المشاركة الأصلية كتبت بواسطة waleed870
السلام عليكم ورحمة الله وبركاته
يا شباب انا عندي جيب قديم مديله 90تويوتا vxr
وانا ناوي اضبطه للشتا الجاي والطلعات
وانا محتاج مساعدتكم
1-يبيله مساعدات ويايات
2-وفحمات
3-وصدامات ودعامات
4-وتربيط
5-وبويه كامله
وابي رايكم وين اركب والافضل
واللي عنده راي او مساعده او اقتراحات
اعتبروها سيارت المنتدى كل واحد يحط فيها اللي عنده
حيآك الله يالغالي .. ويامرحبا
فآضي وقلت خلني اعآون الرجال باللي أعرفه كود أنشاء الله تصيبنا دعوه منه خير
يامرحبا
أول شي يالغالي ...
أطلع من الموضوع ... وتفقد خيمه السيارات وتجهيزآتها ... في افضل الورش اللي على شغلهم العلم .. لأني مدري والله وين محلك ...
ثم واانا خو تل موتر الله يعافيك ويعافيه هالورشه .. وخله يفحصه من إلى ... من الصدآم للصدآم .. خله يكتب الخرآبآت كلها في وريقه .. من فحمات وربلات وغيرها .. وأنقز الله لايهينك لمحل قطع غيار أصلي ونقنقها نقنقه ... وعود بها على الورشه وخلك معهم يركبون بعضها ورح وتعال في وقت ثآني وأشرف عليهم لين يزبطونها كلها
ثم أليا خلص .. أدفع لهم درآهمهم ..
وثم شغل موترك على الرمايه اللي فالرياض .. وتخير لك من هاليايات والمسآعدات الاسترآليه ... وأليا صفت على نوع .. خلهم يركبونها لك ..
ثم مر على طريقه ورشه النويصر اللي فالررياض .. خلهم يربطون الموتر لك تربيط .. من الصدآم للصدآم ..
واليا خلصو .. اسأل عن أطيب ورشه ترش بويه .. وبيدلونك أهل الخير مهوب مقصرين .. واليا رسيت الله يعافيك على ورشه .. دخل موترك عندهم . وخلهم يلبسونه ثوبه الجديد وعليه بالعافيه
ثم عآد اليا أنتهو ... زبرقه على هوآك فالغرابي من صدآمات وتلبيسات وعلوم ماتخفآك يالذيب
ثم والله أني خآبر أنك تبا والله تصكني بمفتآح العجل ههههههه على هالكلام الوآآجد مير العذر والسموحه
فمان الله