فك فلنجة الجمس الامامية م2001.........(بالصوررررررررر)

[سوبر VTC]

السلام عليكم و رحمة الله و بركاته

اليوم يالربع عندي الفلنجة الامامية خربانه لجمس 2001 طبعا الرمان بداخل الفلنجة متواكل عاد نبي نغيره

ايه طيب و بعدين

فانا ودي اني اشرح لكم طريقة فك الفلنجة مع الصور

اقول لا يكثر اخلص

طيب طيب

نبدا على بركة الله مع اول الصور

هنا المشكبيات تمسك الهوب

يتبع فضلا انتظر

[سوبر VTC]

هنا يمكنك مسك الفرامل بديل عن السيخ

هنا القاعده اللي يركب عليها الكلبير و لها مسمارين للقاعده نفسها غير مسمارين الكلبير

هنا دور التماتيك

يتبع فضلا انتظر

[سوبر VTC]

هنا امسكت معي غلط و تركت الشغل و رحت اكل برحي خرمان على برحي هههههههههههه

نكمل الفك و الربط

فضلا يتيع انتظر

[سوبر VTC]

اثناء ربط مسامير العكس الاربعه طبعا حاط مفتاح 15 و انا اضربه بالشاكوش او المطرقة عشان يشد المسمار

بقوة حصلت الفاجعة (رضحت اصبعي الصغير بالشاكوش) من شدة الحماس هههه و الله يطيح الظفر و الارض

دمان الصراحه من قوة الرضحة حسيت بدوخة و انا اطير للمستشفى سريع سريع و على طول ابرة تسمم و سوله تنظيف

تعقيم حتى

يقول الشاعر / منصور الدخيل في (الفية) كاملة له عن الحديد و الورشات

و الثاء ثلاث بالورش كلها نقص المخش و الرضحات و الاصبع انفص

عز الله اني بالشمم صرت مختص عليك بالمره الى نمت مجروح

صورة للابطال المجهولين ما عدا الشاكوش

اخيرا هذا ماتيسر بيانه و ايضاحه

و ارجو اني اكون قد وفقك في الشرح و الايضاح

و انتظر ملاحظتكم و ردودكم

تحياتي لكم

[قلبي طيب]

سلامات .......... وماقصرت


ويا طول باااااالك ما شاء الله على الفك والربط

[VXR.2007]

مشكور وماقصرت كفيت ووفيت
والحمدلله على السلامه

[العنقري]

يعطيك العافيه(والمهتوى يقطع المستوى)

[B.A]

اول شي الحمدلله علىسلامتك وماتشوف شر بكل صراحه الله يرعك ويكفيك شر من فيه شر بسم الله ماشاء الله , الله لايظرك كل مواضيعك قمة بالشرح وانتقى المواضيع المفيده واتمنى منك انك تجمع جميع مواضيعك برابط واحد لاانها بكل صرحة مفيده بشكل كبير وتعتبر مرجع قيم .... تقبل تحياتي...

[ahmad963]

موضوع مفيد وجزاك الله خير على هالشرح الوافي والحمد لله على سلامة صبعك مأجور ان شاء الله

تقبل تحياتي

[ساري 111]

يعطيك العافيه والحمدلله على السلامه( ويابن الحلال لسلم العود الحال تعود):d

بس حلوه الأكس على الشاكوش ولو انا بمكانك قمزته على الجيران من الحره ههههههه

[برونز]

سلامات ولاترى باس
المرةالجايه علمني افزع معك ولاتخاف ابسكت ولامتكلم ولابكلمه الا ابشر وسم اتفقنا

[ناوي نيه]

مشكووووووووووووووووووور وماقصرت
والحمدلله على السلامه
وش السبب من تغيير الفلنجه.. وش الخراب بضبط..؟

[عاشق الموج]

اجر وعافية ما عليك شر اخوي

وشغلك ميه ميه تسلم عليه

بس حبيت اسألك الفلنجه كم سعرها ؟ وهل هي اصلي ولا امريكي


ولك تحياتي

[عبدالله2009]

ما تشوف شر اخوي


والحقيقة موضوع متعوب عليه ... الله يجزاك خير

وحتى فيه فوايد ثانية ... مثل فك الهوبات والفرامل

فيه ناس كثير يحب يسوي شغله بأيده

سلمت ... والله لا يهينك على الموضوع

[جمعان 22]

شغلك مضبوط يا سوبر فتك

مالي بالسيارات ...... بس حبيت اشارك :d


تقدر تحط الصور على شكل فيديو ... وترفعها لليوتيوب .... حركاااات