هام جدا لاهل الباترول

[ابوجهاد]

عندي باترول موديل 2005 ويهرب زيت من العكس لدرجة اني أزود زيت الدفرنس كل اسبوع وقد غيرت الصوفه الداخليه والخارجيه ثلاث مرات بالاضافه الى خرط العكس ولم تنحل المشكله وقال بعض المهندسين يلزم تغيير الدفرنس اشيروا علي يا أهل النخوه جزاكم الله خير

[عبدالله9999]

فيه واحد في الصناعية القديمة باكستاني شغله على كيفك ودي انك تمر عليه قبل ما تغير الدفرنس قوله الي سويت كله وانشاء الله بيعطيك شورة ان صار بيصلحه لك اشرط عليه انه لو ما ضبظ ماله ولا ريال وانا ماوصفتلك هذي الورشة الا ان فيه واحد من اخوياي كان عنده نفس المشكلة في سيارته وحلها له بس سيارته مهي جيب لكن كل الورش قالو له غير العكس الامامي لانه كان فيه صوت وما بقا شىء ماغيروة له الورش الى كان يتعامل معهم الين طاح على هذي الورشه ولا راح الصوت وهو حل المشكلة من دون تغيير العكس وانشاء الله انك تلقاء عندة الحل للسيارة
وموقع الورشه ياطويل العمر وانت جاي من طريق الخرج ووقفت عند اشارة القزازين لف يمين بعدين بيجيك دورا على اليسار وقدامه مدخل الى الورش الي بوسط الحارة ادخل معه وامش الين ماتجيك ورشه على اليسار في الزاوية وما يحضرني اسم الورشه ولا لكن الهندس اسمه اجاويد وانشاء الله تلقا الحل عنده من دون تغيير العكس وعلى فكرة اسعارة معقوله

[المميـز]

لالالالالالالالالا ,, لا تغير الدفرررنس ولا شي

الحل بسيط ان شاء الله

توقعاتي ان الدفرنس جايته ضربه ومايل شوي

ومع الميول هذا العكس يصير مهب راكب صح بمكانه

وبهذا السبب يقوم بالضغط على الصوفه ويخليها تنشق

نصيحتي لك وماراح تخسر صدقني امره بسيط

حتى لو مايل فيه محل بتشليح القصيم - بريده مهندس سعودي

يعدل الدفرنسات ويعالج مشاكلها كلها

حتى بعض الورش اللي فيها جنسيه تركيه يقولك لازم تغير الدفرنس ولكن المهندس السعودي يعالج هذه المشكله

المهندس ابو عبدالله الصمعاني ماشاء الله عليه
هذا رقم جواله 0500241000 وهذا رقم السوداني اللي عنده 0555149835

ولا تنسانا من خالص الدعاء

<<<< يالخدمه