حرارة اليوكن

[البدائع ديرتي]

تكفون الفزعة عطون حل للحرارة والورشة الزينة

[ملاحق السيول]

أنصحك تروح للوكاله إن كان جديد

[دكتور بر]

كم موديله ؟؟

[راعي المقانيص]

حرارته وين توصل ياغالي وكم موديل الموتر وهل هو سعودي والا امريكي ؟ ؟ ؟

[البدائع ديرتي]

موديلة 2001
امريكي
والحرارة توصل 3|4 وشرطتين واذا سكرت المكيف ترجع الى بعد النص بشوي

[Magellan]

موديلة 2001
امريكي
والحرارة توصل 3|4 وشرطتين واذا سكرت المكيف ترجع الى بعد النص بشوي

أخوي قد فكيت دبات التلوث ونظفتها ورجعتها مرة ثانية
والحرارة لها مسببات كثيرة
1- البلف
2-غطاء الراديتور
3-تصييخ الراديتر

أنا أعتقد إن مشكلتك أغلب مالها كلتش المروحة ،،،
للكشف عن صلاحية الكلتش، شغل السيارة لمدة خمس دقايق ثم طفها ، ثم حرك المروحة بيدك إذا كانت حركتها سريعه فالكلتش محترق ويلزمك تبديله ، إذا كان ثقيل فهو صالح

[راعي المقانيص]

طيب اذا مسكت الخط والمكيف شغال تبقى الحراره نفسها مرتفعه والا تنزل ؟ ؟

الله اعلم انها المروحه يمكن فيه مشكله في الكهرب وماتشتغل مع ارتفاع الحراره

واذا ماكانت من المروحه انا اتفق مع كلام اخوي ماجلان

وان شاء الله تبي تزين امورك وانا اخوك

[فني الشروكيات]

عطنا تفاصيل المشكلة، تجد الجواب الشافي بإذن الله ..

[البدائع ديرتي]

هلااخوي فني الشروكيات
جمس يوكن امريكي
موديل 2001 اكس ال
ترتفع حرارته ثلاثة اربع وشرطتين
الاسبوع الماضي سافرت عليه حرارته دون النص بشرطتين
هل تركيب المراوح حل
هل تسييخ الرديتر حل
هل
هل
هل
اه تكفون اريد حلاً لمشكلتي

[البدائع ديرتي]

اخوي ماجللان سويت الطريقة شغلة السيارة لمة 15 دقيقة ثم حركة المروحة
الحركة نوع ماهي ثقيلة مرة تدور باليد لكن اذا شلت يدي توقف على طول

[ابوعقل]

السلام عليكم

انا عندي جمس 2006

سعودي

الحراره الظهر والسياره واقفه والمكيف شغال على الثلاث ارباع

واذا مسكت الخط رجعت على النص و تحته بشوي

بس وشو نوع الماء اللي انت حاطه داخل الرديتر((الأديتر))

اذا عادي رح غيره و صيخ الرديتر

وحط ماء احمر

اصلي تلقاه عند قطع الغيار

[سوبر VTC]

لا يكون الاديتر صغير بحكم انه امريكي رصه واحده او البلف معلق خربان

[البدائع ديرتي]

اخوي فني الشيروكيات وينك ان مستعجل على الرد

ومشكورييييييييييييين على اهتممكم

[Magellan]

أخوي مو بالضرورة إن الإختبار يكون صحيح 100% لكلتش المروحة إذا كان ثقيل في الحركة ، قد يكون ثقيل ولكن لايدفع الهواء بالشكل المطلوب وأنا سبق لقيت ناس إشتكوا من حرارة المواصفات الأمريكية ولقوا الحل بعد تغيير الكلتش للمروحة على الرغم إن فيها نص عمر ، لكن تبغى حل غير مكلف اللي هو تغيير البلف لبلف كابرس 96 ممكن يحل المشكلة...
بالنسبة للرديتر لاتغيره لأن شد البلد ممتاز حتى لو كان مواصفات أمريكية وكل اللي موجود بالسوق مضروب للصناعة المحلية والوكالة غالية..
بس نصيحة إذا كانت الحرارة فوق النص فعادة يكون أحد الأسباب التالية:
1-كلتش المروحة وتكون ضعيفة
2- لابد من تسييخ الرديتر ووضع مويه أصلية حمراء أو خضراء مخلوطة بماء مقطر
3- البلف خربان
4- دبات التلوث(الشخالات) تكون متسخة وتحتاج لفكها وتنظيفها ثم إرجاعها في الشكمان وتلحيمها ..

[البدائع ديرتي]

يوكن XL
موديلة 2001
امريكي
والحرارة توصل 3|4 وشرطتين مع المكيف واذا سكرت المكيف ترجع الى بعد النص بشوي
الرجاء التفاعل الله لايهينكم............