لكل من سبق له تجربة الطوارق

[مكشاتي غير]

السلام عليكم ورحمة الله وبركاته

اخواني اعضاء مكشات الاعزاء

نسيبي يبغي يشتري الطوارق 2008 حاولة ايره صوب الياباني بس عيا يبغي يا الماني او امريكي

وهو هب راعي بر يعني في السنه مره او مرتين

فاريد انت تفيدوني عن هذه السياره وش رايكم فيها

وشوه عيوبها للجربها او سمع عنها

فلقد اخبرته اني سوف اعتمد على اناس(( اعضاء مكشات )) بيعطوني زبده السياره

[مكشاتي غير]

وينكم اخواني بغيت المشوره

[ونااااسه]

الشباب ان شاء الله مايقصرون .. وهذي صوره للسيارة للي مايعرفها

[مساير الليل]

أخوي مكشاتي غير حياك الله

بعدين الطوراق سيارة مدينة ورفاهية ماتصلح حق البر


إذا كان يبيها للمدينه فهي سيارهـ فخمه ومريحه وحلوهـ

ولاينسى صلاة الأستخارهـ

[ايوه111]

اخوي مكشاتي غير

اولاً السلام عليكم ورحمة الله وبركاته

ثانياً انشاء انك لقيت الي بفيدك

اخوي عمده طوارق مديل 2004 مطلعه وكاله على يده

وانا شخصياً سقت السياره في خط من الرياض الى الشرقيه و180 لكن مشاء الله سياره جميله راسيه وذاك اليوم علينا هوى شمالي قوي ولكن لاتنسيم ولا اي حاجه لانها فيها هيدرولك كل ما اسرعت نزلت السياره

من حيث الفخامه مشاء الله علما الفئة لي عند اخوي افخم شي من فئة 6 سلندر طبعا نصيحتي لك اذا بياخذ خلها ياخذ 8 سلندر ترى قوي جدا لاني اخوي الان باعه واخذ جيب اودي وهي نفس الشركه تقريبا ونفس الوكيل عندنا ونفس الصيانه في السعوديه لاني ما ادري احس انك اماراتي (من اللهجه)

لكن استخدم الطوارق ثلاث سنوات ما اشتكى منه ابد علما انه راعي خطوط وصيانة معقوله في الوكاله انا شخصيا ً كنت مطلعه من الوكاله تشيك 40000 وغيروا قطع استهلاكيه كثيره وكا قيمة التشيك قرابة 1200 ريال يعني احسن من نيسان ههههههه

اخوي الله يهينك ابي منك خدمه اذا معلومات عنها تعرف سعر الراجلر 2008 السبورت الباب واحد قير عادي ؟

وتقبل مروري واسف على اطالة الحديث

[مكشاتي غير]

ونااااسه

اشكرك على وضع الصوره افادة الموضوع

مساير الليل

الله يحيك وشكرك على النصيحه

[مكشاتي غير]

اخوي مكشاتي غير
احس انك اماراتي (من اللهجه)

اخوي الله يهينك ادري غلطه مطبعيه

اشكرك اخويه افدتني كثير وبعد نحن الاودي وفكس ويجن نفس الوكاله ونفس الصيانه وباذن الله ايبلك علوم الراجلر وكم سعرها عندنا

[./عنيزاوي./]

فيه عيب واحد سعره يطيح بسرعه

[مكشاتي غير]

فيه عيب واحد سعره يطيح بسرعه

هاذي معلومه جيده اشكرك اخوي عليها

بس ما اتوقع تاثر في نسيبي لانه ما يبدل السياره

لين ما تقوله هي خلاص ما فيني حيل

[ايوه111]

اخوي مكشاتي غير

تكفى اسمح لي والله توني اشوفها وادري انك عرفتها انها غلطه مطبعيه لكن لازم اعتذر
شوف فوق بدال مااكتب
اخوي عنده= كتبت اخوي عمده هههههههههههههه

بالنسبه لسعر الي ينزل عند اليبع كل السيارات التي من نفس الفئه تنزل شي طبيعي

وانا اعتقد الي بيشتري طوارق او ماشابه والله ما يفكر بسعر البيع لانه ماهو شاري ددسن او هايلكس

لانه هذا النوع من السيارات مخصص لميسوري الحال شغل الاقساط ما يمشي ههههههههههه امزح ترا

شكرا اخوي

[مكشاتي غير]

سعر السياره بالمواصفات الي تبغيها

عند الوكيل السبورت جير عادي 92,500 درهم
و الجير الاتوماتيك 97,000

ورقم تيلفونهم 0097126312345
المشروعات التجاريه وكيل ابوظبي ودبي