تغبيرة السيارة

[alblsam0409]

السلام عليكم 00ياشباب أشاهد بعض أصحاب السيارات يضعون على الكبوت والغمارة والصدام ملصق يحمي السيارة من العواصف الترابية والبعض يضع ما يسمى تغبيرة على السيارة أيضا تحمي السيارة ولكن أسمع بعض أنواع التغبيرة تضرجسم السيارة 00 مارأى الشباب 000أين نجد المحلات التي تهتم أومتخصصة في هذا الموضوع في الرياض والقصيم 000وكما تعرفن الأجواء المناخية الحالية.. شاكرا ومقدر مشاركات الجميع 000 أخوكم البلسم

[موادع الشرقيه]

حياك الله اخوي البلسم
بانسبة للتغبيرة اتوقع انه مامنها فايده وماقد جربتها
لأن مره رحت لمحل زينة وسئلته عنها
وقلت :التغبيرة هذه تضر السياره او منها فايده
قال: والله ما ادري بس الناس يجون ويقولون حطها وأحطها ولا ادري وش الفايده من عدمها

بس فيه شي تلقاه عند محلات الزينة اسمه القناع الذكي
وهو قناع شفاف تحطه على وجه الموتر ويحميه من الغبار بإذن الله

اتمنا اني افدتك
وما نستغني عن اراء الاعضاء
تحياتي لك

[شروكي ربع]

والله يالغالي الانواع واااااااااااجد ..

منها الخفيف والثقيل ..

جربت انواع كثيرة ,

الثقيل منها يبهت البدي ولون الوكالة ولا يزول الا بالحسرة ( تغسيلة مشكلة ) ,

والخفيف تمسك الخط يروح نصه ولا اذا جت ريحة مطرة اختفت التغبيرة .

طبعا الخفيفة والثقيلة ممتازة لمواجهة الغبرة في الخط وتخفف الكثير من أثر على السيارة .

والفيري مشكلته مشكله يدخل على الانوار بطريقة سحرية واذا ما غسلته اول ما توصل سلملي على موترك , وغير كذا فائدة بسيطة .

الخلاصة مالقيت الى الان شيء زين .

يقولون في بخاخ تشميع الوجهه ويستخدم مرتين وسعره 35 ريال ..

بس ما قد جربته للامانة .

[موادع الشرقيه]

.

يقولون في بخاخ تشميع الوجهه ويستخدم مرتين وسعره 35 ريال ..

البخاخ هذا اذا حطيته على السياره يجمع الغبار والوسخ ولا تقدر تشيله الا اذا غسلته بديزل
(مجرب)

[alkongrs]

انا جربته تغبره والله حلوه بس خفيف يوم وصلت على طول مغسله وراحت بس انصحك بالبرقع ازين واضمن

[خالد030]

أخوي البلسم أنا أعتقد مافيه مثل البرقع أو الشحم
لان زي ماتفضل أحد الاخوان التغبيرة مشكلة وتبهت البوية ولاهي عملية تلقاها داخل الكبوت وحسرات لما تروح00000000

[ناصر العدواني]

عليك بتفصيل برقع للموتر
ويكون مشدود ولا يهز مع الهوا يحك عليك بوية البودي
وترى يضيع السرعه على رادار أمن الطرق
إسأل مجرب
وبرضو التغبيره تضيع السرعه على الرادار بس ماتحمي الموتر

[راعى الاخضر]

<<<<< بسم الله الرحمن الرحيم >>>>>

أنصحك ياراعى التغبيره بعدم وضع أى من الشحم أو الفيرى لأن الفير مصنوع من مواد كيماويه مضره لذلك بعد غسله تجد إختلاف كبير بين البويه المشبعة بالفيرى والبويه التى لم يصلها شئ من الفيرى وكذلك مادة الشحم

أولاً إتساخ السياره الخاصة بك وثانياً كل الناس التى ستتعرض لشئ من الشحم الموجود سيقوم مباشرتاً بالدعاء العائد عليك بالضرر ولو مستقبلاً ......

البرقع أقرب شئ عمله ولا كن له سلبيات منها سيقوم بعمل خطوط من أثر السرعه على كبوت السياره .

أما عمل الملصق له سلبيات عند الفك لا يخرج بسهوله لوجود مادة الغراء .

ولاكن أقرب شئ وأسلم شئ من هذه الخيرات أن تعمل رشه متوسطه وذلك بشارع الغرابى الشارع الثانى تأخذ يمين وتحصل أكثر من واحد يعملون لك هذه الرشه .

ولكم جزيل الشكر

راعى الاخضر

[ابويزيد11]

فيه محل بالنسيم شارع النخيل مقابل مركز رامز

اسمه المنصور لزينة السيارات

عندهم انواع التغبيرة وصراحة صاحبة رجل متفاهم جدآ

[z a n h o r]

شف يالغالي ..

جربت انواع واشكال

البرقع : تركيبه صعب ويشوه منظر السياره

التشميع : بلشت فيه ما طلع الا بطلعة الروح

التغبير : يخف بالخط ولا جيت تغسل الموتر يبلشك يالله يطلع ( يصير بالزوايا حقت الشبك والانوار )

الفيري : جربته ولا حسيت بفرق كبير بعد ما غسلت السياره

جربت القناع الذكي : هذا حلو وزين لكن عيبه غالي و مكلف العلبه بـ35 وتكفي سيارتين تقريبا ( عيبه يروح مع الماء )

الان ركبت واقي تبع زيبارت وباذن الله هو الحل المثالي باذن الله

سعره : 650 ريال ( يعني يوفر لك تقريباقيمة 15 علبه من القنع الذكي )

ميزاته : ثابت + شفاف ( ماياثرعلى شكل السياره ) + اذا بغيت تشيله ترجعه لهم وهم يفوكنه لك

عيوبه : انه ما يحطونه على الصدام ولا على الشبك ( على الكبوت واطراف الرفارف والانوار مع الكبوس فقط )

* فيه شركه بالشرقيه عندهم نفس فكرة الواقي هذا لكن يشمل اجزاء اكثر وعلى حسب اختيارك

[ابوصنهل]

ياخوي مثل ماقال بعض الأعضاء لاتحط الا برقع
تقبل مروري

[FJ CRUISER]

الاعضاء اللي قبلي ما قصروا كفوا و وفوا

انا عندي اضافتين على اللي قالوا

الاولى فيه الشمبو الاحمر اللي يجي في قاروره قزاز انا ما جربته بس اعرف ناس مجربينه ويمدحونه

والثانيه النشا اللي يستخدم للشماغ ( مريتو ) بعد نفس الشي ماجربته ويمدحونه

وحبيت ان انقل لكم المعلوماة للفائده

تقبلوا تحياتي

[brhoom373]

يالغالي انصحك اذا غبرت ووصلت للمكان الذي تريد غسل سيارتك يقولون والله اعلم انها تخلي البويه تبهت

[xahmaedx]

ياجماعة الخير انا غبرة الموترة وخليته 3-4 ايام وغسلت ولا يوجد اي مشكله