2 في 1

[غالي]

السلام عليكم ورحمة الله وبركاته






وهذا عاد ماشاء الله




ــــــــــــــــــــــــــــــــــــــــــــــــــ ــــــ
ثانيا:
لكل من يعتقد ان البازعي يأتي بسيارات خليجيه
اليوم تم الاتصال باحد الاخوان بوكالة عبداللطيف جميل
وافاد بأن البازعي موزع له لاغير
وسعر الاندكروزر جي اكس 8 سلندر كان بمبلغ 178000 ريال
واما الان بالمعارض وخصوصا معرض البازعي ب 193000 ريال

ماذا تستنتجون؟؟؟؟؟؟؟؟؟؟؟

إليس البازعي يحل محل الوكاله؟ لانه موزع له؟
إليس يوجد لديهم سيارات؟ ومن قام بسؤالهم عن السيارات قالوا مافيه وطلبيه؟؟
انا باعتقادي كل هذا لف ودوران من المصنع بالاتفاق مع عبداللطيف جميل بالخليج
لكي يرفعون الاسعار ولحد يتهاون شباب بكلامي
ترا الف سياره بزيادة فوق 20 الف ريال عليكم الحسبه
20000*1000=20000000 ريال
وحسبي الله ونعم الوكيل

[ابوعقل]

كلامك صحيح

هذي حركه مسويها عبد اللطيف جميل مع الموزعين

ولا المعارض مليانه جيوب والسعر مرتفع مره

مشكور على الصور

بس كم الأسعار

[غالي]

شرفني مرورك اخوي ابوعقل
اما السيارات الي حطيت صورها مصورها من معرض سيارات
اعجبتني صراحه هالسيارتين ماشاء الله تبارك الرحمن قلت تشوفونهم خصوصا ان موديلاتهم جديده

ولا سألت عن اسعارها كان يوم خميس وزحمه عندهم مشغولين مع اشخاص وطلعت بدون ما اسألهم

[بيبسي]

لا تلومون عبداللطيف جميل ماله ذنب .... الشريطيه يحجزون بالكميات قبل لاينزل وكاش ... ويجمعونها عندهم ... وطبعا الوكيل يبي يبيع بسرعه وكاش مايبي يحتري الشعب الين يفضى له ويحن عليه عشان يجي يشتري ... اول مانزل الــ2008 قالوا بايخ ومايصلح والعالم قامت تشتري الـ2007 والوكيل قاعد يكش ذباب والشريطيه هم اللي جوا واشتروا وانا صار معي نفس هالموقف ... حجزت اف جي ابيض بــ110 اول مانزل طبعا فيه شريطيه شروا قبلي وعرضوه بـ135 شفتوا الفرق حاولت فيهم ابشوف بكم يحسبونه قالوا ولا ريال ناقص ... صبرت اسبوعين وخذته بسعر الوكاله 110 وايامها كنت اسأل اللي باعني عن اللاند ويقول متوفر وكانت اسعاره حلوه في ظل هروب الناس من الــ2008 وتوجههم للموديل اللي قبله .. وأسف على الاطاله

[ابو صقر992]

مشكور اخوي غالي عزالله مااعجبني غير الشاص عطي الله ويعطيك العافيه0

[غالي]

اخوي بيبسي

كانك من الرياض وانا اخوك اتمنى تمر على معارض النسيم كل اسبوعين
وشف معرض البازعي الموجود هناك في الشارع الكبير
وليس الي على خريص الوكاله

يجيبون لاند كروزرات حقت عبداللطيف لانهم موزعين له
وهذا الي اقصده
معنى كلامي لقوا المعارض افضل بيع من الوكاله نفسها ويرفعون اسعارها
وصاروا يعرضون سياراتهم بالمعارض وليس بالوكاله جايز يكون خوفاً من الشركة الام لكي لا تعاقبهم
وهذا مقصدي الله يحفظك
يعني لو مثلا ارسل للشركه الام او احد الاخوان
ويكتب برسالته
موزعين الوكيل يعرضون سياراتهم بالمعارض مع رفع الاسعار
جايز يكون كلام اخر مع الوكيل هنا والله اعلم

اخوي ابو صقر992
شرفني مرورك طال عمرك والله يحفظك ويرزقك بواحد مثله

[Magellan]

مشكور أخوي غالي على هالصور الجميلة
صورة الجمس هي من معرض الصقر أخوي الكريم
أنا سمعت فيه هيدروليك وفيه تجهيزات خاصة شد بلد ...
بالنسبة لعبداللطيف جميل والبازعي فماينلامون، الناس صارت تدور الجديد والدعوى صايرة مثل سوق الأسهم
بالأول ارتفع سعر القديم وطاح الجديد والحين إنعكست الآية ..
ولو الناس إمتنعوا عن الشراء كان تلقاه يحرّج عليه عبداللطيف جميل والبازعي
بس قاتل الله الجهل والتقسيط ماخلا الناس تعيش براحة
لازم المباهاة والرزة اللي مالها سنع
وأنا أتوقع بيصير هبوط حاد في أسعار اللاند في 2009 ويصير إنتشاره مثل الرز
لأن هالحركات من الشريطية ماتدوم والناس المخدرة عقولها أكيد بيصحون

[عاشق السيل]

وعليكم السلام ورحمة الله وبركاته ،،

بيض الله وجهك عز الله إنها مواتر عليها الكلام وهذي 10 في 1 !!!!!!

وشاكر لك معلوماتك القيمة وتقبل مروري يالغالي ......

[غالي]

أخوي ماجلان
اخوي عاشق السيل
شرفني مروركم وبيض الله وجهكم وجزاكم الله بالجنه ان شاء الله

[الوافي4482]

الله يعطيك العافيه ما قصرت على التوضيح

[الذكرى الحلوه]

مع احترامي لكم لاعتقد انه صحيح البازعي يورد من الفطيم وكيل تايوتا بالامارات يكفيك ان داخلي السياره يختلف وبالمكن التكد من رقم الشاصي بخذه من سيارات البازعي والتكد من عبداللطف جميل اما حركة الوكيل هو ان يخزنها في مستودعات جده والتاكد من البطاقة الجمركية تاريخ الفسح والبطاقه الجمركية من قبال البازعي من تاريخ الدخول المنفذ الدخول البطحا
ام اليحي يورد من البحرين سابقاً الما الان من اليمن
وحسب علمي انه قد تم ايقاف البازعي من صيانة الكزس كانة صيانته ارخص من عبداللطيف جيل
وحتى تتكج من الموضوع قطع الغيار
وهذ مجر رايي وحبيت اشارك
وانك غلطان ارجو المعذره
ملاحظه الموضوع لي للاندكروزر فقط الهايلكس كذلك

[.أبوعبدالرحمن]

أعتقد ان كلامك صحيح اتفاقية بين الوكالات والشركة المصنعة


والشريطية ما صدقوا خبر ان السيارات تكون طلبية في الوكالات ورفعوا الاسعار في السماء


حسبي الله عليهم كلهم

[غالي]

اخوي فليج
شرفني مرورك والله يعافيك
اخوي الذكرى الحلوه

انا شاري 2003 من البازعي وفعلا كان يجيبها من الامارات
وبعد كم سنه تقريبا في 2005 او 2006
قريت وسمعت ان البازعي اصبح موزع لعبداللطيف

وامس ويعلم الله اني مكلم واحد من عبداللطيف وسألته عن البازعي
وقال هو موزع لنا

جايز البازعي ينفرد ببعض المميزات او يغير فيها بمواصفات خليجيه لكن اصليه
وكلامك انه أوقفوه عن صيانه لكزس
هذا دليل على انه موزع
وشرفني مرورك والله يجزاك خير

[غالي]

ابو عبدالرحمن (معزه خاصه عاد)
رغم اني مااعرفك ولاتعرفني ومعرفتك تنشرى بالذهب

شاكر لمرورك وتشريف الموضوع والله يجزاك بالجنه ووالديك

[خاشقجي]

كلامكم صحيح

أول ما نزل جيب اللكزس الجديد 2008 سحبوا الشريطيه كل الموجود بالوكالة ...

وكان سعره بــــ 315000 ريال سعودي ...

المستهلك تبي تروح للوكالة يقولون طلبية ما تجي إلا بعد شهرين ...

أستغلوا الشريطيه الموقف وزادو قيمة الجيب إلا 345000 ريال سعودي ...

الرجال اللي عجل يبي يشتري جيب لكزس ما هو بقاعد يحتري الوكالة شهرين يدفع للشريطي 30000ريال

مقابل إني أحتري شهرين عند الوكالة ...

ما أقول إلا حسبي الله على لجنة حماية المستهلك ظلم عينك عينك ...

ليش يأخذ 30000ريال بإي حق ...

لا وأزيدكم من الشعر بيت ترى أقل سعر بين الشريطيه بـــ 345000 وبعضهم بـــ355000 هذا إقاله منزل

سعره شوي ...

الدعوى سيبه لعب على ذقون ؟؟!!؟