-- الددسن الديزل اراء وتوجيهات --

[بيرتا]

السلام عليكم ورحمه الله وبركاته

-
-
الى الاخوان الخبراء والمجربين

ناوي هاليومين اخذ ددسن ديزل ( تيربو ) 2007

وحاب استفسر عن بعض الامور:-

1- المميزات والعيوب
2- سمعنا من بعض الاخوان ان حصلت مشاكل بالدفرنسات (هل صحيح )
3-سعر الجديد 60 الف 2007 هل قيمته معقوله
4- التحمل والخرابات
5- من كان عنده سياره مثل المطلوبه الرجاء ارسال رساله خاصه

وشكرا لك وتقبلوا مني اطيب تحيه

[مساير الليل]

أخي الكريم إذا كان دفرنس فأنصحك بشقيقه النفارا نفس الماكينة بس فيها تعديلات زيادة عدد الأحصنه


أما إذا كان دفرنسين فخذ لك بنزين أفضل ولله الحمد البنزين رخيص

وأنا معي بنزين 2005 دفرنسين والحمد لله ماشتكيت من شي وصرفيته جيدهـ جدا

أعبيه بـ30 ريال 91 ويمشيني 480 إلى 500 داخل الرياض وللمعلومية راعي سرعه ورجلي حارهـ

وإذا كنت معزم على ديزل فتوكل على الله ولاتنسى صلاة الأستخارهـ

[مقلع الرمث]

اخوي بيرتا عند واحد من اقربائي ددسن 2007 ديزل تيربوا والله قويه ماتوقعتها كذا بعدين قريت عنها حصلتها اقوى من الددسن البنزيم بكم احصان حوالي 10 حصانات بعدين فزته ممتازه اول مايفتح التيربوا تدوس دوسن اكويس وجربنها لك بالبر مايحتاج قوه وعزم ماشاء الله تبارك الله وواحد من زملائي معه وحد بالدوام وهذاك راعي تكسير معه موديل 2006 ديزل تيربوا دفرنسين واسأله بتله وش اخبار الموتر يقول مايحتاج عندي بس ملاحظه وحده اول ماتشري الموتر قص من نسافاته اشوي عشان بالبر يتكسر اشوف هذا الي معي بالدوام متكسره واللي من اقربائي قاصهن صايراتن ممتازه وشكلها اكويس لاكن قبل كل شي استخر وتوكل على الله ديزل مزبوط نسيت اقولك مع الطريق مايحتاج مع انه دفرنسين الا السرعه تمام التمام واسف على الاطاله

[بيرتا]

اخوي مساير الليل

ماقصرت وانا ابي دفرنسين والنفارا سعره اكثر من الددسن
ومشكلتي اني امشي الموتر واجد وراعي خطوط وروحات وجيات ومالك هالوقت الا (شاحنه)
ماقصر ت


مقلع الرمث

هل واجه مشاكل فنيه مثل الحراره او غيره

بارك الله فيك

[مقلع الرمث]

لالا ابد ماعليك الحراره مزبوطه ويتردد عليه الرجال كل يوم من شقراء الى المجمعه حوالي 90 والموتر معه الحين تقريبا سنه وماعمره اشتكى منه ولا شي استخر

[بيرتا]

اخوي مقلع الرمث جزاك الله خير ورحم الله والديك

وجمعنا بك وبهم في جنات النعيم

شكرا لك


طيب خويك ماهوب بايع :d

[مقلع الرمث]

خخخخخخخخخخخخخخخ والله مادري عنه لا رحت وشفته بدوام اسئله لك وفيه وحده ثانيه 2007 مع احد اقربائي اسئله لك برضوا واردلك انشاء الله الوعد السبت يالاحد والسلام عليكم

[بيرتا]

مقلع الرمث اقدع ناس

ياجعلك تسلم ويامال العافيه والثانكيييو


وسعيك محفوظ وانا بالانتظار

[ابا الأفلح]

بريتا الا اخذ وتوكل على الله ترا الددسن موتر اسالني عنه كلما جلدة الموتر كلما كد معاك الا اخذ مكده 000 انا اعرف واحد معه باترول ديزل2003 ماشيه الحين 360 الف مافيه واحد من جماعته ما ساقه ولا عمره شكا المهم اذا اخذة الله الله بصفاية الديزل والطرمبه وتوكل على الله0000اخوك ابوالافلح