من أهلها ان شاء الله

[بوفياض]

السلام عليكم
انا سمعت الكثير عن المنتدى وقراءت الكثير منه والله ناس محترمين كثير وفاهمين واهل خبرة
انا اول مرة اكتب لكم واتمنا المشورة والنصيحة من أهلها ان شاء الله
اريد نصيحتكم لسيارة اولا للخطوط اسبوعيا الرياض الشرقية وبالدرجة الثانية للبر احب البر والطلعات كثير
ابغيها للبر تكون ممتازة وللخطوط بعد طبعا ما عندي اشتري كروزر 2008 جديد واريد اشتري جديد العائلة 4 افراد
اتمنا المشورة من واقع الخبرة الله يرضا عليكم وشكرا لك

[عاشق Vtc 4800]

هلا بك أخوي .. والله كان تبي الشور لايفوتك الفتك ( الباترول ) بصراحة موتر للبر .. وموتر للخطوط ومريح مرة أريح من اللاند كروزر ...

هذي طبعاً وجهة نضري ... وتقبل مروري ...

[SE.3500]

مثل ما قال
الفتك شي ثاني

[المرابط]

حياك الله
وأنت وصلت وأشير عليك بالفورتشنر عفوا (الفورنمر)
موتر يصلح لعائله صغيره زي عائلتك ورياضي وشبابي
في نفس الوقت وخصوصا السته سرندل نشيط
يطربك في بر وخط ممتاز وداخل المدينه من خفته
ومرونته كنك تسوق كورلا وقطع غيار برخص التراب
طبعا مقارنتا مع الجيوب الأخرى ومنتشر بكثره
وأثبت وجوده في الخليج لو بغيت تشتري
بالحجز يأخذ شهرين ألين يجيك ويكفيك علامة تيوتا
على خشمه شيك .
وشيك على الخاص أرسلتلك رساله

[بقباق]

تبي نصيحتي
خذلك باترل .. ولن تندم
الراحه . متعة القياده. افضل مركب من الناحيه الصحيه لظهرك
وللبر راح تدعيلي ..
واحسن من الاند كروزر ...
لنه دفرنس امامي ومافيه شك ان الدفرنس افضل من العكوس

تحياتي لك

[ذئب اليل]

البترول اريح واقوا وسيارة يعتمد عليها لا كن مدام حجتك لا الربع فراد الفور تشنريصلح في البر والخط ..... وهذ مجرد رئي والله يوفقك

[عاشق السيل]

وعليكم السلام ورحمة الله وبركاته ،،

الآن أنتم أربعة أشخاص ،، وانت تبي سيارة جديدة يعني أقل شي تخليها معك عشر سنوات ،، وبعد عشر سنوات كم يكون عددكم ؟؟؟!!!
( فكرت في هالسؤال اللي كثير من الشباب راح عن باله وبعدين توهق ) ؟!!

يعني مالك إلا سيارة كبيرة مثل اللاند أو الباترول أو اليوكون ونصيحة غيرهن لاتدوّر ،،،

رأيي الشخصي : سوبر سفاري 2008 والله ثم والله تدعيلي ،،

والاختيار لك وتقبل مروري يالغالي .....

[بوفياض]

شكرا أخواني وهذا العشم
الباترول او السفاري سمعت كثير انه رايح يتغير شكل السيارة قريب
في مقولة قديمة الكل يعرفها اذا اردت السفر عليك بالشفر ههههههه
ما ادري شرايكم بالسيارات الامريكية الدفع الرباعي اسعارها مقارنة باليباني فرق كبير واشكالها بعد والديكور الداخلي ياريت يتفاعل الجميع معاي الى الان بس سيارتين الفواتشنر والباترول .

[z a n h o r]

شف يالغالي

الشفر طيب ومريح لكن وقت البر ما مثل الياباني

انت علمنا كم معك نقدر نقولك وش الانسب

سوبر سفاري فل كامل 2007 جديد موجود على 160الف واقل
سفاري 2007 لاقيه جديد على 128 الف بس الون عنابي
سفاري 2008 تلقاه على 140 وحوالياه تزيد او تنقص


السوبر 2008 ارتفع سعره بس مدري الى كم وما هو متوفر

[s3ed]

براااادو وبس

[shababi]

نيسان باترول ملك السيارات

[مرعش هدب]

والله الفتك ما مثله موتر بر ومدينة :d((واذا تبغى بحر)):d وشكل حلو وعزم قوي وخفه و . . .

[شمالات نجد]

فورتشنر مناسب جداً وسعره حلو مقارنه بأخوانه

أربعة سلندر 70 - 87 ألف أكثر من طرازين ويبدأ بـ gx ويوجد منه شيء بدون دبل

سته سلندر 100 - 110 ألف طرازين vx1 . vx2

عندك الباجيرو يمدحونه لولا غلاء قطع الغيار

عندك الباترول GL أربع أبواب

عندك البرادو

عندك الباثفندر

والله يوفقك لما فيه الخير

أخوك أبو عزام

سلام

[كاشخ 24 ساعه]

وش رايك ب CX9