وكريه 14*14 طراد

[أبو ممدوح]

السلام عليكم ورحمة الله وبركاته
يوجد وكريه 14*14 طراد وسبوقه على الحمام وصامله بالحيل
جاء فيها صيحه لها شهر من المربط واذا ما تدهلت تكوش على العلف
والصور ان شاء الله قريب انزلها

[أبو ممدوح]

وهذي صورها وان شاء الله انها واضحة

[جارح العين]

مشاء الله
الي يشوفها يقول جرودي
الله يرزقك بالسومه الطيبه

[Shadw]

مشاء الله تبارك الرحمن

افتح باب السوم
1200 شرط تجيبها لمنفذ جوازات النويصيب - الكويت لانه ما معي ورقة

[Shadw]

كم صارلها يوم طالعه من المربط ؟

وانا صامل بالشرا

[Shadw]

واتمنى منك اتسويلها فل تشك معا توقيع الدكتور والتاريخ وختمه

وشلون طبعه بعد المربط تغير ولا مثل ماهو ؟

اتمنا منك تجاوبني بسرعه

وتضيفني على الايميل

[أبو ممدوح]

هلا اخوي shadw بالنسبة للتوصيل ما أظن ان راعيها يوصلها لأنه ما باعها الا عشان يصلح موتره
وسومة طيبه من رجال وافي
الطيره طلعت من الربطة من زمان وقصدي انه ربطها الحين بعد ما خلص مقناصه
بالنسبه لطبعها بعد الربطه ما تغير
واي استفسار انا موجود

[همس الرعد]

يا ابو ممدوح انا عندي ب 1000 ريال بس ان كانت بالرياض وغير الرياض الصراحه ما اقدر الا ان كان بتصبر للاجازه

[Shadw]

تكفا ترا تكفا تهز الرجاجيل ولولا ظروف الوقت ماقلت تكفا

[أبو ممدوح]

يا ابو عزام وش فيك يا خوي انت مصتقصد انك تداخلني في كل بيعه المرة الي فاتت سمة ب 1000 في موضوع وكريه وحش للبيع وارسلت لك رساله على الخاص وباركت لك الطير وقلت لك انه من حظك لكنك ما رديت علي
والحين تسوم ب1000 ريال والسوم واصل 1200 ريال افرق السوم وابشر ما نقصر معك
وبعدين تعال وش تقصد ان كانت بالرياض وغير الرياض الصراحة انا ما اقدر الا ان كان بتصبر للإجازة !!!!!!!!!!!!!!!!!!!!!!!!!!!!!!!!!


shadw
يا هلا ومثل ما ذكرت الطيره ماهي لي والله لو انها لي تراك تأمر عليها

[M o b d a]

فيه فرق وأنا أخوكاللى سام بـ 1200 ما هو حولكيعني تقدر تقول دخل رسوم النقل مع السومه والحين تقريبا فتح باب السومه بـ 1000معليش على المداخله وأنا أخوك .. بس حبيت أبين لكموالعذر والسموحه ..

[همس الرعد]

حرام عليك يا ابو ممدوح ذيك المره قلتلي انها جابت حقها وزدها شوي وانا والله ما كان معي اني اقدر ازود وهالمره وانا اخوك هذا يقول 1200 بس توصلها للحدود وورقه كشف وورقة دخول من الجمارك وانا اقول اجي اخذها منك ...
ارجو انك ما تفهمني غلط

مع فائق احترامي ابو عزام

[أبو ممدوح]

مشكور اخوي مبدع على المداخله والله يجزاك خير

ابو عزام حياك الله وعلى العموم ما صار الا خير وسومتك طيبه من رجل طيب والله يرزقك بأحسن منها

[التميمي 2009]

ماشاء لله هذي وافيه من الوكارى النجديه الاصيله الله يطرحبها البركة

[شبيه الريح 99]

مشا الله يبو ممدوح ما تجيب الا الزين لاكن عليه 1500 اخوك شبيه الريح /ان بعت انا شراي