كثرت الكاميرات وضعت بالطوشه

[طلاع]

السلام عليكم ورحمة الله وبركاته .
اخواني خبرتي قليلة بالكاميرات وكل ماركة تتميز مواصفات معينه والصراحه ضعت بالطوشه من كثر الكاميرات دخلت معارض كثيره هذا يذم وهذا يمدح ابي كاميرا لسفراتي ورحلاتي البرية تتميز .
1 ) وضوح الصورة 2) زووم قوي 3) صغر الحجم 4) موميري مساحة كبيره ( لان بعض الكاميرات ماتتحمل موميري مساحه كبيره ) .
ارجوا من الاخوان الكرام اللي يعرف كاميرا بالمواصفات هذه يعطيني اسم الماركة وموديلها .
ولكم جزيل الشكر .

[طلاع]

ماشاءالله 24 شخص اللي دخلوا للموضوع ولكن لا يوجد رد .
ياجماعه ترى الموضوع راي مو فتوى .
ولكم جزيل الشكر .

[الوشاح]

اخوي طلاع حياك الباري وياهلابك ووبأهل الكويت كلهم

لاتزعل علينا وانا اخوك ولاتلومنا المشكله مهب انه رئي او فتوى

لا . . المشكله بالكلام الي قاعدين نردده من مده طويله

والكلام هو نفس الكلام كانون . . ميقابكسل . . نكون . . مانع إهتزاز وهلم جرا

وصلنا مرحلة التشبع !

بينما لوبحث اي عضو عن المعلومه وجد حاجته وأكثر

الرابط اسفل للمشرف زيزوم فصل فيه انواع الكمرات ومايناسب كل مصور

http://www.mekshat.com/vb/showthread.php?t=113018

إقرءه بتمعن وبأذن الله تجد ضالتك

وإذا عندك استفسار بنفس الموضوع ومايقصر مشرفنا

واعذرني على كلامي ولاكن للتبيان فقط

سلامي لقلبك

[طلاع]

يامرحبا ومسهلا فيك يااخ الوشاح وشكراً على مرورك ومرور الاخوان الـ24 .
يااخي الفاضل ادري ان فيه رابط بخصوص الموضوع وان منتدى مكشات فيه كل شي المشكله الاختيار لان ماعندي خبره بالكاميرات الرابط راح يصير مثل المعارض هذا يمدح هذا يذم وانا طلبي بسيط لاني هاليومين مثل فرد حمزه ثاير ثاير انت قولي او احد من الاخوان يقولي وانا شاري شاري ان شاء الله .
واكرر شكري لك وللاخوان الـ24 .

[ابوالجازي]

انا انصحك بالسوني H9 اوH7
ولا تنسانا من نتاجها

[طلاع]

يامرحبا فيك ياابوالجازي ومشكور على مرورك ونصيحتك ولكن الكاميرا اللي تقول عنها حجمها كبير وانا ابي يكون حجمها اصغر .

[zaizoom]

وعليكم السلام ورحمة الله وبركاته ..

مرحبا أخي الكريم / طلاع ، ومرحبا بأهل الكويت كلهم ..

سعدنا بانظمامك معنا ، راجيا أن تفيد وتستفيد ..

.
.

( فرد حمزة .. ثاير ثاير ) مرة وحدة !. << الله يستر بس ..

هدّ أعصابك أخي الكريم ، وما صار إلا الخير ..

السالفة وما فيها إن الأربع وعشرين رجّـال اللي مروا ، أكيد ما لهم علم بالكاميرات ، فكيف تبيهم يشيرون عليك .. هذي نقطة ..

نقطة ثانية ..

إن اللي عارفين بالكاميرات كانوا غايبين بسبب الانتقال للسيرفر الجديد لموقع مكشات ، وقد عانى البعض من صعوبة التصفح حينها ( وأنا أولهم ) ..

والأمور تمام الآن ولله الحمد ..

هاه .. اتضحت الصورة الآن .. وأبشر بعزك أخي الكريم ..

.
.

1 ) وضوح الصورة 2) زووم قوي 3) صغر الحجم 4) موميري مساحة كبيره ( لان بعض الكاميرات ماتتحمل موميري مساحه كبيره ) .
.

جميل جدا ..

حددت نقاط عديدة مهمة ، ولكن لم تحدد الميزانية ، وهذا مهم ..

عموما ..

اقرأ ردي رقم ( 254 ) ، في الرابط التالي ( هـــنا ) ..

وقل لي : أعجبك الرأي ولا لأ ؟. وحنا بالخدمة ..

شكرا لك .. شكرا للوشاح .. شكرا لابو الجازي ..

بانتظارك ..

.
.

[الكنق999]

مشكوووووووووووووووور ...

[طلاع]

مشكور على مرورك اخوي زيزوم ومرور الاخ كنق 999 ، رايك سديد ومنطقي ومقارنه ممتازه بين الكاميرتين وشكرا على هالرابط .
اسف على التأخير لاني كنت مسافر .
واشكر اخواني اللي مروا على هالموضوع .