ياليت جواب شافي..!!

[صدر الشمالي]

السلام عليكم ورحمة الله وبركاته

كيـف الـحال..عسـاكـم بخـير


يالربع انا المشكله عندي لي سلقه عمرهـ سنه او اقل ماطلعها للمقانيص واجد ولا للجربعه الا من ايام يعني ماني متواصل بتطليعها المهم امس رايح اقنص ارانب وحنا بالطريق لقيت جربوع ونزلتها عليه ومشاء الله ابدعت ماخذ قحصتين الا هي طارحتها بعدين لقينا حصني (ثعلب) ونزلتها عليه واطردته والملعوون يراوغ بها للعلم هي ماعندها ذيك الياقه او التدريب لاكن ماقصرة وابطت وهي تطردهـ لحالها طرحته مرتين تعضضه وتهدهـ


الموضوع ياشبااب اني يوم ركبت السلقه لسياارهـ مشينا مساافه الا وقامة تقح زي الي تبي تطلع من حلقها شي واول مرهـ تسويها معي كان فيه شي ناشب بحلقها تبي تطلعه المهم خفت عليها قلت مابي اطرد فيها واستمرت على القح قحه فترهـ بعدين سكتت قالو العيال نزلها على جربوع شكلها طابت مابها خلااف نزلتها وطردته لكن تقل عزمها انخفض عن مستواهـ الاول ومراوغتها ماهي مثل اول مرهـ هديتها طرحته وركبتها ورجعت لها الحاله مرهـ ثانييه ..


العذر على الاطااله


ممكن أفادهـ من الاخوان عن الي حصل..!!


تقبلو خالص تحياتي

[قناص الجزيره]

السلقه لازم هروله ورى السياره عقب مقيض كذا غلط فيه سلق ناس ماتت بها الطريقه هروله اقل شي اسبوع ونص وبعدين تبدى التمسيس لها والشي الثاني قبل المقانيص عليك تهيها تمر وحليب وقلل الاكل الها يعني وسط مش زي اول

[سلطان العوني]

هذا شي طبيعي جدآ
وخاصة ان السلقه ما حمت قبل المطراد
المفروض عليك
اول ما تدخل البر تنزلها وتخليها تركض او تلعب بتلاحظ انها تنزل اللي في بطنها مشها اقل من كيلو بعدين هدها

ولكن لازم تكون السلقه عندها لياقه كافيه على حسب طلعتك
يعني اقل شي قبل المقناص تركضها اسبوعين اول ثلاثة ايام هروله عالخفيف ( تسخين ) وكل يوم زود المسافه على حسب قوة سلقك

بعدين السلقه اذا بذلت مجهود وهي ما عندها لياقه راح تتعب لانها تشوف الصيده وتبيها ما راح توقف لين تمسكها واذا الصيده ارنب خزز بتروح فيها السلقه من التعب
واحتمال يجيها ملع ( تمزق بالعضلات ) واذا جاها ملع راح ياخذ فيها سنه كامله ما تتحرك


اتمنى افدتك

[راعي الهدبا99]

اخوي انت غلطت على السلقه ,,,,,,المفروض انك خليتها تهرول قبل

مثل التسخين,,,,,,,,وبعدين هدها ,,,,,,عاااااااادي

وانت لاحظ الشي هاااااااذا على الانسان ,,,تخيل انك لك اسبوع ماركضت ولا بذلت اي مجهود قوي

وفجاه....بدون اي مقدمات تركض بقوه وتجيب كل ماعندك,,,,,,اكيد راح تتعب تعب قوي



ارجوا ني افدتك وشكرااااااااااااااااااااااااااااااااااا

[صدر الشمالي]

السلقه لازم هروله ورى السياره عقب مقيض كذا غلط فيه سلق ناس ماتت بها الطريقه هروله اقل شي اسبوع ونص وبعدين تبدى التمسيس لها والشي الثاني قبل المقانيص عليك تهيها تمر وحليب وقلل الاكل الها يعني وسط مش زي اول

ياهلاا والله اخووي قنااص

مشكوور على الافاادهـ والمعلومات الجيدهـ بيض الله وجهك وجزاك الله خير

[صدر الشمالي]

هذا شي طبيعي جدآ

وخاصة ان السلقه ما حمت قبل المطراد
المفروض عليك
اول ما تدخل البر تنزلها وتخليها تركض او تلعب بتلاحظ انها تنزل اللي في بطنها مشها اقل من كيلو بعدين هدها

ولكن لازم تكون السلقه عندها لياقه كافيه على حسب طلعتك
يعني اقل شي قبل المقناص تركضها اسبوعين اول ثلاثة ايام هروله عالخفيف ( تسخين ) وكل يوم زود المسافه على حسب قوة سلقك

بعدين السلقه اذا بذلت مجهود وهي ما عندها لياقه راح تتعب لانها تشوف الصيده وتبيها ما راح توقف لين تمسكها واذا الصيده ارنب خزز بتروح فيها السلقه من التعب
واحتمال يجيها ملع ( تمزق بالعضلات ) واذا جاها ملع راح ياخذ فيها سنه كامله ما تتحرك

اتمنى افدتك

ياهلاا والله اخووي سلطان


مشكوور يالغالي ولاقصرة بيض الله وجهك وجزاك الله خير معلومات بمحلها ومفيدهـ يعطيك العافيه

[صدر الشمالي]

اخوي انت غلطت على السلقه ,,,,,,المفروض انك خليتها تهرول قبل

مثل التسخين,,,,,,,,وبعدين هدها ,,,,,,عاااااااادي

وانت لاحظ الشي هاااااااذا على الانسان ,,,تخيل انك لك اسبوع ماركضت ولا بذلت اي مجهود قوي

وفجاه....بدون اي مقدمات تركض بقوه وتجيب كل ماعندك,,,,,,اكيد راح تتعب تعب قوي



ارجوا ني افدتك وشكرااااااااااااااااااااااااااااااااااا

ياهلاا اخووي راعي الهدبا


ماتقصر يالغالي وفعلاً كلامك صحيح اعتقد اني قسيت على السلقه وبذات انها لحاله كانت تطرد

بيض الله وجهك وجزاك الله خير انت وباقي الاخوان

[ابو تمام]

السلقه اوجعتها شكلها تملخت خلها ترتاح اسبوع

[خشف.]

ان شاء الله يفيدونك اعضاء الخيمه اكثر..............

[الأكيدر]

الاخوان ماقصر كفووفو الله يعافيها لك 000

[القحطاني505]

كلام اخوي سلطان صحيح ولاهنت يالغلااااا

[صدر الشمالي]

السلقه اوجعتها شكلها تملخت خلها ترتاح اسبوع

هلا اخوي ابوتمام

لا انشااء الله السقله ماعليها اعتقد اني اجهدتها لانها ماركضة من فترهـ مشكوور على مرورك لاهنت

[صدر الشمالي]

ان شاء الله يفيدونك اعضاء الخيمه اكثر..............

هلا اخووي خششف ماقصرو الاخوان مشكور على مرورك

[صدر الشمالي]

الاخوان ماقصر كفووفو الله يعافيها لك 000

هلا اخوي الاكيدر

مايقصروون الله يعافيك مشكور على مرورك لاهنت

[صدر الشمالي]

كلام اخوي سلطان صحيح ولاهنت يالغلااااا

هلابك اخوي القحطاني

مشكور على مرورك لاهنت