اخواني الافاضل
السلام عليكم ورحمة الله وبركاته
ماهي افضل طريقه لفحص الدبل عند شراء سياره مستعمله دفرنسين ولايوجد حولك نفود ولا بطحاء ولاشي علشان تجربه ؟ ؟ ؟
قير الدبل ارضي طبعا
وتقبلوا فائق احترامي وتقديري
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
هلا بك اخوي
انا اشوف بعض الميكانيكين يشبك الدبل الثقيل طبعا بالزفلت و يلف الدركسون للاخر و يدوس بنزين طبعا دوس خفيف طبعا اذا فيه خراب راح يطلع طقطقه بجنزير الدبل و هو دائما ما يخرب هذه افضل طريقه
و طريقه اخرى توقف الموتر امام طلعه مرتفعه جدا او شحنة رمل و تدوس و هو بالثقيل راح يبين اذا فيه مشكله او صوت راح يظهر
تحياتي لك
وعليكم السلام ورحمة الله وبركاته ،،،
الطريقة الأولى مثل ماقال أخوي سوبر فتك إنك تشغل الدبل الخفيف أو الثقيل وتمشي عدال وإذا طلع صوت بالدبل ترى الجنزير أو التروس اللي بالدبل خربانة وبعدين تلف الدركسون على الآخر يمين وتدوس شوي وبعدين تجرب يسار وتدوس برضو وإذا طلع صوت طقطقة ترى العكوس خربانة ،،
والطريقة الثانية للتأكد من سلامة عمود الدبل وسلامة الكرونة بالدفرنس الأمامي وسلامة أعمدة الدفرنس وطبعا إذا مافيه رمل إنك ترفع السيارة من جهة على عفريتة وتشغل الدبل وتخلي الكفرات تدور بسرعة خفيفة وإذا دار الكفر الأمامي ترى كل شي تمام وبعدين ترفع السيارة من الجهة الثانية وتعيد نفس التجربة !!
هذا اللي عندي وتقبل مروري يالغالي ....
اللهم انصر إخواننا المسلمين في سوريا ،، اللهم ارحمهم وكن معهم ووحد صفوفهماللهم عليك بمن ظلمهم ،، أرنا فيهم عجائب قدرتك يا قوي يا متين
تشغل الدبل الخفيف أو الثقيل وتمشي عدال وإذا طلع صوت بالدبل ترى الجنزير أو التروس اللي بالدبل خربانة وبعدين تلف الدركسون على الآخر يمين وتدوس شوي وبعدين تجرب يسار وتدوس برضو وإذا طلع صوت طقطقة ترى العكوس خربانة ،،تمام عليكم ياشباب افكارم حلوه طبعن تعشق الدبل تمشي سيدا طبعن على الاسفلت السياره طبيعيه لف يمين اويسار تحس ان السياره تثقل او تبي توقف ولا تسمع صوت صرصر للكفرات دليل ان ادبل معشق 100%
جزاكم الله كل خير وربي ينور دروبكم بالايمان مثل مانورتوني
ونسمع من باقي الاخوان اذا فيه اضافات او تعليق
الذين يشاهدون الموضوع الآن: 1 (0 من الأعضاء و 1 زائر)