البراد قرب وتجهيز المواتروجب

[2008]

سلام عليكم يالنشاما
شباب تعرفون بعد شهر الخير والمغفره شهر رمضان المبارك أعانكم الله علي صيامه وقيامه وتقبل منكم خير الأعمال.
يبي يبرد الجو وسيارات البر تبي تجهيز وخلونا نتعاون وندل بعضنا علي الورش اللي شغلها رخيص وغير مبالغ فيه وعملها نظيف.
والواحد اللي عنده حاجه يبي يبعها وطايحه في كبده مهوب لاقي واحد يشتريها منه وش يسوي فيها وتلقي واحد قاعد يدور علي هالحاجه مهوب لاقيها ومستعد يدفع فيها دم قلبه والأثنين مهوب عارفين عن بعض هذا عنده الحاجه وهذا مهوب لاقيها.
وأنا أقترح علي المشرف أن يثبت الموضوع لما فيه المصلحه العامه

وسوف أبدأ بنقسي

أنا ياشباب أحتاج تركيب قلص سحب خلفي لسيارتي الدوج دورانجو 2002 أنا لقيته عند السليماني وقيمته ب 650 ريال وأشوف انه غالي شوية
ورحت للورشه اللي مقابل ورشة المواهب نسيت أسمها هالحين وقالي أفصل لك القلص ب 700 ريال يعني أغلي من الجاهز اللي عند السليماني
وش الحل ياشباب

[أبو مسفر]

انا معك
وربع تعاوتوا ما ذلوا
وبالنسبة للي تقول الواحد عنده حاجة وده يبيعها او يدور عليها

ذكرتني واحد من الشباب يدور سلة خلفية للباترول
اما انا ادور سلة تندة للباترول 2006

[بدوي جنوبي]

تم التثبيت
ومبروك عليكم رمضان

[بـلـيـهـان 1]

هلا بك أخوي

يالله حيه

موضوع ممتاز جدا .. بارك الله فيك

أنا و أنا أخوك أدور لي على جيب لاند كروزر من موديل 98 و طالع .. إلى 2001

جي إكس أو جي إكس آر ..

و عندي جمس رفرف 79 454 إلى جاب قيمه أحتمال أبيعه و آخذ لي 79 بس 350 لأن الـ454 حساس
و طبعا ً موتري فحص استماره جديد

..

و تشكر على موضوعك عزيزي و ماتقصر

[زاير الغيم]

الله يجيب الأحرار شرواكم..
والله يرزقنا بالطير الطيب..

ياكريم..

والجيب جاهز بفضل الله

ألف شكر على الموضوع

[ناصر97]

سلام عليكم ورحمة الله وبركاته
عندي يربع (جنوط+كفرات)=جنوط جمس برزيلي6مسمار4جنوط مصبوغه واحد غير مصبوغ (ستبنه)
المجموع =5جنوط
4كفرات جديده باضمان وواحد (ستبنه)لكم عليه صناعه الكفرات (صين) (رن واي)
للاستفسار على الخاص

[فارس القبيلة]

موضوع مميز,,

انا عندي استفسار عن سعر الجيب الشاص 2000-2005 لاني افكر فيه ودي اعرف اسعاره الله لايهنكم,,


ودمتم بوود,

[..: ابو يوسف :..]

السلام عليكم ورحمة الله وبركاتة

الله يعطيك العافية على الموضوع

انا الصراحة لي فترة ادور على تانكي ماء 80 او 90 لتر وياليت يكون

المنيوم واذا كان ستانستيل مهيب مشكلة اهم شي ان التانكي يكون صغير

يعني احطة بالعرض بالجيب الربع يعني افرشة واحط العفش فوقة

ويكون سعره معقول

وشكراً

[المعرفه]

السلام عليكم ورحمة الله وبركاته
اخوي ابو مسفر ولا هان الجميع انا عندي سلة وودي اعرضها للبيع ومدخل عليها بعض التعديلات
بس ما ادري هي بتنفع للباترول او لا لان موتري برادو.
ان كان لك نظر ارسل لي على البريد
sa1406@maktoob.com

[مكشاتي 2012]

ياجماعه ودي بتانكي هايلكس غمارتين من2006 وطالع الي يجي في السندوق بالعرض وشكرا

[كايدهم11]

يالربع انا بالشرقية وابي اضبط موتري بـ انوار و بطارية اضافية و خزان موية و سلة فوق وثلاجة ........ يعني تجهيز رحلات ...... لمن اروح بالشرقية او بالرياض ........ ترى الموتر نيسان باترول


ولا تهونون يالربع عجلوا تراي مافيني صبر ابعيد بالبر ... طقيت من الديره

[ابوتركي666]

السلام عليكم وكل عام وانتم بخير
ياجماعة عندي هوك باترول الي يجي قفل يركب من موديل 98 الى 2009 حق موديل 2006 وشرط إنه وكاله
الي يبي موجود ترى سعره اقل من سعر الوكاله واجد

[بدوي جنوبي]

السلام عليكم وكل عام وانتم بخير
ياجماعة عندي هوك باترول الي يجي قفل يركب من موديل 98 الى 2009 حق موديل 2006 وشرط إنه وكاله
الي يبي موجود ترى سعره اقل من سعر الوكاله واجد

عليكم السلا م يبو تركي
عافاك الله انت تعرض سلعه للبيع والموضوع يتكلم عن التجهيزات
افتح موضوع في قسم بيع وشراء السيارات ومستلزماتها

والمفروض ردك هذا ينحذف
بالتوفيق

[0ابوعزوز0]

يا شباب انا لي فتره ادور عن سياره مازدا سيدان من موديل 2002-2006 اذا ماعليكم امر الي عنده ووده يبيعه يعطيني مواصفاتها لاني تعبت من كثر الدواره
واشكرك اخوي على الموضوع

[معوكس]

اخوي كايدهم بالنسبه لتركيب بطاريه اضافيه بالشرقيه عتدك محل يقال له البتار بالدمام شغله مضبووط حيل وهو بشارع الملك سعود لا من خليت تيوتا على يمينك تعدا الاشاره بتجيك الاشاره الثاني ديور واول لفه على اليمين بتلقاه على يدك اليسار واي استفسار ثاني انا حاضر