اخواني الفزعة في ريموت الفورد

[asheqalreem]

عندي الريموت كنترول حق السيارة جيم ماعاد يشتغل
غيرتله بطارية جديدة ونفس المشكلة

مادري وين القى احد يصلحه
علما باني اقيم بمدينة الرياض

تحياتي للجميع

[ابن طيبة]

لوكنت في المدينة دليتك ولكن بالرياض مااعرف .......
لكن مايقصرو مع المكشاتيه يدلونك

[asheqalreem]

مشكور اخي ابن طيبة وماقصرت والشباب المكشاتيين ماهم مقصرين

[سطام vip]

السلام عليكم ورحمة الله وبركاته

اخوي المشكله بسيطه والحل في الغرابي

فيه محل عنده ريموتات جديده ومجدده

وانا غيرت عنده ريموت سيارتي ماركيز

وكلفني اقل من 200 ريال اذا ماني غلطان

ريموت مجدد مو جديد بس مثل الجديد بالضبط ما فيه اي شي

مع البرمجه وكل شي

والمحل يالغالي في الغرابي وانت جاي من اول شارع الغرابي

من ناحيه البطحاء بيجيك اصحاب المسجلات على يمينك

ياهو اول ملف يسار يا ثاني ملف محل صغير اسئل عنه وبيدلونك

والله يسهل امورك اخوي

[ذيب صعافيق]

1تأكد ان الابواب مغلقه جيدالان عدم اغلاق الابواب يجعل الريموت لايعمل للامان 2_ أرى الذهاب لشخص الي بالغرابي ان كنت بالرياض أوأدخله الوكالة (برمجة ريموت)

[asheqalreem]

شكرا اخواني الاعزاء على تعاونكم

الظاهر فعلا ان الريموت يحتاج برمجه بس

وانا سمعت ان في طريقة للبرمجه بدون مايحتال عليها ابو هنود وشاكلته

اللي يدلنا على الطريقة نكون ممنونين

وللجميع تحياتي

[ابومحالة]

اخي العزيز

سعر الريموت في الوكالة 100 ريال وسعر المفتاح 100 ريال

أما برمجة الريموت فهي سهلة جدا

انت بنفسك تسويها

ولا تروح حق اللي يبرمجون

1- اركب السيارة وسكر الباب
2- حط المفتاح في السويتش
3- افتح السويتش وسكره اكثر من مرة وانت تسوي الحركة هذي ضغط على الريموت لين يشبك معك

البرمجة لاتاخذ سوى دقيقة او دقيقتين بس

[مخلص النيه]

ابي ريموت تاون كار موديل 95وكم سعره في الوكاله وكيف طريقةالبرمجه حقته