اقتراح لمحبي برادو تويوتا

[زميقه]

السلام عليكم ورحمه وبركاته
اهنئى اعضاء المنتدى على هذا المنتدى المتخصص والذي يجد فيه الباحث عن المعلومه المطلوبه وحيث من خلال تواجدي المستمر في المنتدى اجد بعض الاختلافات في مواصفات السياره الواحده من وكيل الى آخر ومن دوله الى دوله اخرى مما يجعل الواحد يحتار بين هذه المواصفات ... ومن هذا المنطلق فاني اقترح على اصحاب الخبره والمعلومه او بعض الشباب ما شاء الله عنده قدره على وضع المقارنات والاختلافات وضع تقرير يوضح مواصفات سياره برادو عند كل وكيل يتضمن اسم الوكيل و اسم الدوله و اسعار السياره و ان حصل صور كان افضل ....
مثلاً السعوديه يوجد لدينا البازعي و عبد اللطيف جميل كل واحد عنده مواصفاته والاسعار مختلفه
انا عيني عى برادو لكن بعض الأخوان من الدول المجاوره يذكرون مواصفات وصور خياليه وصعب اسافر وحجوزات واخر شئ نفس المواصفات التي في بلدي او تكون اسعار نااااار
المقصود ان يكون الموضوع مرجع لكل من يرغب في معلومات متكامله . مجرد اقتراح وسلامتكم

[كاشخ 24 ساعه]

وش تبي بالبرادو يابن الحلال

بقيمته اشتر لك لاندكروزر او يوكن أصرف.


ترا كان معي واحد2007 وبعته بخساره

[زميقه]

اخوي كاشخ اللاند كروز افضل لكن سعره غالي واقل فئه منه تقول هايلوكس مطور لا مواصفات ولا شئ ...
البرادو اشوف العالم طايره فيه بالمدح ,,, بهالمناسبه وش فئه البرادو اللي كان معك وش الشئ اللي مو عاجبك فيه ومتأسف على التطفل

[سراب اللال]

أعرف واحد من الشباب مدحوا له البرادو واشترى واحد 4 سرندل 2007 أخذ معه شهر وباعه بخساره لأنه يقول عزمه ضعيف وتسارعه مع الطريق أيضاً ضعيف

[كاشخ 24 ساعه]

اخوي كاشخ اللاند كروز افضل لكن سعره غالي واقل فئه منه تقول هايلوكس مطور لا مواصفات ولا شئ ...
البرادو اشوف العالم طايره فيه بالمدح ,,, بهالمناسبه وش فئه البرادو اللي كان معك وش الشئ اللي مو عاجبك فيه ومتأسف على التطفل

انا أخذته لان الناس على قولتك طايرين فيه بالمدح وفكيت 6سرندل فل اوبشن وتندمت صراحه

العزل 0% والمكيف حقه دمار وتوازنه في الخط زفت خاصه اذا مشيت فوق 140

يعنى باختصار الموتر يصلح لواحد يمشي حده 120 وفي منطقه بارده وديرته كلها جبال عشان السياره جباره في الطلوع والنزول.