استفسار عن جيب الأنفنتي Qx4

[أبو وافي]

السلام عليكم ورحمة الله وبركاته

ودي أسال اللي جرب جيب الانفنتي Qx4 موديل 2001أو2002أو2003 (اللي يشبه الباثفندر)

عن قطع الغيار غالية ولا رخيصة
وهل هي متوفرة
وخرباته واجد ولالا
ورساوته على الخط
وهل هو نشيط ولا ثقيل

والله يجزاكم خير

[أبو وافي]

هذي صورته للي ما يعرفه

[أبو فهد11]

أخي العزيز أبو وافي السلام عليكم

طبعاً فيما يخص Qx4 فأنا شخصياً

من الاشخاص الذين جربوا هذا النوع

والموتر ما عليه كلام

خذ فخامه ورساوه مشاء الله

وأنا شخصياً رجعت من الطائف إلى الرياض

بسرعه عاليه جداً ( 200 ) ولم أنزل عن هذه السرعه حتى وصلت الرياض

والحمد لله الله ستر علي ولن أتعودها مرة آخرى

والموتر نشيط وخفيف نفس ما فيها كلام

أمــــا من ناحية القطع نفس قطع الباث فندر المكانيكيه

حتى الفرامل كنت أغير فرامل باث فندر

لكن الاختلاف في الاكسسوارات مثل انوار الزنون

والاسطب الامامي والخلفي والرفارف اللي على البدي

ونصيحه إذا الموتر نظيف توكل على الله وخذه ( نصيحة مجرب )

لكن مشاكله نفس مشاكل الباث فندر

وأهم مشكله وهي مشكلة ثلاجة المكينه ( لحم مسامير الثلاجه )

أتمنى أني قدمت لكــ كل ما تريد

وبالتوفيق أخوي

وأي خدمه أنا حاضر

أبو فـهــد11

[أبو وافي]

بيض الله وجهك يا أبو فهد
وتسلم يمناك وماقصرت يالغالي

[سحابه]

ابو وافي
اخوي ابو فهد ماقصر

[ابو وافي 444]

ما ودك تعطيني معرفك هديه :d

[ghareeb]

السلام عليكم ورحمة الله وبركاته

ودي أسال اللي جرب جيب الانفنتي Qx4 موديل 2001أو2002أو2003 (اللي يشبه الباثفندر)

عن قطع الغيار غالية ولا رخيصة
وهل هي متوفرة
وخرباته واجد ولالا
ورساوته على الخط
وهل هو نشيط ولا ثقيل

والله يجزاكم خير

أنا معي إنفنتي 2001 وكان معي قبله باثفايندر ونفس الشيء ما فيه أي اختلاف إلا الاكسسوارات أما الرساوة والراحة والقوة وقطع الغيار فنفس بعض
الاختلاف الميكانيكي الوحيد في الدبل فهو أضعف شوي وما يتحل الجور مثل الباث لأن دبل الإنفنتي فرار
ومشكلته بصراحة في السي دي إذا خرب مستحيل تلقا أحد يصلحه وديكوره جاي غريب لو غيرته يشوه لك السيارة

[المحترف...]

اذا تبي نصيحتي انا معي 2003
خذه ولا تشاور فخامة ونشاط و رساوة
و الدبل صح انه فرار بس ماقد شغلته وقال لا

[qx55]

يا رجال توكل على الله واشتر الموتر ترى نفس الثفاندر اللهم الاكسسوارات مثل ماقلوا الاخوان