للي له خبره بالكفرات

[عاشق z71]

السلام عليكم ورحمة الله وبركاته

انا سلمكم الله معي قطع عشره جمس موديل 2000 وودي ارفعه شوي بس المشكله اني رحت ادور كفرات كبيره لقيت اكبر مقاس موجود بالسوق هو 375 \ 70 وهذي الي راكبه عليه الحين


وانتو عارفين رفعة الموتر يبيلها كفر كبير

فحبيت اسال وين تنباع الكفرات الكبيره الامريكيه زي الي يركبونها المرهمات مثلا بس لاحد يقولي اطلبها من برا ابي واحد يبيعها هنا واي نوع عادي مهي مشكله



وياليت الي له علم يقولي بكم قيمتها تقريبا سواء للطقم او للحبه


مع العلم اني بالرياض


واكون شاكر لكم ومننون

[ابوطاقية]

انا ادور مثلك ورحت للغرابي وحصلت تايلندي بسعر 750 للكفر الواحد
واذا تبي كفر رفيع عليك بمقاس 31 والا 33
مثلا 16*12*33
16 مقاس الجنط
12 عرض الجنط
33 ارتفاع الكفر من الجنط

[عاشق z71]

مشكور اخوي بس اكيد في اماكن غيرها

وننتظر الباقيين انشالله يفيدونا وحبيت اسالك انت شريتها ولا وهل تنصحني فيها

ونقشة الي انت شفتها وعره ولا عاديه

[ابوطاقية]

مشكور اخوي بس اكيد في اماكن غيرها

وننتظر الباقيين انشالله يفيدونا وحبيت اسالك انت شريتها ولا وهل تنصحني فيها

ونقشة الي انت شفتها وعره ولا عاديه

لا ما اشتريتها لاني تغاليتها علي تايلندي والنقشه كانت خشنه مثل الي بالصورة

[عاشق z71]

بس تبي الصدق شكله مره حلو وننتظر البقيه يمكن احد يدلنا ععلى امامكن ثانيه للبيع


ولاهنت يالغالي

[هويدي]

عليك بـ بف قدرش صناعته امريكيه

يمدحونه حقين المرهمات ومقاس 33 افضل من 35 صوته بالخط اخف

ووين تحصلهن ان شاء الله الشباب يفيدونك بس انا قد شفت طقم جديد بأحد محلات التزويد بالرياض اللي بحي بالربوه والريان واسعارهم ارخص من اللي لقى خوينا ابو طاقيه

[عاشق z71]

اخوي هويدي ياسلام عليك انا ابي زي الي يركبونها المرهمات تكفى دلني على المحل الي لاقيها فيه


ولاهنت الغالي