط اذا وقفت السيارة يعني
ما عاد تدحدر خلاص هينا حط القير على P وطف السيارة


بعدين شغل السيارة واضغط فرامل اذا طلع صوت مثل ( تك ) وعشق الحمدلله

اذا ما طلع الصوت اذا ضغطت الفرامل فالمشكلة من الحساس والله اعلم

[مرير الشوق]

اخواني ابو فهد وابو عبدالرحمن
ما اقدر اقول الا والله ماقصرت يابو فهد على خبرتك وعلى نصيحتك ومشاء الله عليك شكلك مهندس في الجيب لين جبت علته ماهوب مثلي داج
واخوي ابو عبدالرحمن الصفيان مشكور والله على نصيحتك الغاليه وجايه من انسان غالي
وتقبلوا فائق تحياتي واحترامي لكم على مروركم الكريم
اخوكم /
مرير الشوق