طلب المساعده من اهل الخبرة

[عاشق الخلاء]

السلام عليكم ورحمة الله وبركاته
بحكم خبرتي في هذا المنتدى ومعرفتي بطلاعه وشموله على اكثر المواضيع
فإني اضع مشكلتي بين يدي اخواني المكانيكيين الخبراء حتى لا اصبح فريسه لعمال الورش
مشكلتى والله واعلم ان الدسك او الكلتش بدأ يضعف عندي
طبعا سيارتي نسيان جيب موديل 88 باترول
المشكله احس انه عند قومة السياره يالله تقوم تنتفض حتى وهي بالنمره الأولى واحيانا اشم ريحه الظاهر انها ريحة الكالتش
ارجو افادتي واذا كان العطل معلوم وش المطلوب مني عمله مع التوصيه على القطع او الورشه المتخصصه
ولكم جزيل الشكر .

[shaheenshah]

اذا دعست بنزين تحس انك حابس على الكلتش فهذا دسك وصحن كلتش وفحمة والشغلة سهلة جداً ما تستاهل انك تشيل هم بس عليك بالاصلي
واي ميكانيكي يصلحها لك

[عاشق الخلاء]

اخوي شاهين الله يعافيك على سرعة الرد ويطمنك بس
عادي مااحس اني داعس كلتش بس مثل ماقلت لك فيه رعشه يعني نفضه بالموتر عند القومه
واذا ماعليك كلفه الشغل اللي قلت كم تكاليفه تقريبا

[معترض الشعيب]

- تأكد من ( شوكة الكلتش ) اللي تجي ورى صحن ا لكلتش

إذا انت راعي نفود ومرقى
أحمد ربك أنه بدى يجاوب داخل الديره موب داخل البر

___ لو تعطل بالبر ماتجيك السطحه لو بـ ألف ريال ___ تعرف ان الله حق

[عاشق الخلاء]

ول وين اهل الميكانيكا وين الشقرديه ...
ابي رأي سديد بدون قصور باللي ردوا .
عطونا ارائكم واحتمالاتكم .

[NissaN 1990]

الله العالم إنها بواجي وبليتين ،،، والنيسان ما يأثر عليه الدزك والكلتش ما هو مثل التايوتا يطلع ريحه ولا يمشي ،،، النيسان مكشلته في البواجي والكربريتر


آسف على الإطاله وأتمنى أني أفدتك ،،،

[عاشق الخلاء]

الله العالم إنها بواجي وبليتين ،،، والنيسان ما يأثر عليه الدزك والكلتش ما هو مثل التايوتا يطلع ريحه ولا يمشي ،،، النيسان مكشلته في البواجي والكربريتر


آسف على الإطاله وأتمنى أني أفدتك ،،،

نيسان 1990 بيض الله وجهك يقولون الرجال من وصل ماابطا
تصدق عاد اني شاك في البواجي والبليتين بس معقوله تكون لها علاقة بقومة الموتر يعني تسبب نفضه وقت قومة الموتر

[NissaN 1990]

أنا كانت عندي مشكله قريبه من هذي المشكله وهي أن الموتر يبي يطفي حتى وهو واقف وشغال وإذا مشى وجيت مع لفه وسيعه وهو بالثالث تلقاه يقطع و يقطع حتى وهو بالخامس وشاد حيله يعني يمشي بسرعة 140 مثلاً
المهم ومر الوكاله وآخذ بواجي ب 30 ريال أصلي
وآخذ بليتين 15 ريال أصلي
وأخذ بخاخ إسي ديلكو للكربريتر ب 15 ريال أصلي

وأروح لواحد أعرفه ميكانيكي أسمه أبو تركي وأخليه هو بنفسه ينظف الكربريتر والهندي يفك البواجي ويركبها وخليته بعد هو بنفسه يوزن البليتين
وبعدها أرتاح الموتر وصار صافي ما شاء الله عليه صرت ما أخليه يطفي أستانس لصوت المكينه إذا صار شغال

آسف على الإطاله بس بغيت أوضح لك وش صار معي بالضبط