افزعو يااهل الخبره بالدفلوك

[اسير الغضا]

يااخوان فزعتكم خالي شرا شاص فل كامل به دفلك جايبه من الامارات
وهو طول عمره ياخذ عادي اول مره يشري فل ولا يعرف لدفلك ولا يدري وشلون يستخدم
وسئلن ونا مالي بالشواصي معي ددسن ثنين وتسعين
وقلت مالي الا الله ثمن مكشات
انتظركم

[اسير الغضا]

خالي دق علي تو تكفون عجلو

[حزام الامان]

اذا علق الموتر وجلس الكفر يلعب بالهواءاو الكفرين اوثلث... يشغله طبعا مع الدبل .يقوم بضغط على الكفر الثابت الي مايتحرك ويحركه. اتمنى اني افدتك

[شحبار]

سهله ادعس على البريك وفر الفراره يمين وتولع عندك لمبه الدفلوك تشب وتطفي وبكذا اشتغل الدفلوك

[عابر سبيل2008]

هلا أخو ددس وبس .......
فائدة الدفلك: توزيع الطاقة على الكفرات ... بمعنى : أنه عندما تعلق السيارة أو تغرز ويدور الكفر أوبعضها بلا فائدة .... يقوم الدفلك بإيقاف الكفر الذي يدور ويوزع الطاقة أو العزم على بقية الكفرات الثابتة على الأرض مما يعطي قوة العزم والدوران على الكفرات الثابتة فيساعد على تنظيم دوران الكفرات بحسب الحاجة مما يريح صاحب السيارة من وضع الحجر أو دفن الرمل تحت الكفر الذي يدور بلا فائدة أو مرتفع .....أتمنى أني أفدتك ...
وفقنا الله وإياكم للخير والعمل به ....

[sameer_1798]

متى تحتاج الدفلوك :
إذا سوتش الدفلوك عندك مكتوب عليه RR فهذا لدفرنس الخلفي فقط يعني لاتعلق الموتر (يدور كفر من الخلفي و الثلاث واقفة وأنت مشغل الدبل )
أما لو كان يدور واحد من الأمامية و الثلاث واقفة ماينفعك الدفلوك هذا .إذن لابد من وجود دفلوك أمامي و يكون
مكتوب على السوتش FR-RR هذا يقفل الدفرنسين .
طريقة التشغيل : ماتشغلة إلا في الحالة المذكورة في الأعلى و إذا خرج الموتر تطفيه
تعشق الدبل الثقيل و تشبك سوتش الدفلوك وتحرك على مهلك وكون حذر يمكن يحذف الموتر يمين أو يسار .

هذه صورة لدفلوك أمامي وخلفي :

[راع الحيزى]

الدفلوك هو ببساطه شبك للعكوس بحيث تدور الكفرات جميع سواء للدفرنس الخلفي او الامامي ...وبعض السيارات مثل الشاص الخليجي يجي الدفلوك للدفرنسين الامامي والخلفي.
استخدامه: اذا تعلق الموتر وصار احد الكفرات يدور والثاني متعلق مثلا...او طحت في رباضه قشرى والموتر مو راضي يتحرك او حركة الكفرات فيها اختلاف....او وحل (طين لوجه العدو) شديد
طريقة اتخدامه: تكون السيارة ثابته...والكفرات الاماميه بخط مستقيم يعني ماتلف الدركسون...تفضي القير ...وتدوس على الكلتش....ثم تعشق زر الدفلوك الامامي او الخلفي حسب الحاجة وحسب التوفر ...تجنب استخدامه على الطرق الصلبه .... لاتسرع ابدا ... لازم تفصله اول ماتطلع سيارتك من المشكله بنفس الطريقة الي ذكرت معكوسه.

والله يعطيكم خير الموتر ويكفيكم شره

[سوبر VTC]

الاخوان كفو ووفو
لكن
اهم شي ما يتعدا سرعة 20
و الا فرطت عليك (ديشالي) الكارونه و لا تلف للاخر عشان ماتخرب عليك العكوس
تقدر تشبكه اذا صرت تبي تجر
واحد مغرز
يدورن كل الكفرات غصب
يصير العزم متساوي على الكفرات الاربعة
و هذه افضل نتيجة مرجوة و مريحة
حالة اخرى/
عملي جدا عند وجود رباضة او هيار
بحيث
ان الموتر ما يتعلق يدورن الكفرات على سرعة بطئية

[طواش]

عادة الكروزر لاينفع وياه الدفلوك بحيث تشغله ولا يعمل القفل !! أما الباترول وهذا موديل القديم 95 فهو ممتاز من يعلق الموتر شغله تتحرك عجلاته الاربعه !!!

[شاص1988]

الدفلوك مايشتغل الى مع الثقيل
ولى تلف الدركسون كله
السرعه ماتزيد عن 20 كما ذكر سابقا

[غالي]

باختصار

كفر يدور والثاني ثابت

شغل الدف لوك:

يوقف الي يدور ويشتغل الثابت

عاد فيه كذا حاله

طين - مرتفعات - رمال..... الخ الخ

[اسير الغضا]

الف الف الف شكر يالغالين