₪₪ يا الخبراء بأنوار الباترول وبالأخص السوبر سفاري عندي سؤال ₪₪

[باترول للأبد]

السلام عليكم ورحمة الله وبركاته

الله يصبحكم & يمسيكم بالرضا والنور والسرور أخواني أهل مكشات

سلمكم الله أن عندي سفاري 2003 وشكله الخارجي سوبر سفاري وعليه دعاميه وأستكرات وعلامة سوبر سفاري وفيه فتحه لأنه خليجي

وفي شي مخرب علي ومخلي شكل الموتر مبين أنه سفاري مب سوبر وهو الأنوار الأماميه وأنا ناوي أركب أنوار سوبر لأن شكلهم حلو ويكملون الشكل

لاكن للأسف أنه ماعندي الا واير واحد للشمعه وأنوار السوبر سفاري فيهم عالي وواطي يعني وايرين واير للعالي وواير للواطي ,,

فسؤالي أقدر أرهم واير ثاني للعالي والواطي بركبه زنون أو أني أركب شمعه وحده عالي واطي وأخليها بالواطي شكل والعالي بيتم فاضي

وهذي صوره لأنوار السوبر سفاري وشوفوا شكلهم وأنوار السفاري موجودين على موتري بتوقيعي



وأن شاء الله أنكم فهمتوني وبتفيدوني ,, والسموحه منكم

[باترول للأبد]

السموحه منكم غلطت في محل الموضوع وأتمنا من المشرف ينقله لمكانه الصحيح

[algreeb]

يمديك توصل سلك من السلك الاول يسير العلي لوحده والواطي لوحده

بس نصيحه لا تلعب بالكهرباء حقت السياارة

[باترول للأبد]

بيض الله وجهك يا أخوي وأنت خوفتني من سالفة الكهرب

[راعي طويلات]

أهم مافي الموتر الكهرباء وإذا أنلعب فيها راح الموتر
لذلك خله على وكالته أو ركب شمعات سوبر سفاري

[مقلع الرمث]

اخوي الناس غيرت مكاين منت عجز تركب فيش للنور اقولك شي عادتن الظفيره تصير وحده سواء للسوبر ولا للعادي لذالك راح تحصل الفيش حول النور تحصله انشاء الله

[التعـ King ـديل]

اخوي الغالي تبي نور يعيش ولا تبي تشخص

اذا تبي النور يعيش فتره طويله معك وبدون خساير خله زي ماهو بدون زينون

واذا تبي زينون اشتر الشماعات حقته لان الموتر اللي معك مغيره شماعاته من زينون الى عادي

[باترول للأبد]

بيض الله وجهكم يالربع وأن شاء الله بشوف الترتيب عن قريب

وبالنسبه لأخوي عسول أنا موتري مافيه زنون شد بلد وبركب له زنون مع الأنوار

[ABO AL-HESH]

السلام عليكم ..
اخوي باترول للابد انا معي سوبر سفاري 2005 زنن عالي وواطي بشمعه وحده ليش ماتركب مثله احسنلك من الخساير

[عاشق السيل]

وعليكم السلام ورحمة الله وبركاته ،،

إذا بغيت الطريقة تنجح معك زي الوكالة للسوبر خذ نصيحتي :

ركب شمعات كاملة حقة سوبر ومن نفس السلك اللي راكب بالفيش الأول تلقى ثلاث أسلاك واحد واطي واحد عالي واحد أرضي ( سالب ) ماعليك إلا إنك تسحب سلك الواطي وتركبه على جهاز نظام الزينون ( السستم ) وطبعا الجهاز يحتاج لسلك سالب ،، ومن الجهاز تطلع أسلاك خاصة وتروح لشمعة الزينون الجديدة اللي ركبتها وبعدين تسحب سلك العالي وتركبه على شمعة العالي العادية مع سلك السالب ويصير العالي عادي مثل السوبر والواطي زينون مثل السوبر أيضا وبكذا اكتمل شغلك وصار تمام ،،

هذي الطريقة بالضبط لكن إذا بغيت نصيحة أخو ومن القلب لاتغير بسيارتك أي شي وخلها على شد البلد ترى أنوار الزينون غثيثة وتحتاج لصيانة بكثرة ومكلفة ماديا ،، وأنا معي سوبر وأفكر أركب شمعات عادية !!!!

هذا اللي عندي وأتمنى إني ماأخطيت بشي وتقبل مروري يالغالي ...