يا اصحاب الباترول vtc الأوتوماتيك ... فزعة

[المبدع22]

السلام عليكم ....
انا ابي ركب مراوح كهرب للباترول 2002 سوبر سفاري ( اوتوماتيك )
ابي رااايكم - هل تتحمل حرارة الموتر ؟ او لا ؟
وإذا كانت متازة عند من تتركب ؟
المبدع 22
0503141441

[ابو سحاب]

و عليكم السلام
شف يا أخوي أنت بتركب مراوح بديلة عن مروحة شد البلد عشان يخف الموتر
أو أنك تبي تزود مراوح على مروحة شد البلد
وش قصدك بالضبط ؟

[الوعب]

يا شيب ماقلت حراره السياره كم تاصل معاك

مع العلم انه الحراره الطبيعيه تكون تحت الخط اذا انت ماشي و اذا وقف الموتر و المكيف شغال ترتفع فوق الخط بشي بسيط (من الربع و تحت)

اذا هذي حراره سيارتك اشور عليك لاتغير شي بنظام السياره الي جات عليه من المصنع
اما اذا لاسمح الله ترتفع عندك الحراره شوري لك عالج المشكله الاساسيه لرتفاع الحراره بدال ما تركب مراوح كهرب و تتحايل على حراره الموتر

وبالتوفيق لك ان شالله

[المبدع22]

شكرا لتفاعلكم مع الموضوع
لا السيارة تماااام الحمد لله حرارتها مثل ما قال اخوي Aaziz بالضبط
لكن ابي علشان يروح صوت المروحة ويخف الموتر فقط

[المبدع22]

وين الردوووود يا أهل الخبرة

[سوبر VTC]

اذا بغيت كهربائي ببريدة ابشر
شغلته الجيوب الباترول و شغله نظيف جدا
***
ابعيطك موقف طريف و محزن في نفس الوقت
احد ربعي معه فتك سوبر 2002 على وقت الباترول 2003
المهم كاشت وقت صيد و حاط الموتر بالضلال تحت الشجر و مخلي الموتر شغال وقت الظهر لان معه فريزر بالخلف وخبرك السوبر يجي مروحتين على ادتير المكيف
المهم انه حاط مروحة فرد او هي قراند شيروكي بمكان مروحة السير و هم جالسين بعريش او دكة و يسمعون صوت المروحة اذا اشتغلت و طفت
***
بعد فترة رفيقي فقد الصوت و هم كانوا ثلاثة اشخاص
المهم انه قام و نط (سنوكا :d )
من فوق ربعه و يركض يوم جاء و الى الحرارة على الاتش و المروحة طافية لكن مراوح المكيف شغالة و هذا تأمين شد بلد اذا احتمى الموتر يشتغلن مراوح الكهرب
المهم جاب مفتاح العجل :d
و يطق (قنع:d) بالمفتاح دينمو المروحة يوم انه اشتغلت
تحياتي

[الفتكي]

السلام عليكم
شوف اخوي المبدع22 لاتحرك فيه الموتر ساكن خله شد بلده احسن لك والموتر ما فيه كلام عزمه قوي وسرعته قويه مثل ماقال اخوي عزيز

[الحرفي..]

أخوي أنا مركبها على فتك 2003 وبعد شهر فكيتها أذا انت هاوي خساير وقلق ركبها
مافية فرق كبير ...... الفرق في الفلتر الرياضي يعطيك طرب في الصوت ونشاط

[مواسي الطعوس]

الباترول 2001م واللي قبله ال 98م يركبون مروحة التيما اخف ولايحتمي الموتر الا بالجور القوي ولاهو ذاك الحراره ويبرد على طول .وبعدين امن من الكهرباء.

** تبي النشاط ركب هدرز كامل مع دبة يوكن 2007 وفوق مع الفلتر . تشوف فرق مهب بسيط .

[المميـز]

ركب مروحة جراند شروكي

موجوده عند العثيم ببريده

وشغله ماشاء الله تبارك الله مظمون ونظيف مره

الصراحه وانت تتفرج على الشغل ترتاح

تحس ان شغله شغل وكاله الله لايضره واتمنى له التقدم والتوفيق في عمله

[محسن اليامي]

السلام عليكم
شوف اخوي المبدع22 لاتحرك فيه الموتر ساكن خله شد بلده احسن لك والموتر ما فيه كلام عزمه قوي وسرعته قويه مثل ماقال اخوي عزيز

[المبدع22]

جزاكم الله خير على التفاعل
ايوة كذا الردوووووود
ريحتوني
الف الف شكر لكل من رد