إلي يعرف بالبالون يدخل......

[أبو طلال-نقوه]

السلام عليكم,
يا أخوان عندي وانيت2001 ,4أبواب GMC وأبحط له كفر بالون وش أطيب نوع له, إلي يتحمل أكثر من 6 شهور و يشيل وزن زايد و هل لازم أعدل شئ بالموتر؟..... ويعطيكم العافيه.

[حرب]

مساك الله بالخير اخوي ابو طلال
والله انصحك اتركب ماكسس 8غاط اهم شي لان فيه 6غاط بس مايتحمل ومن ناحية السياره مايبيلها اي تعديل

[بيبسي]

http://www.mekshat.com/vb/showthread.php?t=141671 اخوي هذا الرابط ادخله لان فيه نفس الموضوع

[عاشق السيل]

إذا قدرت تصرف النظر عن البالون تراه أفضل لك ،،،

لأن البالون خطير وقت المطر وغير راسي بالخط ويسبب رجة بالسيارة ويثقل من عزم الموتر ،،،

وميزته الوحيدة إنه لايمكن يغرز !!!

هذي مجرد نصيحة والاختيار لك وتقبل مروري يالغالي .....

[راعي هوى]

والله ياخوي انا مجرب الماكسس على التاهو والحمدلله ماشي معاي
وبالنسبه للانواع الباقي ماجربتها بس حبيت اوضح انه الماكسس جيد على الامريكي من خلال تجربتي
واذا احتاج لرفع واظن انه ما يحتاج فهناك البراغي الاماميه ترفعه
وتقبل مروري

[سيف الظفير]

والله ياخوي انا مجرب الماكسس على التاهو والحمدلله ماشي معاي
وبالنسبه للانواع الباقي ماجربتها بس حبيت اوضح انه الماكسس جيد على الامريكي من خلال تجربتي
واذا احتاج لرفع واظن انه ما يحتاج فهناك البراغي الاماميه ترفعه
وتقبل مروري

لو سمحت وين البراغي الاماااااااااامية للجمس السوبربااااااااان

[ناوي نيه]

لو سمحت وين البراغي الاماااااااااامية للجمس السوبربااااااااان

معليش على المداخله وبعد اذن راعي الموضوع
توجد تحت السواق البناشر يعرفون بس المشكله انا رحت قالي ما أضمن اشد البراغي لازم لها طريقه
وياليت الي يعرف يتكرم

[بيبسي]

افضل كفرات بالون على الاطلاق سيام تاير 900/16 8غاط سعر الحبه 500 الى 520 بس اخذ من اللي يجيبها الوكيل وعليها ضمان سنه وهذي ان شاء الله تعيش اكثر من سنه ..بس الله يعينك على الرجه

[ماجد الهلالي]

ركب ماكسس او سيام تير ممتازات ومجربات تقدر تركبهن تيوبلس وتحط فيهن بخاخ مكان تعبيه الهواء تحصله عند ساكو او بالغربي كل كفر تعبيه واحد وتمشي بالموتر 10 دقائق وبسرعه 60 على شان يتوزع الغراء داخل الكفر على شان تخف الرجه ولا ينقص الهواء ابد البخاخ شكله واضح مرسوم عليه كفر وله لي خاص بتعيئه اهم حاجه لا تاخذ بخاخ الا امريكي

[أبو طلال-نقوه]

شكرا لكم جميعا و يعطيكم الصحه والعافيه...

[بيبسي]

اخوي بريق مسروق البخاخ وشو هو هل هو اللي يعبى بالكفر اذا بنشرت وهل فعلا يقلل الرجه شوي لاني مركب سيام تاير وكل شي اوكيه ماعدا الرجه لان اللي مركبه له شكله غشيم وش رايك ارصصه ارضي او احط البخاخ

[بيبسي]

اخوي بريق مسروق البخاخ وشو هو هل هو اللي يعبى بالكفر اذا بنشرت وهل فعلا يقلل الرجه شوي لاني مركب سيام تاير وكل شي اوكيه ماعدا الرجه لان اللي مركبه له شكله غشيم وش رايك ارصصه ارضي او احط البخاخ ... واللي يعرف لا يبخل بالرد ....